DTA: Grondbelasting verlaag g'n
Die ministerie het misluk omdat grondbelasting nie verhoog is nie, sê Nico Smit.
Hersiening 'saak van dringendheid'
Estelle de Bruyn
Met die hersiene waardasielys van plaasgrond is die verlaging in grondbelasting, wat deur die minister van grondhervorming in die Nasionale Vergadering (NV) ter tafel gelê is, eerder 'n verhoging.
Dít is die mening van mnr. Nico Smit, DTA-lid van die NV, wat verlede week Dinsdag aan die debat deelgeneem het.
Met dié lys het die waarde van plase met tussen 300 en 400% verhoog.
Die minister, mnr. Utoni Nujoma, het dié verlaging in grondbelasting by wyse van 'n wysigingswetsontwerp in die NV ter tafel gelê.
Smit wys daarop dat grondbelasting eers in 2004/2005 ingestel is. Sedertdien is hierdie die enigste wysiging wat al aan die wet aangebring is.
Smit sê die mislukking van die ministerie van grondhervorming om kommersiële plaasgrond, veral van buitelandse en afwesige grondeienaars, aan te skaf, kan toegeskryf word aan die feit dat grondbelasting nie verhoog is nie.
"Die onvermoë van die ministerie om betyds en voldoende op grondkwessies te reageer, het 'n situasie meegebring waar die hersiening van die heffing op grondbelasting 'n noodsaaklikheid is. Inderdaad, hierdie voorgestelde hersiening kon vroeër gebeur het," sê Smit.
Hy sê voorts die finansiële krisis in die land maak die hersiening 'n saak van dringendheid.
In haar bydrae het me. Elma Dienda, DTA-lid, gesê geld vir die fonds om grond aan te skaf en te ontwikkel, is nodig indien die ministerie die teiken van 5 miljoen hektaar plaasgrond teen 2020 wil haal.
Met verwysing na die bykomende 0,25% grondbelasting wat progressief verhaal sal word van plaaseienaars wat meer as een plaas besit, wou Dienda weet of enige voorsiening gemaak is om boere wat aangrensende plase besit te verhinder om dit deur die opmeter-generaal as een plaas te laat hersoneer.
Dienda verwelkom ook die hoër grondbelasting vir buitelandse plaaseienaars in vergelyking met plaaslike grondeienaars.
Sy wou egter weet watter belastingkoers van toepassing sal wees indien 'n Namibiër en 'n buitelander gesamentlik 'n plaas besit.
Sy wou ook weet watter tariewe sal geld waar plase aan maatskappye behoort waar die aandeelhouers Namibiese burgers én buitelanders is.
Met verwysing na Nujoma se opmerking sal na verwagting N$80 miljoen eerder as N$40 miljoen met die nuwe belasting-regime ingevorder word "as alle belasting betaal word". Dienda wou weet presies hoeveel grondbelasting die afgelope twee jaar ingevorder is.
Estelle de Bruyn
Met die hersiene waardasielys van plaasgrond is die verlaging in grondbelasting, wat deur die minister van grondhervorming in die Nasionale Vergadering (NV) ter tafel gelê is, eerder 'n verhoging.
Dít is die mening van mnr. Nico Smit, DTA-lid van die NV, wat verlede week Dinsdag aan die debat deelgeneem het.
Met dié lys het die waarde van plase met tussen 300 en 400% verhoog.
Die minister, mnr. Utoni Nujoma, het dié verlaging in grondbelasting by wyse van 'n wysigingswetsontwerp in die NV ter tafel gelê.
Smit wys daarop dat grondbelasting eers in 2004/2005 ingestel is. Sedertdien is hierdie die enigste wysiging wat al aan die wet aangebring is.
Smit sê die mislukking van die ministerie van grondhervorming om kommersiële plaasgrond, veral van buitelandse en afwesige grondeienaars, aan te skaf, kan toegeskryf word aan die feit dat grondbelasting nie verhoog is nie.
"Die onvermoë van die ministerie om betyds en voldoende op grondkwessies te reageer, het 'n situasie meegebring waar die hersiening van die heffing op grondbelasting 'n noodsaaklikheid is. Inderdaad, hierdie voorgestelde hersiening kon vroeër gebeur het," sê Smit.
Hy sê voorts die finansiële krisis in die land maak die hersiening 'n saak van dringendheid.
In haar bydrae het me. Elma Dienda, DTA-lid, gesê geld vir die fonds om grond aan te skaf en te ontwikkel, is nodig indien die ministerie die teiken van 5 miljoen hektaar plaasgrond teen 2020 wil haal.
Met verwysing na die bykomende 0,25% grondbelasting wat progressief verhaal sal word van plaaseienaars wat meer as een plaas besit, wou Dienda weet of enige voorsiening gemaak is om boere wat aangrensende plase besit te verhinder om dit deur die opmeter-generaal as een plaas te laat hersoneer.
Dienda verwelkom ook die hoër grondbelasting vir buitelandse plaaseienaars in vergelyking met plaaslike grondeienaars.
Sy wou egter weet watter belastingkoers van toepassing sal wees indien 'n Namibiër en 'n buitelander gesamentlik 'n plaas besit.
Sy wou ook weet watter tariewe sal geld waar plase aan maatskappye behoort waar die aandeelhouers Namibiese burgers én buitelanders is.
Met verwysing na Nujoma se opmerking sal na verwagting N$80 miljoen eerder as N$40 miljoen met die nuwe belasting-regime ingevorder word "as alle belasting betaal word". Dienda wou weet presies hoeveel grondbelasting die afgelope twee jaar ingevorder is.
Kommentaar
Republikein
Geen kommentaar is op hierdie artikel gelaat nie