DSSW teen geweld op vroue

18 February 2003 | Politiek en nasionale nuus
LEERLINGE by die Delta Sekondêre Skool Windhoek het gister hul stemme dik gemaak teen die ysterhand van geweld wat die land se vroue en kinders al stywer in sy greep vasknel.
Dié vreedsame protesaksie teen gewelddade volg op die wreedaardige moord op die 16-jarige Ipula Akwenye deur haar 17-jarige kêrel op 27 Januarie. Beide het skoolgegaan by DSSW.
Skoliere het dit beklemtoon dat hulle dit as hul plig beskou om \'n wekroep te rig aan die Namibiese jeug en die breë gemeenskap om geweld in die sterkste moontlike terme af te keur. Twee nasate van bekende politieke leiers het as spreekbuis vir die leerders se gevoelens opgetree.
In sy boodskap het Tulangeni Pohamba, seun van die Minister van Grondsake, Hervestiging en Rehabilitasie, mnr. Hifikepunye Pohamba, die dood van Ipula as \'n groot ontwrigting vir die skool bestempel. Hy het daarop gewys dat dié laakbare daad in skerp kontras staan met verskeie dele van die DSSW-gedragskode - wat \'n hoë premie plaas op die handhawing van respek, waardigheid en medemenslikheid.
Talengeni het die hoop uitgespreek dat mense se hartseer oor die heengaan van Ipula hul sal versterk in hul stryd teen geweld.
President Sam Nujoma se kleindogter, Ujama Nujoma, het gewelddade teen vroue en kinders toegeskryf aan die rigiedheid van tradisionele geslagrolle. Sy het byvoorbeeld verwys na die persepsie dat die man die oppergesag in die gesin is.
Volgens Ujama moet die man egter hierdie ontsettende verantwoordeliheid met die grootste omsigtigheid hanteer. Ten slotte het sy gepleit vir \'n kultuur van verdraagsaamheid en onderlinge respek, wat mans en vroue as gelyke vennote sal beskou.
Die nadoodse ondersoek op Ipula Akwenye het bevind dat sy drie maande swanger was ten tyde van haar dood. Die minderjarige seun wat in verband met die voorval arresteer is, verskyn weer op 9 April in die hof.

Soortgelyk

 

Hepatitis E woed landswyd voort

22 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

22 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

22 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

22 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

22 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

22 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

22 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

22 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

22 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...