Drie vermeende renosterstropers in hof
Die voormalige dokter van die Brave Warriors, mnr. Gerson Kandjii, het vandag saam met sy medebeskuldigdes mnre. Domingo Justice Moma en Erwin Tjiteere 'n eerste verskyning in die Gobabis landdroshof gemaak in verband met vier renosters wat op 22 Desember verlede jaar op ’n plaas naby Gobabis geskiet is.
’n Stoetbul en ’n dragtige koei is tydens dié voorval vrekgeskiet. Twee van die vier renosters wat geskiet is, het oorleef, maar een is nog in ’n kritieke toestand. Lede van die Gobabis gemeenskap het by die hofsaak opgedaag om hul misnoeë met renosterstropery te toon en die saak teen die stropers te versterk deur hul publieke protes. Die saak is tot 31 uitgestel sodat die polisieondersoek voltooi kan word en die twee stropers wat nog op vrye voet en in besit van twee renosterhorings is, in hegtenis geneem kan word.
Foto: Jacqueline Louw
’n Stoetbul en ’n dragtige koei is tydens dié voorval vrekgeskiet. Twee van die vier renosters wat geskiet is, het oorleef, maar een is nog in ’n kritieke toestand. Lede van die Gobabis gemeenskap het by die hofsaak opgedaag om hul misnoeë met renosterstropery te toon en die saak teen die stropers te versterk deur hul publieke protes. Die saak is tot 31 uitgestel sodat die polisieondersoek voltooi kan word en die twee stropers wat nog op vrye voet en in besit van twee renosterhorings is, in hegtenis geneem kan word.
Foto: Jacqueline Louw
Kommentaar
Republikein
Geen kommentaar is op hierdie artikel gelaat nie