Dís hoekom amptenare nie verhogings kry

Regering reageer op eise

08 July 2019 | Arbeid
Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir ‘n 2%- vrywillige bydrae tot droogtehulp gevra is.

Dit, asook die grootte van die salarisrekening vir staatsamptenare, is as redes aangevoer waarom die regering se onderhandelingspan oor salarisverhogings en byvoordele vir staatsamptenare nie in die 2019-’20-boekjaar salarisaanpassings sal maak nie.

Só het mnr. George Simataa, kabinetsekretaris, Donderdag in ‘n nuusverklaring gesê ná die Namibiese Nasionale Onderwysersunie (Nantu) en die Namibiese Vakbond vir Staatsdienswerkers (Napwu) aangekondig het hulle sleep die regering arbeidskommissaris toe.

Dit omdat sedert Januarie verlede jaar glo nog geen teenaanbod op die vakbonde se voorgestelde jaarlikse verhogings vir 2019 tot 2021 gemaak is nie.

Simataa sê daar is aan die vakbonde verduidelik geen salarisaanpassings sal in die 2019-’20-boekjaar gemaak word nie weens die negatiewe ekonomiese klimaat.

Nog redes is dat die huidige salarisrekening vir staatsamptenare reeds sowat N$30 miljard van die regering se totale begroting van N$66,5 miljard in beslag neem.

Dit is dus 45% van die begroting vir sowat 109 000 staatsamptenare.

“Wat die meeste kommer wek, is dat dit ander landsburgers van ‘n gelyke deel van die nasionale inkomste ontneem.

“Tydens ons vergaderings het ons benadruk ‘n situasie waar ‘n klein groep mense – sowat 109 000 staatsamptenare – bykans die helfte van die nasionale begroting ontvang in ‘n bevolking van meer as 2 miljoen mense kan nie volhoubaar wees nie,” sê Simataa.

Hy sê die regering het streng maatreëls ingestel om die grootte van staatsamptenare se salarisrekening te beperk.

Ander dringende sake sluit in om werkloosheid onder die jeug te verlaag, om na meer as 12 000 NSFAF-studente om te sien wat tans nie studiegeld het nie, om werksgeleenthede vir mediese personeel te skep en onvoldoende mediese sorg te pak.

Simataa het ook gesê die gebrek aan handboeke, klaskamers en onderriggeriewe moet opgelos word, want meer as 85% van die onderwysbegroting gaan aan salarisse.

Hy het bygevoeg die regering is toegewy daaraan om goeie verhoudings te handhaaf wat oor die jare met die betrokke vakbonde gebou is.

Hy het gesê die regering sal homself aan die verloop van die reg onderwerp noudat vakbonde ‘n dispuut verklaar het.

Simataa het gesê die regering is gewillig om die saak verder met vakbonde te bespreek.

Soortgelyk

 

Chasing your dream

9 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

9 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

9 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

9 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

9 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

9 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

9 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

9 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

9 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...