Dít soek dié Namibiërs in hul Kerskous

21 December 2018 | Gebeure
Denver Kisting - Die jaar 2018 was ’n klomp goed. Dit word allerweë aanvaar iets wat dit nié was nie, is maklik.

Te midde van die talle uitdagings het Republikein by (on)gewone burgers van die land gaan aanklop oor wat hul harte begeer.

Hul wenslyste wys hoe gehard Namibiërs is en hoe hulle nie sukkel om moed te hou nie.

Saara Kuugongelwa-Amadhila, eerste minister:

Wat ek vir Kersfees wil hê, is vreugde, vrede en liefde vir almal in ons land en elders. Ek hoop die vreugde, vrede en liefde wat Kersfees bring, sal bly ná die feesseisoen verstryk het, sodat dié land en die wêreld kan wees wat God met die Tuin van Eden vir die mensdom wou hê.

Peter Katjavivi, speaker: Nasionale Vergadering (NV):

Vir Kersfees sien ek daarna uit om deur my geliefdes omring te wees: my vrou, Jane, kinders en kleinkinders, en om die twee boeke wat ek tans lees, klaar te maak: An Era of Darkness: The British Empire in India deur Shashi Tharoor en The Shortest History of Germany deur James Hawes.

Sisa Namandje, bekende prokureur:

Al wat ek vir Kersfees wil hê, is dat al hierdie arm kinders in my nedersetting by Onyaanya geleenthede sal kry om groot te droom en ’n waardige lewe te kan lei.

Jennifer van den Heever, hoofsweep van die Popular Democratic Movement (PDM):

Dit is my wens en gebed dat Namibië se ekonomie sal herstel. Dat waardigheid en liefde sal heers tussen ons landsburgers, en ek wens ook dat daar na alle hawelose mense omgesien sal word. Ek bid ook dat ons paaie veilig sal wees en dat geen geslagsgegronde geweld in die feestyd sal plaasvind nie. Mag ons almal mekaar net liefhê en ’n vreedsame en blymoedige Kersfees hê.

Sven-Eric Miller, danser, akteur, regisseur:

’n Liewe en bewuste omgewing, waar liefde tydens gekoesterde oomblikke van samesyn en lag gevier word.

Yvonne Dausab, voorsitter van die Kommissie van Regshervorming en –ontwikkeling:

Ek wil ’n belofte hê van durende liefde . . .

Job Amupanda, akademikus en aktivis:

Kersfees is ’n aktiwiteit, wat ’n klomp geld maak vir die eienaars van inkopiesentrums, drankwinkels en kosplekke. Die Christelike geloof, deur die Kersinisiatief, ondersteun kapitalisme en bevorder verdagte verbruik in die naam van geloof. My wens is vir mense, veral die armes, om hierdie kapitalistiese foefies te besef.

Mercedez von Cloete, aktivis:

Ek is ’n eenvoudige meisie:

1. Reën vir Namibië

2. Nul ongelukverwante sterftes, moorde en selfdoodgevalle

3. Openbare swembaddens wat gratis is vir almal op Kersdag


McHenry Venaani, PDM-president:

Ek wil ’n feesseisoen hê sonder lewensverlies op die paaie en geen passiemoorde nie! ’n Kersfees van omgee vir die bejaardes en weerloses in die samelewing! Ons moet bid vir reën.

Linford Rhodes, mediese student in China:

Vir dié Kersfees sou ek graag wou hê families en vriende moet hul verskille opsy sit en mekaar meer liefhê. Ons groei deur dít wat ons pla, in die oë te kyk – dít is die voorbeeldige manier.


Norman Tjombe, menseregteprokureur:

Dit sal goed wees as ons ’n Kersfees kan hê sonder geweld teen vroue en meisies.

Rohan Kitshoff, rugbyspeler:

My wens is dat al ons land se mense in 2019 ’n helpende hand sal uitsteek na iemand wat dit nodig het en sal kan saamwerk om die dag van môre beter te maak – nie net vir ons nie, maar om ’n blywende verskil te maak wat in die toekoms deur ons kinders ervaar sal word.

My wens vir Namibië is dat ons sal besef dit is nie wat onder die Kersboom of op die Kerstafel is nie, maar eerder wie om die Kerstafel is en dat wanneer ons hierdie tyd saam met ons geliefdes geniet ons verantwoordelik sal wees wanneer ons op ons land se paaie bestuur.

· Aanvullende verslaggewing – Andrew Poolman

Soortgelyk

 

Chasing your dream

9 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

9 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

9 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

9 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

9 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

9 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

9 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

9 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

9 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...