Drie ooreenkomste op agenda met China

Tweede besoek in ses maande

24 August 2018 | Regering
Ronelle Rademeyer



Namibië en China gaan hul bande na verwagting met drie verdere ooreenkomste verstewig wanneer pres. Hage Geingob van 2 tot 4 September die Forum vir China-Afrika-samewerking (Focac) se beraad in Beijing bywoon.

Dit sal sy tweede besoek in ses maande aan dié land wees.

Die ooreenkomste wat die twee lande na verwagting gaan sluit, handel oor sogenaamde gordel- en padsamewerking, samewerking op die gebied van toerisme en visumvrystelling aan diplomate en mense wat dienste lewer.

Focac het in 2000 tot stand gekom as 'n forum waar leiers van China en Afrika ontwikkeling en samewerking kan bespreek.

Die eerste beraad het in 2006 in Beijing plaasgevind en die tweede een in 2015 in Johannesburg. Die tema van vanjaar se derde beraad is “China en Afrika: Na 'n selfs sterker gemeenskap met 'n gedeelde toekoms deur wen-wen samewerking”.

Luidens berigte sal samewerking opnuut bevorder word en ontwikkelingstrategieë in fyn besonderhede hersien word.

China het tydens die vorige beraad in 2015 reuseplanne aangekondig ingevolge waarvan hy landbou op die vasteland wil help moderniseer en industrialisasie wil bevorder. Altesaam US$60 miljard is hiervoor beloof. China se ambassadeur in Namibië, mnr. Zhang Yiming, het hierdie ooreenkomste geopper toe hy Woensdag 'n welwillendheidsbesoek aan pres. Hage Geingob by Staatshuis gebring het.

Nampa berig hy het verwys na die streng wyse waarop ­Zimbabwe en Angola visums in die verlede hanteer het en die uitwerking wat dit gehad het toe hulle beleide daaroor verslap het. Volgens hom het dit baie meer potensiële beleggers vanuit veral China gelok.

Hy het 'n beroep op die ­Namibiese regering gedoen om ernstige oorweging aan die visumooreenkoms te skenk.

Zhang het bygevoeg dit sal albei lande ewe veel baat en Namibiërs genooi om in China te belê.

Verder het hy benadruk China sal voortgaan om Namibië deur middel van toelae en lenings te help om sy infrastruktuur te ontwikkel.

Hy het intussen gister op sy Facebook-blad gesê Geingob se tweede besoek aan China binne 'n halfjaar is 'n “ferm demonstrasie” van Namibië se verbintenis tot die omvattende, strategiese samewerkingsvennootskap met dié land.

Meer as 50 Afrikalande sal die beraad na verwagting bywoon.

Geingob en Suid-Afrika se pres. Cyril Ramaphosa tel onder die ses staatshoofde wat die beraad sal toespreek. – Eie berig en Nampa

Soortgelyk

 

Hepatitis E woed landswyd voort

20 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

20 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

20 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

20 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

20 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

20 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

20 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

20 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

20 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...