Dokkie oor Lüderitz se mooi verhaal
Die afgeleë kusdorp skud sy spookdorpbeeld af met die storie van sy ontwikkeling en bemagtiging.
Francoise Steynberg - “Ons wou graag die storie van Lüderitz deel – hierdie verafgeleë dorp wat tussen die dame van alle woestyne, die Namib, en die Atlantiese Oseaan genestel is.”
Só het die uitvoerende hoof van Pescanova, mnr. Miguel Angel Tordesillas, tydens die onlangse première van 'n dokumentêre fliek oor Lüderitz in die Nasionale Teater van Namibië (NTN) in Windhoek gesê.
Die dokkie se naam is Lüderitz: A City Born From The Sea.
“In hierdie dokumentêre fliek wys ons hoe Lüderitz haar spookdorpbeeld afskud deur die ontwikkelings wat ná onafhanklikheid plaasgevind het.”
Tordessilas sê twee jaar gelede is die boek, Lüderitz: A Journey Through Time, gepubliseer wat ’n wonderlike impak plaaslik en internasionaal gehad het.
“Dit gaan oor die geskiedenis van die dorp, die omgewing en sy mense, asook die wonderlike geleenthede wat die afgeleë klein dorpie vir die toekoms bied.”
Tordessilas vertel einde verlede jaar het hy uitgevind ’n internasionale filmspan van National Geographic is in Namibië “en ons het ’n kans gevat en vir hulle gevra om ons Lüderitz se storie te vertel”.
KAPTEIN KWEDHI
Die dokkie se hoofkarakter is kaptein Nelago Kwedhi wie se naam “gelukkig” beteken.
Sy is die eerste Namibiese, en boonop vroulike, skeepskaptein van die MVF Kanus.
Kwedhi is van ’n klein nedersetting in die Oshanastreek in die Noorde.
Nadat sy haar hoërskoolloopbaan in die Noorde voltooi het, het sy verder aan die Namibië Visserye-instituut studeer.
“Die afgelope 16 jaar werk ek by NovaNam op Lüderitz wat baie tot die ontwikkeling van die dorp en werksgeleenthede vir vissermanne en fabriekswerkers bygedra het,” het Kwedhi vertel.
“Om op die see te werk, is ’n opoffering en as enigste vrou aan boord van ’n skip, veral as jy in beheer is, is nie maklik nie.
"Sommige mans dink dink jy is nie daartoe in staat nie, of jy is nie gekwalifiseerd genoeg om aan die stuur van ’n skip te wees nie, en ander dink hulle kan nie deur ’n vrou gelei word nie.”
Kwedhi se raad aan vroue is dit is nodig om soms opofferings te maak om iets wat die moeite werd is in die lewe te bereik.
“Moenie bang wees vir druk nie, dit is wat ruwe klippe in diamante verander,” het sy gesê.
Die minister van visserye en mariene hulpbronne, mnr. Bernhard Esau, het tydens die première gesê Kwedhi is 'n rolmodel vir almal.
“Die ontwikkeling van afgeleë dorpe soos Lüderitz en die bemagtiging van voormalige randgemeenskappe om hul drome te verwesenlik en ’n integrale deel van ons visbedryf te wees, sal altyd vir my ’n prioriteit wees,” het Esau gesê.
Hy het NovaNam met die “uitstekende” dokkie gelukgewens wat die storie van Lüderitz se hergeboorte uit die oogpunt van bemagtiging vertel.
Die besturende direkteur van NovaNam en Lalandii, mnr. Edwin Kamatoto, het gesê die twee vismaatskappy verskaf werk aan sowat 2 100 mense op Lüderitz.
“Afgesien van die vloot werk sowat 1 500 mense in die visfabriek wat die grootste stokvisproduksie in Afrika lewer,” het Kamatoto gesê.
Só het die uitvoerende hoof van Pescanova, mnr. Miguel Angel Tordesillas, tydens die onlangse première van 'n dokumentêre fliek oor Lüderitz in die Nasionale Teater van Namibië (NTN) in Windhoek gesê.
Die dokkie se naam is Lüderitz: A City Born From The Sea.
“In hierdie dokumentêre fliek wys ons hoe Lüderitz haar spookdorpbeeld afskud deur die ontwikkelings wat ná onafhanklikheid plaasgevind het.”
Tordessilas sê twee jaar gelede is die boek, Lüderitz: A Journey Through Time, gepubliseer wat ’n wonderlike impak plaaslik en internasionaal gehad het.
“Dit gaan oor die geskiedenis van die dorp, die omgewing en sy mense, asook die wonderlike geleenthede wat die afgeleë klein dorpie vir die toekoms bied.”
Tordessilas vertel einde verlede jaar het hy uitgevind ’n internasionale filmspan van National Geographic is in Namibië “en ons het ’n kans gevat en vir hulle gevra om ons Lüderitz se storie te vertel”.
KAPTEIN KWEDHI
Die dokkie se hoofkarakter is kaptein Nelago Kwedhi wie se naam “gelukkig” beteken.
Sy is die eerste Namibiese, en boonop vroulike, skeepskaptein van die MVF Kanus.
Kwedhi is van ’n klein nedersetting in die Oshanastreek in die Noorde.
Nadat sy haar hoërskoolloopbaan in die Noorde voltooi het, het sy verder aan die Namibië Visserye-instituut studeer.
“Die afgelope 16 jaar werk ek by NovaNam op Lüderitz wat baie tot die ontwikkeling van die dorp en werksgeleenthede vir vissermanne en fabriekswerkers bygedra het,” het Kwedhi vertel.
“Om op die see te werk, is ’n opoffering en as enigste vrou aan boord van ’n skip, veral as jy in beheer is, is nie maklik nie.
"Sommige mans dink dink jy is nie daartoe in staat nie, of jy is nie gekwalifiseerd genoeg om aan die stuur van ’n skip te wees nie, en ander dink hulle kan nie deur ’n vrou gelei word nie.”
Kwedhi se raad aan vroue is dit is nodig om soms opofferings te maak om iets wat die moeite werd is in die lewe te bereik.
“Moenie bang wees vir druk nie, dit is wat ruwe klippe in diamante verander,” het sy gesê.
Die minister van visserye en mariene hulpbronne, mnr. Bernhard Esau, het tydens die première gesê Kwedhi is 'n rolmodel vir almal.
“Die ontwikkeling van afgeleë dorpe soos Lüderitz en die bemagtiging van voormalige randgemeenskappe om hul drome te verwesenlik en ’n integrale deel van ons visbedryf te wees, sal altyd vir my ’n prioriteit wees,” het Esau gesê.
Hy het NovaNam met die “uitstekende” dokkie gelukgewens wat die storie van Lüderitz se hergeboorte uit die oogpunt van bemagtiging vertel.
Die besturende direkteur van NovaNam en Lalandii, mnr. Edwin Kamatoto, het gesê die twee vismaatskappy verskaf werk aan sowat 2 100 mense op Lüderitz.
“Afgesien van die vloot werk sowat 1 500 mense in die visfabriek wat die grootste stokvisproduksie in Afrika lewer,” het Kamatoto gesê.
Kommentaar
Republikein
Geen kommentaar is op hierdie artikel gelaat nie