Duisende registreer vir e-taks

Stelsel ontwikkel steeds

19 July 2019 | Ministeries
Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.

Mnr. Tonateni Shidhudhu, woordvoerder van die ministerie van finansies, sê sedert die e-stelsel op 17 Januarie vanjaar aan die land se sowat 700 000 belastingbelaters beskikbaar gestel is, is 106 778 belastingopgawes hierop ingedien.

Dít deur mense wat self besoek aan die belastingkantore afgelê het.

Terselfdertyd het 85 447 belastingbetalers hul opgawes aanlyn ingedien.

Volgens Shidhudhu het meer as 90 000 individue op Itas geregistreer om belastingopgawes in te dien.

In sommige gevalle kan boekhouers ook hierop registreer om verskeie kliënte te verteenwoordig en opgawes namens hulle in te dien.

“Ons het die 14 politieke streke in ses ingedeel. Tot dusver het die meeste belastingbetalers by die Windhoek-streekkantoor geregistreer en het die minste mense op Rundu geregistreer,” het Shidhudhu gesê.

“Ons kry steeds belastingbetalers wat hulp met die Itas-registrasie nodig het. Ons mikpunt is om elke belastingbetaler betyds geregistreer te hê en ons kantoor – met behulp van die inbelsentrum – sal sy deure oophou om diegene te help wat enige uitdagings met registrasie en ander belastingverwante kwessies ervaar,” het hy aan Republikein gesê.

“Ons het groot belangstelling in die stelsel onder baie belastingbetalers gesien in die vorm van navrae, asook mense wat geregistreer het om hul opgawes aanlyn in te dien,” het Shidhudhu gesê.

“Tot dusver is ons tevrede met die reaksie, maar wil eindelik hê almal moet op die stelsel registreer,” het hy gesê.

Shidhudhu sê belastingbetalers wat op hul ouer stelsel geregistreer was, het die meeste probleme ervaar omdat die nuwe stelsel ‘n belasting-identifikasienommer (TIN) vereis, wat nie nodig was vir die ouer stelsel nie.

“Ook het mense wie se ID-nommers verander het, veral die met ou Suid-Afrikaanse ID’s, probleme ervaar. Ons moedig belastingbetalers dus aan om ons kantore te besoek en hul inliting by ons by te werk.”

Hy het gesê nog ‘n probleem wat ervaar is, is dat belastingbetalers onvolledige TIN-nommers gee.

“Dit begin altyd met ‘n nul,” het hy gesê.

In ‘n dokument op die ministerie se webwerf word verduidelik jy moet slegs ‘n nul vooraan jou ou TIN-nommer byvoeg, wat op die ministerie se vorige Taxlive-stelsel gebruik is. Die nuwe Itas-stelsel vereis agt syfers.

Dit beteken as jou vorige TIN-nommer 1234567 was, sal dit nou 01234567 op die Itas-stelsel wees.

Shidhudhu sê hulle ontwikkel die stelsel steeds en waar probleme ontstaan, word klagtes deur die publiek aangeteken en hanteer om die stelsel gebruikersvriendeliker te maak.

Die doel is om elke belastingbetaler uiteindelik op die stelsel geregistreer te hê, het Shidhudhu gesê.

Hy het verduidelik die doel met die Itas-stelsel is om moderne inligtingstegnologie te gebruik om belastingadministrasie te outomatiseer. Boonop moet dit as ‘n ondersteuningstelsel vir die departement van binnelandse inkomste dien om sekere strategiese doelwitte te behaal.

“Die Itas-stelsel bied ‘n selfdiensopsie vir belastingbetalers en hulle kan na hul rekeninge en opgawes kyk en ook byvoorbeeld na generiese inligting soek,” het hy gesê.

“Ons doen ‘n beroep op belastingbetalers om hierop te registreer; die stelsel is baie gebruikersvriendelik.

“Ons gaan ook ‘n bewustheidsveldtog van stapel stuur om belastingbetalers te leer hoe om op die stelsel te registreer, en hoe belangrik dit is om belasting te betaal,” het hy gesê.

Soortgelyk

 

Oordragplanne van Hatuikulipi’s gefnuik

5 ure gelede | Misdaad

Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund...

Waarskuwing: Swaar storms tot Saterdag

5 ure gelede | Weer

Elvira Hattingh - Terwyl ’n vrou van Otjiwarongo Woensdag gesterf het toe reënwater haar meegesleur het, waarsku die Namibiese weerkantoor nog swaar storms kan tot...

Geen borg vir ‘renosterstroopsoldate’

5 ure gelede | Misdaad

Francoise Steynberg - Die drie weermagsoldate wat daarvan beskuldig word dat hulle ’n olifant in die Etosha Nasionale Park gestroop het, bly in aanhouding. Mnre....

Weer vir 6 Desember 2019

5 ure gelede | Weer

WEERWAAK: Swaar storms sal in die streke van Oshana, Ohangwena, Oshikoto, Kavango-Wes, Kavango-Oos, Otjozondjupa, Khomas en Omaheke voortduur. Tref asseblief die nodige voorsorgmaatreëls. BINNELAND: Bewolk...

Kalender 6 Desember

5 ure gelede | Kuns en vermaak

Nou aan die gang » Die Swakopmund KIA Makietie beloof om 'n ongelooflike geleentheid te wees. Swakopmund is onlangs as Kwêla se Dorp van die...

Speke sing vir Bryn

5 ure gelede | Gesondheid

Henriette Lamprecht – Byna twee jaar nadat hy ’n suksesvolle leweroorplanting gehad het, durf die 51-jarige Adriaan Grobler die moordende Desert Dash uit dankbaarheid vir...

Kombatters voor hof gedaag

5 ure gelede | Howe

Augetto Graig - Op 22 November vanjaar het ’n hof gelas sekere huurkontrakte op Kombat mag gekanselleer word, uitsettingsbevele mag op inwoners beteken word en...

Soogdiergids vir Namibiërs

5 ure gelede | Byvoegsels

Francoise Steynberg - Die Namibiese uitgewershuis Wordweaver spog nou met 'n Duitse uitgawe van sy oulike soogdiergids in sy natuurreeks.Mein estes Buch der Säucetiere Namibias...

Heeltyd speeltyd

5 ure gelede | Byvoegsels

KOLLIGTanja Bause – In Windhoek se Kleine Kuppe-woonbuurt is 'n heerlike speelplek vir kinders.Anta Mandy is sedert 2017 aan die stuur van die Busy Bodies...