Dís waarom bitcoin skielik soveel styg

Handelsoorlog het impak

17 May 2019 | Ekonomie
Petrus Malherbe – Die onverwagse styging in die prys van bitcoin die laaste paar dae is waarskynlik ’n direkte reaksie op markonsekerheid weens die voortslepende handelsoorlog tussen China en Amerika, sê Marius Reitz hoof van Luno in Suid-Afrika.

Beleggers en ontleders is die afgelope week onkant betrap met die bitcoin-prys wat skielik die hoogte inskiet. Teen Woensdag het dit selfs bo $8 200 gaan draai voordat dit weer tot net onder die $8 000-kerf teruggesak het.

Volgens Reitz is bitcoin moontlik besig om ’n bulmark te betree ná die afgelope jaar se relatiewe stabiliteit in die prys daarvan.

In Januarie vanjaar het die prys skerp van $6 500 in Desember tot so min as $3 100 gedaal, waarna dit gestabiliseer het rondom die $4 000-merk.

Die aanvanklike styging aan die begin van April was waarskynlik veroorsaak deur ’n institusionele belegger (of beleggers) wat op een slag ’n groot bedrag geld in bitcoin belê het, sê Reitz.

Dit het ’n stormloop van kopers ontketen wat die prys verder opgejaag het.

“Ek vermoed die huidige lopie is steeds in reaksie op die momentum wat deur die aanvanklike prysstyging veroorsaak is.”

Reitz meen wel dat die handelsoorlog tussen China en Amerika ’n wesenlike impak op die bitcoin-prys kan hê, aangesien beleggers geneig is om te diversifiseer na digitale geld wanneer ander bateklasse soos aandele en kontant wisselvallig raak.

Die prys van bitcoin het histories ’n baie klein of bykans geen korrelasie getoon met hoe hierdie ander bateklasse vaar nie.

Sentrale banke het ook in die laaste paar maande meer sekerheid gegee oor die moontlike regulering van die bedryf, sowel hier as elders.

Dié versekering het ook as ’n nodige hupstoot gedien om mense te noop om in kriptogeld te belê, sê Reitz.

Plaaslik sien Luno ook al hoe meer mense wat belangstel in die prys van bitcoin, maar wat nie noodwendig kopers word nie.

“Daar is baie belangstelling van sowel gewone klante en institusionele beleggers wat wil seker maak hulle loop nie die volgende lopie mis nie.”

Sodra meer mense belangstel om bitcoin te koop, skiet die prys op.

“Dit lei wel tot ’n tydperk van spekulasie,” waarsku Reitz.

“Dit is die voortslepende tema vir die geldeenheid. So ons verwag meer skommelinge in die prys.”

Al daal die prys van bitcoin dalk weer oor die komende weke, bly die waarde daarvan oor tyd steeds toeneem.

Die plaaslike prys van een bitcoin was Woensdagmiddag net meer as R121 000, die hoogste vlak die afgelope jaar.

Bitcoin het sy hoogste vlak bereik toe dit in Desember 2017 teen bykans R265 000 verhandel het. – Netwerk24

Soortgelyk

 

COVID-19 in Namibia: Data round up 25 - 28...

44 minute gelede | Gesondheid

Current situation with official data by Thursday 28 May 2020 (showing changes since 24 May 2020) and prelimenary data announced this morning for yesterday.GENERAL INFORMATIONThe...

Geval 22: stabiel, steeds op ventilator

3 ure gelede | Gesondheid

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste...

Kawana gee besonderhede oor viskwotas

1 dag gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...