Dronkbestuur streng gemonitor

'Menslike gedrag' grootste faktor

22 December 2016 | Ongelukke
Leandrea Louw - Toerusting ter waarde van N$150 875 is aan die Namibiese polisie en die munisipale verkeerseenheid van Swakopmund en Walvisbaai geskenk.

Die skenking is deur die deur die Forum vir die Selfregulering van die Alkoholbedryf (SAIF) en die Private Sektor Padveiligheidsforum (PSRSF) gedryf, met laasgenoemde wat teen 2020 padongelukke met 50% wil verminder. Vanjaar het die Motorvoertuigongelukfonds (MVAF) 662 sterftes en 6 619 beserings op Namibiese paaie aangeteken.

Die Erongostreek het die tweede hoogste aantal sterftes aangeteken.

“Sowat 82% van ongelukke kan aan menslike gedrag toegeskryf word. Openbare onderrig is 'n belangrike faktor wat 'n bydrae tot die verandering van gedrag kan lewer. Ons glo egter opleiding het geen impak sonder die nodige wetstoepassing nie,” sê mnr. Horst Heimstädt, uitvoerende hoof van die PSRSF.

Namibië Brouerye het saam met MTC toerusting ter waarde van N$93 000 vir padblokkades tussen Walvisbaai en Swakopmund geborg.

“Die doel van die skenkings is om wetstoepassingspersoneel van die nodige toerusting en verversings te voorsien wat hulle in staat stel om hulle werk doeltreffend by padblokkades te doen. Ons vra die publiek dus om geduldig te wees wanneer die beamptes hulle werk doen om ongelukke en padsterftes te verminder. "Ons doen ook 'n beroep op wetstoepassingspersoneel om geen genade teenoor oortreders te toon nie.

"Ons moedig padgebruikers aan om enige voorvalle en wangedrag by padblokkades te rapporteer,” sê Heimstädt.

Die SAIF ondersteun die verantwoordelike gebruik van alkohol en glo alkohol kan deel van 'n gebalanseerde leefstyl wees sonder om die lewens van onskuldige mense in gevaar te stel.

“Verlede jaar het 681 mense hul lewens as gevolg van padongelukke verloor. Met die veronderstelling dat 34% van alle ongelukke alkoholverwant is, en gevolglik 100% voorkombaar is, kon Namibië die lewens van ongeveer 231 mense tydens 2015 gespaar het. 'n Volledige verslag van SAIF toon dat die gebrek aan vervolging een van die grootste redes is waarom bestuurders willens en wetens onder die invloed bestuur,” sê Heimstädt.

Die SAIF het onderskeidelik vyf asemtoetsers ter waarde van N$43 625 en een asemtoetser en 'n drukker ter waarde van N$14 250 aan die polisie van Walvisbaai en Swakopmund geskenk.

Die vyf asemtoetsers gaan by die Walvisbaai-padblokkade gebruik word, met die asemtoetser in ­Swakopmund wat intern gebruik sal word om kantoorpersoneel van Swakopmund se verkeersdepartement te toets.

Die bevelvoerder van die Namibiese polisie in die Erongostreek, kommissaris Andreas Nelumbu, sê hulle gaan aanhou veg om almal veilig te hou. “Ons sal aanhou veg en probeer tot ons laaste asem. Bly weg van bestuur af as jy gedrink het. Die twee kan nie saamgaan nie.”

Volgens hoofverkeersbeamptes Eben Platt en Melvin Cloete is nege mense vanjaar vir dronkbestuur in Walvisbaai inhegtenis geneem.

In Swakopmund is 14 mense, van wie sewe die afgelope naweek, vir dronkbestuur sedert 1 Desember in hegtenis geneem.

Soortgelyk

 

Namibië: Jerusalem hoofstad van Israel én Palestina

1 dag gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

1 dag gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

1 dag gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

1 dag gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

1 dag gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

1 dag gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

1 dag gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

1 dag gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

1 dag gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...