DTA vra kommunikasievryheid
Die amptelike opposisie is bekommerd oor die voorgestelde enkele internasionale internetdeurgangsroete en vra dat Cran dit stop.
Die DTA het sy kommer uitgespreek oor die beplande enkele fasiliteerder vir internasionale kommunikasie.
Volgens die sekretaris-generaal van die DTA, mnr. Manuel Ngaringombe, is Namibië 'n trotse baken vir die beskerming van persvryheid en burgerlike vryhede. Dit sluit in die reg om te kommunikeer, om opinies openlik en vrylik oor enige onderwerp te lug, asook die reg op privaatheid.
“Die voorgestelde skuif na 'n enkele internasionale kommunikasiedeurgangsroete het die potensiaal om tot 'n toename in internasionale kommunikasiekoste vir die verbruiker te lei.
“Nog belangriker is dat dit teen die gees en doel van artikel 21 van die Grondwet indruis, waarin fundamentele vryhede soos die reg op vryheid van spraak, uitdrukking en denke verskans word,” sê Ngaringombe.
Hy vrees ook dat indien alle internasionale kommunikasie deur 'n enkele internasionale deurgangsroete gaan, wat gedeeltelik in buitelandse besit is, private gebruikers blootgestel sal word.
Boonop sal verbruikers se private kommunikasie gemonitor kan word. Dit het die potensiaal om belangrike regte te skend.
“Die groei van ons gemeenskap sal bepaal word deur die vermoë en gemak waarmee Namibiërs van alle vlakke van die samelewing, ongeag politieke, kulturele en godsdienstige oortuigings, in staat is om aan die nasionale dialoog deel te neem oor kwessies wat die nasie raak.
“Enige voorgestelde inisiatief wat dit sal teenwerk moet op die sterkste moontlike manier veroordeel word,” het Ngaringombe gesê.
Om hierdie redes doen die DTA 'n beroep op die Regulerende Owerheid van Kommunikasie van Namibië (Cran) om onmiddellik 'n einde te maak aan die skuif om 'n enkele internasionale kommunikasiedeurgangsroete in te stel.
Volgens die sekretaris-generaal van die DTA, mnr. Manuel Ngaringombe, is Namibië 'n trotse baken vir die beskerming van persvryheid en burgerlike vryhede. Dit sluit in die reg om te kommunikeer, om opinies openlik en vrylik oor enige onderwerp te lug, asook die reg op privaatheid.
“Die voorgestelde skuif na 'n enkele internasionale kommunikasiedeurgangsroete het die potensiaal om tot 'n toename in internasionale kommunikasiekoste vir die verbruiker te lei.
“Nog belangriker is dat dit teen die gees en doel van artikel 21 van die Grondwet indruis, waarin fundamentele vryhede soos die reg op vryheid van spraak, uitdrukking en denke verskans word,” sê Ngaringombe.
Hy vrees ook dat indien alle internasionale kommunikasie deur 'n enkele internasionale deurgangsroete gaan, wat gedeeltelik in buitelandse besit is, private gebruikers blootgestel sal word.
Boonop sal verbruikers se private kommunikasie gemonitor kan word. Dit het die potensiaal om belangrike regte te skend.
“Die groei van ons gemeenskap sal bepaal word deur die vermoë en gemak waarmee Namibiërs van alle vlakke van die samelewing, ongeag politieke, kulturele en godsdienstige oortuigings, in staat is om aan die nasionale dialoog deel te neem oor kwessies wat die nasie raak.
“Enige voorgestelde inisiatief wat dit sal teenwerk moet op die sterkste moontlike manier veroordeel word,” het Ngaringombe gesê.
Om hierdie redes doen die DTA 'n beroep op die Regulerende Owerheid van Kommunikasie van Namibië (Cran) om onmiddellik 'n einde te maak aan die skuif om 'n enkele internasionale kommunikasiedeurgangsroete in te stel.
Kommentaar
Republikein
Geen kommentaar is op hierdie artikel gelaat nie