DTA-jeug in Swapo-klere
Ondanks die reuse-uitgawes wat aangegaan is om 172 jong Namibiërs van verskillende politieke partye na Rusland te stuur, is dit deur die Swapo-jeugliga gekaap.
Estelle de Bruyn
Diepe ontevredenheid oor die afgelope Wêreldjeugfees in Sochi, Rusland, is deur die DTA se jeugliga uitgespreek.
Volgens die sekretaris-generaal van die DTA-jeugliga, mnr. Bensen Katjirijova, behoort lede van Swapo, die DTA, die RDP en Nudo aan die Nasionale Jeugraad.
“Hierdie geleentheid is nie vir die DTA of Swapo aangebied nie, ons het as die Namibiese jeug gegaan. Die sweetpakke wat aan ons gegee is, het egter die Swapo-jeugliga se logo opgehad. Komende van die amptelike opposisie het dit my ontmoedig.
“Selfs die Zimbabwiese afvaardiging het nie met kentekens van Zanu-PF rondgeloop nie. Toe ek hulle daaroor vra, het die Zimbabwiërs gesê dit sou onregverdig teenoor ander wees wat nie aan die (regerende) politieke party behoort nie.
“Dit was ‘n nasionale geleentheid, hoekom is daar net voorsiening vir die Swapo-jeugliga gemaak en nie vir alle lede van die afvaardiging nie?” wou hy weet.
Volgens Katjirijova was die hele uitstappie na Sochi van die begin af ‘n deurmekaarspul vanweë ‘n gebrek aan organisasie en kommunikasie met Air Namibia. Die Namibiese afvaardiging moes om 20:50 aan boord gegaan het, maar dit het eers teen 22:00 gebeur.
Boonop het 172 Namibiese jongmense in Rusland aangekom, wat die Russiese afvaardiging onverhoeds betrap het, omdat hulle net vir 100 afgevaardigdes voorberei het.
Dit het probleme met akkommodasie veroorsaak.
Katjirijova sê 23 afgevaardigdes van Namibië, insluitende hyself, is nooit vir die byeenkoms geakkrediteer nie en vandat hulle in Rusland aangekom het tot hul vertrek, het hulle nooit hul hotel verlaat nie.
Hy sê dit is onregverdig dat hierdie geleentheid deur Swapo se jeugliga gekaap is.
“Volgende keer moet die Swapo-jeugliga hul eie bronne gebruik en die Nasionale Jeugraad moet regstreeks by die Wêreldfees vir Jongmense en studente affilieer,” het hy bygevoeg.
Volgens hom was 95% van die afvaardiging lede van Swapo se jeugliga. Daar was net vyf van die DTA en een elk van die RDP en Nudo.
Catherine Sasman berig die sekretaris-generaal van die Nasionale Jeugkommissie, mnr. Mandela Kapere, was nie vir kommentaar beskikbaar nie. Een van die werknemers van die Nasionale Jeugkommissie het ter verdediging van die manier waarop dinge gebeur het, gesê dit was omdat die Swapo-jeugliga by die Wêreldjeugfees geaffilieer is.
“Hulle (van die opposisiepartye) het geweet Swapo se jeugliga is ‘n geaffilieerde lid van die Wêreldjeugfees.
“Hoekom het hulle dan saamgegaan?” het die werknemer gesê.
Hy kon egter nie verduidelik hoekom die reis georganiseer is deur die Nasionale Jeugraad, wat ‘n statutêre liggaam is, en nie ‘n struktuur van enige politieke party is nie.
Diepe ontevredenheid oor die afgelope Wêreldjeugfees in Sochi, Rusland, is deur die DTA se jeugliga uitgespreek.
Volgens die sekretaris-generaal van die DTA-jeugliga, mnr. Bensen Katjirijova, behoort lede van Swapo, die DTA, die RDP en Nudo aan die Nasionale Jeugraad.
“Hierdie geleentheid is nie vir die DTA of Swapo aangebied nie, ons het as die Namibiese jeug gegaan. Die sweetpakke wat aan ons gegee is, het egter die Swapo-jeugliga se logo opgehad. Komende van die amptelike opposisie het dit my ontmoedig.
“Selfs die Zimbabwiese afvaardiging het nie met kentekens van Zanu-PF rondgeloop nie. Toe ek hulle daaroor vra, het die Zimbabwiërs gesê dit sou onregverdig teenoor ander wees wat nie aan die (regerende) politieke party behoort nie.
“Dit was ‘n nasionale geleentheid, hoekom is daar net voorsiening vir die Swapo-jeugliga gemaak en nie vir alle lede van die afvaardiging nie?” wou hy weet.
Volgens Katjirijova was die hele uitstappie na Sochi van die begin af ‘n deurmekaarspul vanweë ‘n gebrek aan organisasie en kommunikasie met Air Namibia. Die Namibiese afvaardiging moes om 20:50 aan boord gegaan het, maar dit het eers teen 22:00 gebeur.
Boonop het 172 Namibiese jongmense in Rusland aangekom, wat die Russiese afvaardiging onverhoeds betrap het, omdat hulle net vir 100 afgevaardigdes voorberei het.
Dit het probleme met akkommodasie veroorsaak.
Katjirijova sê 23 afgevaardigdes van Namibië, insluitende hyself, is nooit vir die byeenkoms geakkrediteer nie en vandat hulle in Rusland aangekom het tot hul vertrek, het hulle nooit hul hotel verlaat nie.
Hy sê dit is onregverdig dat hierdie geleentheid deur Swapo se jeugliga gekaap is.
“Volgende keer moet die Swapo-jeugliga hul eie bronne gebruik en die Nasionale Jeugraad moet regstreeks by die Wêreldfees vir Jongmense en studente affilieer,” het hy bygevoeg.
Volgens hom was 95% van die afvaardiging lede van Swapo se jeugliga. Daar was net vyf van die DTA en een elk van die RDP en Nudo.
Catherine Sasman berig die sekretaris-generaal van die Nasionale Jeugkommissie, mnr. Mandela Kapere, was nie vir kommentaar beskikbaar nie. Een van die werknemers van die Nasionale Jeugkommissie het ter verdediging van die manier waarop dinge gebeur het, gesê dit was omdat die Swapo-jeugliga by die Wêreldjeugfees geaffilieer is.
“Hulle (van die opposisiepartye) het geweet Swapo se jeugliga is ‘n geaffilieerde lid van die Wêreldjeugfees.
“Hoekom het hulle dan saamgegaan?” het die werknemer gesê.
Hy kon egter nie verduidelik hoekom die reis georganiseer is deur die Nasionale Jeugraad, wat ‘n statutêre liggaam is, en nie ‘n struktuur van enige politieke party is nie.
Kommentaar
Republikein
Geen kommentaar is op hierdie artikel gelaat nie