Dosent bly agter tralies

02 January 2019 | Howe
Kenya Kambowe – Geen borgtog is in die Rundu-landdroshof aan ’n dosent verbonde aan die Universiteit van Namibië (Unam) toegestaan, wat twee broers na bewering geskiet en gewond het nie.

Mnr. Nelson Antonio (44), verbonde aan Unam se Rundu-kampus, se saak is tot 15 Januarie uitgestel.

Antonio staan tereg op twee klagte van poging tot moord ná hy mnre. Moses en Gerson Batista, beide 25, glo op 3 Desember in die Kehemu-woonbuurt op die dorp geskiet het.

Die twee slagoffers is familie van Antonio se eksmeisie en het glo ten tyde van die voorval haar motor bestuur.

Antonio is ook daarvan aangekla dat hy ‘n wapen in die openbaar laat afvuur het, asook van kwaadwillige saakbeskadiging.

Sy prokureur, mnr. Ricardo Mukonda, het aangevoer Antonio het uit selfverdediging opgetree en behoort derhalwe borgtog te kry.

Antonio het tydens kruisondervraging gesê hy het in sy motor gesit toe drie mans, insluitende die twee slagoffers, hom daaruit gepluk het, op die grond gegooi en geslaan het.

Volgens hom het hy waarskuwingskote in die lug afgevuur. Hy moes egter ook op die slagoffers skiet, aangesien een van hulle op pad na hul motor was om ‘n panga te gaan haal.

Antonio het voorts getuig hy het 10 kinders, waarvan vyf tans by hom woon.

Hy behoort dus op borgtog vrygelaat te word sodat hy kan voortgaan om vir hulle te sorg, het hy aangevoer.

‘Magasyn leeggeskiet’

Landdros Hellen Olaiya het gesê Antonio het sy hele magasyn met 15 patrone leeggeskiet en dít dui nie op selfverdediging nie.

Olaiya was ook nie oortuig daarvan dat hy vir sy kinders moet sorg nie, aangesien sy verlede jaar ‘n onderhoudsaak teen hom moes verhoor, het sy gesê.

Die staatsaanklaer, me. Emma Mayavero, het Antonio se borgtogaansoek weens die ernstige aard van die beweerde misdaad teengestaan.

Sou hy borgtog kry, sal dit die publiek se vertroue in die regstelsel ondermyn, het sy gesê.

Die moontlikheid bestaan boonop dat Antonio direk of indirek met die polisie se ondersoek sal inmeng, wat in ‘n vroeë stadium is, het sy aangevoer.

Soortgelyk

 

'n Seder val in Swapo

9 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

9 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

9 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

9 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

9 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

9 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

9 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

9 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...

'Millenniërs werk anders'

9 ure gelede | Ministeries

Augetto Graig - Werkloosheid onder die jeug is 'n nasionale krisis wat op alle vlakke, nie net deur die regering nie, dringend aangespreek moet word....