Draf en ander tragikomedies

31 January 2019 | Rubrieke
Hoekom noem hulle dit ’n pretdraf? Is dit ’n grappie? Om op die bank voor die TV te lê, is pret. Maar draf?!

Die eerste keer wat ek nou, in Desember laas jaar, weer as volwassene begin draf het, was nie lekker nie.

Maar die eerste keer wat ek sigarette agter die skool se paviljoen gerook het, was ook nie lekker nie. Die eerste keer wat ek seks gehad het, was nie eers lekker nie. En die eerste keer wat ek coke geschnarf het, was ook nie lekker nie. Maar, soos met alle verslawings, het ek nou al geleer mens moet net aanhou tot dit vir jou lekker is. Tot dit vir jou só lekker is dat jy nie kan ophou nie. Ek hoop maar dit werk so met gesonde verslawings ook. Ek's bevrees ek's nog nie dáár nie.

Ek het laas gedraf toe ek in my eerste jaar op universiteit was. Ek en my boyfriend het in ’n veldjie agter Cresta-sentrum dagga gerook toe die polisie verbygery het. Toe draf ons ’n bietjie.

En nou is dit weer sulke tyd: My lewe kan nie net om Spruit draai nie, het ek besef. So stadigaan moet ek ook my eie lewe begin bou, wat nie om haar of my werk draai nie. So, ek het onderneem om meer sosiaal te wees, aan pretdrawwe te begin deelneem, en ’n orkes met my tjello te join.

Die moeilikste van dié drie goed is die drafding. Nevermind die fisieke handeling van jou een voet voor jou ander sit, boonop met ’n soort wippie in jou stappie/draffie, jy moet nog oortuigend probeer lyk ook, want draf kan mens ongelukkig nie in die privaatheid van jou badkamer doen nie.

Nee, jy moet dit ongelukkig in die buitelug doen, daar waar ander mense ook draf. Daar waar karre met gemaklike insittendes verby jou kan ry, waar honde agter staalhekke vir jou kan lag, en ander jou van hul sypaadjie wil afjaag, waar mense op boupersele jou uitcheck en dik ooms in bakkies verbyry en besluit jy lyk beter van ver as van naby.

Jy wil van die begin af so goed lyk as wat jy kan. Veral as jy dalk op jou gesig gaan val omdat jy net nie meer jou voete kan optel nie, dan wil jy darem hê jou outfit moet mooi lyk daar waar jy met jou gesig op die teer lê en wag dat ’n kar oor jou ry.

Ongelukkig is dit stééds Januworry (in ons huis is dit any way elke maand Januworry) en geld vir ’n nuwe outfit is daar nie. Die enigste geskikte broek wat ek het, is amper 15 jaar gelede se uitgerekte kraamsweetpakbroekie waarin ek steeds slaap. Gelukkig het ek Spruit se memory foam-tekkies geërf toe sy ’n nommer 6 verbygesteek het, en ek hét darem nog ’n Mr. Price-sportbra van daai een Desember-vakansie se gym-poging iewers in ’n vorige lewe.

Ek's toe nou uiteindelik reg om in die pad te val. Maar nou moet mens mos ’n styl ook hê. Jy kan nie net draf nie, jy moet kind of cool lyk ook nog. Asof jy weet wat jy doen. Ek het al mense gesien wat lyk of hulle maagwerkings probeer inhou soos hulle draf, en mense wat lyk of hulle seekatte probeer wees, en ek wil net nie een van daais wees nie. Namate ek om die blok vorder, besef ek toe my styl is die skilpadstyl. Ek probeer eintlik net so min as moontlik beweeg. Maar ten spyte hiervan het die snot, sweet, spoeg én ander goeters gespat daai eerste keer om ons 500 m-blokkie. En ek wou net opgooi.

Maar, soos ek sê, is ek goed daarmee om aan te hou met goed wat nie vir my lekker is nie, en ek maak darem nou al 2 km sonder om te val of op te gooi.

Soos Forrest Gump gesê het: "My mama always said you've got to put the past behind you before you can move on."

Miskien move mens dan vinniger.

Soortgelyk

 

Chasing your dream

11 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

11 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

11 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

11 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

11 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

11 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

11 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

11 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

11 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...