Dubbele goud vir Savannah

17 May 2019 | Kuns en vermaak
Vir 30 jong Namibiërs het die deure na groter roem op skrefies oopgegaan tydens die afgelope naweek se Namibiese kampioen­skappe vir die uitvoerende kunste.

Saterdagaand was die naghemel vol blink sterre, maar die ­verskietende ster van die talentvolle ­Savannah Collins (25) het besonder helder geskyn toe sy die enigste musikant was wat met twee goue medaljes vir oorspronk­like komposisies kon spog. Die twee nommers uit haar pen, “Be Free” en “My Mind”, het Suid-­Afrikaanse beoordelaars regop laat sit in 'n atmosfeer wat herinner het aan tonele uit die gewilde The ­Voice-reeks in die buiteland.

Die 30 Namibiërs wat goud in die ses verskillende kategorieë verower het, het sowat 'n jaar om hul talent te slyp en geld vir deelname aan die Wêreldkampioenskappe vir die uitvoerende kunste in Julie 2020 in Los Angeles in die VSA in te samel.

Savannah, wat verlede jaar danksy die Gondwana Collection in die inter­nasionale kollig beland het met haar eie komposisie en lied oor haar ­geboorteland, sê sy is trots op haar en haar landgenote se prestasies.

“Ek is deesdae 'n working girl en dis nogal moeilik om die regte hoeveelheid aandag aan my musiek en kuns te gee, maar my passie dra my, en musiek en kuns is 'n integrale deel van my lewe. Om as 'n lid van Team Namibia in Los Angeles te beland, sal die hoogtepunt van my loopbaan wees.”

Savannah het haarself op die ouderdom van 14 jaar leer kitaar speel en toe een oggend besluit sy kan ook sing. Ná skool het sy vir vier jaar musiek aan die College for the Performing Arts in Kaapstad studeer waar sy haar akoestiese en elektriese kitaar-­vernuf opgeskerp en by van die grootste kunsfeeste opgetree het.

Sy is 'n groot voorstander van oorspronklike musiek en het al 12 nommers op haar debuutalbum in 2017 met die titel Be Free self geskryf.

Die titelliedjie en nog drie van haar eie komposisies het die afgelope twee jaar groot aandag op plaaslike radiostasies en in Kaapstad geniet.

Verlede jaar het haar “Namibia my Friend” golwe in die buiteland gemaak en is saam met 'n treffende video van haar en die wilde perde van die Namib wyd deur die Gondwana-groep versprei.

Soortgelyk

 

Kawana gee besonderhede oor viskwotas

13 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

1 dag gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

1 dag gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...