Drink wyn vir renosterbewaring

Steun Rhino Momma Project

18 November 2020 | Gebeure
Francoise Steynberg – Vir elke bottel flippenice-wyn wat jy koop, word N$5 vir renosterbewaring geskenk.

Renosterbewaring lê Namibia Hospitality Suppliers & Distributors na aan die hart en hulle het hande met die niewinsgewende organisasie, Rhino Momma Project, gevat.

“Vir elke bottel flippenice-wyn wat jy koop en geniet, skenk ons N$5 aan die Rhino Momma Project. Hiermee help ons dat die renoster nie uitsterf nie en vir ons nageslagte bewaar word,” sê me. Adri Oosthuizen, mede-eienaar van Namibia Hospitality Suppliers & Distributors.

“Ons wil nie net die ikoniese swart- en witrenosterspesies van uitwissing red nie, maar met ons teelprogram soveel renosters as moontlik teel en in Namibië en die res van Afrika hervestig,” sê mnr. Jaco Muller van die Rhino Momma Project.

Die teelprojek het in 2012 afgeskop en sedertien is talle renosterkalwers op ’n wildreservaat gebore.

Intussen het renosterstropery hoogty in Namibië begin vier en veral private renostereienaars word toenemend geteiken.

“Die koste om renosters te beskerm, is hemelhoog en het sedert 2012 vyf keer gestyg,” verduidelik Muller.

Beskermingsmaatsreëls sluit in dat lede van die teenstropingseenheid verdriedubbel moes word en dag- en nagpatrollies meer gereeld moet plaasvind, sê Muller.

“Ek moet daagliks – bedags en snags - meer vlugte met die girokopter vlieg om die renosters te monitor. Informante moet ook vir intelligensie betaal word,” het Muller gesê.

Bykomende beskermingsmaatreëls saam met die teenstropingseenheid sluit ook ’n honde-eenheid in.

“Ons ondersoek tans die opsie om hommeltuie met termiese kameralense te gebruik om bedags en snags monitering te doen, maar dit is baie duur,” voeg Muller by.

Oosthuizen wat by verskeie welsynsprojekte soos onder meer die Namibië Droogtehulpfonds betrokke is, daag ook ander maatskappye uit om die Rhino Momma Project te ondersteun, of om ’n renostertjie aan te neem om die teelprojek te help.

“Die skenker kan die renostertjie se naam kies en sal gereeld opdaterings en foto’s ontvang. Die skenking sal direk vir die grootmaak, gesondheidsorg en beskerming van die spesifieke renostertjie aangewend word,” verduidelik Oosthuizen.

Sy sê elke bottel flippenice-wyn het ook ’n QR-kode op wat jou na die webtuiste van die Rhino Momma Project, www.rhinomomma.com, sal lei.

“Die bekostigbare en genotvolle flippenice-wynreeks van Tulbagh Winery sluit in ’n Cabernet Sauvignon/Merlot-versnit, Rosé, Chenin Blanc/ Sauvignon Blanc-versnit ’n ekstra-ligte witwyn en Njoy, ’n soet rooiwyn,” sê mnr. Andy Fallis, mede-eienaar van Namibia Hospitality Suppliers & Distributors.

Gaan kuier gerus ook by die asemrowende Kifaru Lodge in die Kunenestreek wat die Rhino Momma Project ondersteun.

- [email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

51 minute gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...