Duisende kinders slagoffers in Namibië

Hulp dringend nodig

01 October 2021 | Regering
Tuyeimo Haidula op Oshakati – Meer as 4 000 kinders is die afgelope twee jaar in Namibië fisies of seksueel mishandel of verwaarloos.

Nóg 293 is by die kantore of skuilings van die ministerie van geslagsgelykheid en kinderwelsyn weggegooi.

Dié skoksyfers is deur minister Doreen Sioka bekend gemaak.

Altesaam 1 566 gevalle van seksuele mishandeling van kinders is van 2019 tot 2021 by die ministerie aangemeld. Die aantal gevalle van liggaamlike mishandeling beloop 833, terwyl maatskaplike werkers 1 587 gevalle van verwaarlosing deur ouers gerapporteer het.

Maatskaplike werkers verbonde aan die beskermingseenhede vir geslagsgebaseerde geweld (GBV) moes sielkundige hulp aan 3 122 kinders en hul families bied. Dit sluit kinders uit wat nie aan GBV blootgestel is nie, maar nietemin trauma ervaar het.

WET

Sioka het Woensdag op Ongwediva tydens ‘n slypskool oor wysigings aan die wet op kinderversorging en -beskerming gepraat.

Die ministerie benodig veel meer mannekrag om aandag aan al die gevalle van kindermishandeling, -verwaarlosing en uitbuiting te skenk, het Sioka beklemtoon. Daar is ook hopeloos té min maatskaplike werkers, het sy gesê.

Namibië het tans net een maatskaplike werker vir elke 13 000 kinders.

Die ministerie se poel van maatskaplike werkers moet dringend na ministens 242 vergroot word – of minstens een maatskaplike werker vir elke kiesafdeling, aldus Sioka.

Met die bestaande personeel bedien sommige maatskaplike werkers twee of drie kiesafdelings elk. “Dit beteken maatskaplike werkers kan net krisisse hanteer en kan nie dieper in sake delf nie,” het Sioka gesê.

Kinders het pionne in toesigsake tussen ouers, versorgers en voogde geword, het sy bygevoeg. “In sulke gevalle word die stem van die kind nie voldoende verteenwoordig of uitgedruk nie.”

Wetswysings beoog om dié onreg reg te stel, het Sioka onderneem.
FOTO UNSPLASH

Soortgelyk

 

Namibiër met Omicron: Kontakopsporing begin

9 ure gelede | Gesondheid

Ronelle Rademeyer - Die ministerie van gesondheid en maatskaplike dienste het reeds begin om die mense op te spoor met wie die Namibiese diplomaat wat...

Beleggingswet op ys … vir nou

9 ure gelede | Regering

Brigitte WeidlichDie minister van nywerheidsontwikkeling en handel, me. Lucia Iipumbu, het gistermiddag die konsepwet op die bevordering en fasilitering van beleggings in die parlement teruggetrek...

Somer, swem en lafenis

9 ure gelede | In beeld

Die munisipale swembad in Katutura en die een in Olympia is vanaf verlede Saterdag vir die publiek oop. Ingangsfooie by die swembaddens is N$10,50 vir...

Verdediging trap vas oor ‘geheime’

9 ure gelede | Ministeries

Augetto GraigDie ministerie van verdediging en veteranesake se boeke klop nie en die parlementêre staande komitee oor openbare rekeninge moes gister worstel om antwoorde uit...

Weer vir 1 Desember 2021

9 ure gelede | Weer

BINNELAND: Sonnig en warm in die suidweste, maar elders gedeeltelik bewolk en warm tot baie warm met enkele tot verspreide donderbuie in Otjozondjupa en Omaheke....

Geen keer aan brande

9 ure gelede | Ongelukke

Tanja BauseDie brand wat ’n week gelede by die Osona- militêre basis naby Okahandja begin het, het gister laat namiddag nog steeds in die berge...

Vroeë vakansie ná uitgelekte vraestelle

9 ure gelede | Ministeries

Die ministerie van onderwys, kuns en kultuur sê skole gaan vroeër sluit as wat aanvanklik aangekondig is, om streke in staat te stel om voor...

Namibiërs kan derde dosis Sinopharm kry

9 ure gelede | Gesondheid

Henriette LamprechtNamibiërs wat volledig met Sinopharm teen Covid-19 ingeënt is, kan nou vir ’n derde bykomende primêre dosis gaan. Die tydsverloop tussen die tweede en...

Pohamba gekritiseer oor uitsettings vanaf sy plaas

9 ure gelede | Politiek

Augetto Graig en Enzo Amuele Nege en sewentig jaar ná haar geboorte op die plaas Guinaspoh, moet me. Amanda Kairises, haar man Alfred en hul...