Drie grotes maak nuwe albums

12 October 2018 | Kuns en vermaak
Josh Groban, David Guetta en Michael Bublé het al drie skouer aan die wiel gesit en spog met nuwe albums. Groban en Guetta se albums is vandeesweek uitgereik, maar vir Bublé s’n moet nog 16 November gewag word.

Bridges is Groban se agtste ateljeealbum. Die luukse uitgawe sal twee bonussnitte hê.

Dit is Groban se eerste album sedert 2013 wat oorspronklike musiek insluit. Hy sing in verskillende tale – Engels, Frans, Italiaans en Spaans en daar is ook duette op die album.

Groban is ook akteur. Hy is nou ook te sien in The Good Cop, ’n nuwe polisiereeks van Netflix waarin hy teenoor Tony Danza speel.

Guetta het twee jaar lank aan sy nuwe album, 7, met elektroniese pop-liedjies gewerk. Dit word in ’n stel van twee uitgegee met underground-dansmusiek op die ander een. Laasgenoemde word uitgegee onder Guetta se skuilnaam, Black Jack, ’n naam wat hy eers onlangs bekend gemaak het.

Die album word net met die syfer aangedui – eenvoudig omdat dit sy sewende album is. Hy beskou dié syfer ook as ’n gelukkige nommer.

Van die treffers op die album sluit in “2U” met Justin Bieber, “Flames” met Sia en “Don’t Leave Me Alone” met Anne-Marie.

Die Kanadese sanger en liedjieskrywer Bublé se eerste ateljeealbum in twee jaar het die eienaardige titel wat uit ’n hart-simbool en ’n vierkant bestaan en liefde simboliseer. Die treffer “When I Fall In Love” is daarop en die musiekvideo is reeds op YouTube. Die ander lied om na uit te sien is ’n verwerking van Rogers & Hart se “My Funny Valentine.”

Dit is sy agtste album en hy sê dit is sy mees romantiese nog. Dit is sy eerste album nadat hy twee jaar lank uit die bedryf was om meer tyd saam met sy gesin deur te bring.

Bublé het al meer as 60 miljoen albums wêreldwyd verkoop en vier Grammy’s gewen. - Netwerk24

Soortgelyk

 

Eis van miljoene ná miskraam

10 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

10 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

10 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

10 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

10 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

10 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...

Padgebruik al duurder

10 ure gelede | Infrastruktuur

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Weer vir 21 Mei 2019

10 ure gelede | Weer

BINNELAND: Mestal mooi weer en baie warm in die Noordooste. Elders sal dit gedeeltelik bewolk en warm tot baie warm, maar koud in die...

Kragverspreider gedagvaar

10 ure gelede | Howe

Henriette Lamprecht – ’n Ma van Mondesa op Swakopmund dagvaar die Erongostreek se kragverspreider ná die dood van haar minderjarige dogter. Theonese Anthea Simon is...