Drank onder sitplek: 'Dit is nie die skool s'n'

Busmaatskappy swyg nog oor bierbewerings

27 August 2019 | Ongelukke
Ronelle Rademeyer



Ooggetuies beweer die bestuurders van twee busse soortgelyk aan dié wat die graad 7's van Windhoek Gymnasium vervoer het, is vroeg Sondagoggend op 'n ongeluks­toneel oos van Windhoek opgemerk waar 'n lorrie vol bier omgeslaan het.

Hulle het na bewering met sespakke van die toneel af teruggekeer na die busse toe.

Mnr. Adrian Strauss van 24/7 Recovery, 'n insleepdiens in Windhoek, sê hy het omstreeks 03:30 Sondag­oggend by die ongelukstoneel sowat 10 km oos van Windhoek op die B6-roete aangekom.

“'n Vragmotor van WP Transport wat met 'n vrag bier van Suid-Afrika na Windhoek onderweg was, het omgeslaan en ons moes die toneel help opruim en die lorrie insleep,” het hy aan Republikein gesê.

“Net voor sonsopkoms het ek 'n bus gesien wat by die toneel stilgehou en die pad versper het. Ek het soontoe gegaan en gesien die bestuurder keer terug van waar die vrag bier langs die pad gelê het. Hy het bier in sy hande gehad,” vertel Strauss.

Dit is bevestig deur sy kollega, mnr. Gavin Uirab. Volgens hom was dit nie net een bus nie. “Twee busse van Sunshine Tours het daar stilgehou en die drywers het twee keer bier gaan haal en dit teruggevat na die busse,” het hy gister by navraag gesê.

Foto's is Sondagaand op Facebook geplaas van sespakke wat onder die bestuurdersitplek van die buswrak buite Mariental gevind is. Dit is van dieselfde soort bier wat deur die lorrie vervoer is wat buite Windhoek omgeslaan het.

Republikein het vroeg gisteroggend vrae hieroor aan Sunshine Tours gestuur. 'n Oproep na die selfoonnommer wat op die maatskappy se webwerf verskyn, is deur ene Nathal beantwoord wat gesê het hy is nie by magte om kommentaar te lewer nie.

Hy het later teruggebel en gesê die maatskappy sal teen 17:00 'n verklaring uitreik. Teen druktyd het Republikein dit nog nie ontvang nie.

Volgens die skool se uitvoerende hoof, me. Colette Rieckert, was die bier op die bus nie die skool of een van die onderwysers s'n nie.

“Die bier wat gevind is, is wat die busdrywer onder sy sitplek gehad het,” sê sy.

Sunshine Tours het Sondagmiddag 'n kort verklaring sy op Facebookblad geplaas waarin hy sy meegevoel met die families van die oorledenes betuig het en gesê het hy is “diep hartseer” oor die gebeure.

Beseerdes is 'n spoedige herstel toegewens, met die belofte van 'n formele verklaring later. Dié plasing is egter Sondagaand van Sunshine Tours se Facebook-blad verwyder.

[email protected]

Soortgelyk

 

Nuwe Psemas-kontrak (weer) uitgestel

1 uur gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

1 uur gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

1 uur gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

1 uur gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

1 uur gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

1 uur gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

1 uur gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...

Houthandel: Bewerings van vuilspel

1 uur gelede | Omgewing

Catherine Sasman – Die ministerie van landbou, water en bosbou het onlangs erken gevalle van onwettige houtoeste het wel plaasgevind sedert ’n moratorium op oeste...

Lesersfoto's 26 Februarie 2020

1 uur gelede | Lesersfoto's

Lesersfoto's 26 Februarie 2020