Drink liewer tequila voor jy bibber in die sneeu

23 February 2021 | Rubrieke
Francoise Steynberg


Die yslike sneeustorm in Texas en ander Amerikaanse deelstate word as die ergste in die geskiedenis beskryf.

Kollega Kristien Kruger en haar verloofde wat in Houston rugby speel, het laat weet hoe erg die sneeustorm is. Hulle moes vir dae lank sonder water en elektrisiteit in die koue oorleef.

Volgens die Amerikaanse media het die sneeustorm ten minste 70 lewens geëis.

Terwyl inwoners van Texas verlede week bibber en bewe en selfs verkluim in die koue, hou hul Republikeinse senator Ted Cruz lekker vakansie in die warm Cancun in Mexiko. (Wat het van die miljoene van die Mexiko-muur geword?)

Dis nou terwyl sewe miljoen mense in Texas se tande van die koue kners en Austin se hospitale geen waterdruk en verhitting gehad het nie.

Cruz het in 2016 misluk om homself as president verkiesbaar te stel en in 2024 wil hy na bewering weer probeer. Aanhouer wen, sê hulle.

Teddiebeer Cruz se verweer is sy dogters het hom mooi gevra dat hul gesin asseblief in Mexiko gaan vakansie hou. Watter pa luister nou nie na sy dogters wat hom om hul gemanikuurde pinkies draai nie?

Waaroor die bohaai? Cruz het die cowboys van Texas beveel om eerder tydens die sneeustorms by die huis te bly terwyl hy op ’n vliegtuig na Mexiko klim.

Maar toe bars die bom verlede week in die sosiale media en Cruz word as ’n tweegatjakkals uitgekryt. Hy moes dadelik sy lekker son- en seevakansie kortknip.

Die ironie is Cruz het voorheen vir Steve Adler, burgemeester van Austin, gekritiseer omdat hy met ’n private vliegtuig na Cabo gevlieg het terwyl hy inwoners van sy deelstaat aangesê het om tuis te bly.

Toe wil Donald Trump junior ook ’n eiertjie in die sosiale media lê en twiet dat Cruz eintlik die “onbevoegde Demokratiese goewerneur van Texas” moet uittrap.

“#CruzCancunGate is fake,” twiet hy op Twitter.

Oeps, die goewerneur van Texas is toe eintlik ’n Republikein, Greg Abbott.

Klein Don het glo ook groot politieke aspirasies om sy pa se voetspore as president te volg.

’n Brokkie goeie nuus uit Amerika is die nuwe regering het binne 30 dae nadat Joe Biden president geword Vrydag weer amptelik by die Parys-klimaatsverdrag aangesluit.

Wetenskaplikes, buitelandse diplomate en die sekretaris-generaal van die Verenigde Nasies (VN) het dié stap verwelkom.

Dis seker nie aldag maklik om ’n bekende politikus of ’n sosiale vlinder soos Kim Kardashian te wees nie. Sy staan nou (vir die derde keer weer) op skei met kletsrymer Kanye West wat ook graag ’n Amerikaanse president wou word.

Ek sou ook liewer tequilas en taco’s op ’n sonnige strand geniet voor ek sonder water en krag in die koue moet tande klapper.

Soortgelyk

 

Metro spoils its customers

36 minute gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Vrou woon in haar motor by hospitaal

9 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Ses damme voller as 100%

9 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

9 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

9 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

9 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

9 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

9 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

9 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...