Dokters wis nie van voorskrifte

Geen amptelike kennisgewing

18 September 2019 | Ministeries
Henriette Lamprecht



Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende kodeïen, wat nou 'n voorskrif vereis nie.

Nóg die Namibiese Private Praktisynsforum (NPPF) nóg die Mediese Vereniging van Namibië (MAN) is amptelik hieroor deur die Namibiese Medisynebeheerraad (NMRC) of die ministerie van gesondheid en maat­skaplike dienste (MoHSS) ingelig.

Die Aptekersvereniging van Namibië (PSN) het verlede week die NMRC en MoHSS hof toe gesleep om 'n besluit ter syde te stel om die klassifikasie van kodeïen van 'n skedule 1-medikasie na skedule 2 te verander.

Ook moet die besluit ter syde gestel word om die klassifikasie en toelaatbare dosisse van sekere ander medisyne en middels te verander.



ANDER PRODUKTE

Dié medisyne en middels sluit onder meer entstowwe, vitamien A, B, C, D en K, water vir inspuitings, asook inspuitings in.

Dr. Dries Coetzee van die NPPF sê lede het geen amptelike kennisgewing oor die besluit ontvang nie en hulle het “via apteke” daarvan gehoor, wat pasiënte vir voorskrifte na hulle verwys het.

Lede was ook nie bewus van die ander produkte wat hierdeur geraak word nie.

“Dit kon wel gegazette gewees het, maar wie lees elke dag die Staatskoerant? Hoe weet ek hierdie goed as dit nie met dokters gekommunikeer word nie?” vra Coetzee.

Volgens hom gaan die besluit ook kostes onnodig opjaag.

“'n Dokter gaan nie 'n pasiënt verniet behandel nie. Die pasiënt moet steeds 'n konsultasie- en voor­skriffooi betaal.”

Dr. David Weber van MAN het beaam geen amptelike skrywe is van die NMRC of MoHSS oor die kwessie ontvang nie.

Volgens Weber moet die herskedulering van medikasie ook die blaam dra vir die feit dat sekere “gewone” medikasie nie beskikbaar is nie.

“Die beskikbaarheid van behandeling is 'n mensereg. Omdat sekere produkte nou geherskeduleer is, is dit nie moontlik nie,” sê Weber.

Mnr. Benjamin Khumalo van die PSN verwys in hofstukke na ver­skeie produkte wat deur die besluit geraak word.

Dit sluit onder meer griep- en vitamien B-inspuitings in, wat voorheen sonder voorskrif deur aptekers toegedien kon word.

Volgens Khumalo word griepinspuitings in groot hoeveelhede aan die begin van die winter aan gemeen­skapsapteke beskikbaar gestel.

“Letterlik duisende Namibiërs nader hul aptekers jaarliks vir 'n griepinspuiting.

“Met skedule 2 wat nou op 'n 'kombersverbod' op inspuitings dui, mag entstowwe nie meer deur aptekers deur middel van 'n inspuiting toegedien word nie. Dit beteken byna alle entstowwe wat normaalweg deur aptekers toegedien word, het die mediese landskap deur 'n enkele besluit ten slegste verander sonder dat die aptekersbedryf van die redes hiervoor ingelig is,” sê Khumalo.

Die herskedulering van normale soutwater en water vir inspuitdoeleindes tot skedule 2 is “belaglik”, sê hy.

Khumalo sê ook die NMRC en MoHSS se “onvanpaste optrede” word duidelik wanneer die vaardighede van aptekers met etlike jare se formele en praktiese ervaring en “duisende inspuitings” vergelyk word met die feit dat 'n studenteverpleegster enige aantal inspuitings aan pasiënte kan toedien ná net 12 maande se opleiding.

Hy verwys ook na die herskedulering van produkte soos Capsaicin, 'n anti-inflammatoriese middel wat in sportpleisters gebruik word om spiere te verhit en te laat ontspan, wat op supermarkrakke beskikbaar was.

“Die enigste ooglopende skade uit die gebruik van die middel is wanneer jy dit in jou oë vryf, maar dit kan ook met goed gebeur wat geredelik be­skikbaar is, soos peper, mosterd en rissies.” - [email protected]

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...