Drie vas oor renosterhorings, ivoor

28 July 2020 | Misdaad
Dertien vermeende wildmisdadigers is verlede week in hegtenis geneem en ses nuwe sake aanhangig gemaak.


Volgens die weeklikse wildmisdaadverslag vanaf 20 tot 26 Julie van die Namibiese polisie en die ministerie van die omgewing, bosbou en toerisme, is altesaam twee verdagtes in verband met renosterstropery of horingsmokkelary in hegtenis geneem. Mnr. Murumbua Vetjesavi en Richard Kandjii is by Otjondjeka in hegtenis geneem en beslag is op twee renosterhorings en’n voertuig gelê.

Een verdagte, mnr. Matheus Mukoya Katjire, is verlede Woensdag op Divundu in verband met olifantstropery of ivoorsmokkelary vasgetrek en twee olifanttande is gekonfiskeer.

Beslag is op altesaam vyf voertuie, sewe gemsbokkarkasse, vier ietermagôvelle, een lewende ietermagô en een lewende blouaap gelê. Een elk leeu- en jagluiperdvel is ook gekonfiskeer.

Mnr. Gideon Petrus Ellis, Marvin Tjihukununa, Morethen Katjipi, en Uaandjua Tjingovera is verlede Dinsdag in Windhoek in hegtenis geneem en beslag is op die een lewende ietermagô, vier ietermagôvelle en ‘n voertuig gelê.

Mnr. Immanuel Joseph is verlede Dinsdag by Outapi glo met ‘n lewende blouaap vasgetrek.

Op Walvisbaai is mnre. Penrich Gonteb, Elvis Anamab, en Gerson Derrick Mbahuma in hegtenis geneem glo met sewe gemsbokkarkasse in hul besit. Die polisie het op twee van hul voertuie beslag gelê.

Mnre. Rosswin Witbooi en Le Roy Kambrude is verlede week in Wanaheda in die hoofstad glo met ‘n leeu- en luiperdvel in hul besit in hegtenis geneem.

Al die verdagtes is Namibiese mans.
-[email protected]

Soortgelyk

 

Vandag se Covid-19-data

41 minute gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

1 uur gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

6 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

17 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

17 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

17 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

17 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

17 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

17 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...