Dit wat ons kies om nie raak te sien nie

Die lewe is hard en in die 21ste eeu kan dit soms ondraaglik wees. “Ons maak mense sag,” sê my ouer broer toe ons onlangs 'n gesprek oor geestesgesondheid voer. “Depressie en angs het honderde jare terug ook bestaan en mense het dit net gesluk en aanbeweeg en ons moet dieselfde doen. Mense is deesdae sissies,” sê hy. Wel waar, maar in die 21ste eeu word ons dag in en dag uit gebombardeer met inligting. Ons lewe wentel om koop hierdie, probeer daardie, kyk hier, gaan daar en maak so – alles met flitsende ligte en geluide van hul eie. Die langtermyneffek van die sosiale media en digitale toestelle op ons en ons geestesgesondheid is lank nie meer 'n geheim nie. Lank gelede het jy niks van lesbiese vrouens of gay mans gehoor nie, maar hulle het wel bestaan. Dit verbaas my soms om historiese rekords te lees van twee baie goeie mansvriende wat jare lank saamgewoon het, want hulle is net sulke goeie vriende.Hulle is so onafskeidbaar dat nie een ooit getrou het nie. Hulle het net as vriende saamgewoon en nooit getrou nie – of so sê die rekords. Waarvoor was ons nog blind omdat ons nie die moed gehad het om die waarheid aan onsself te erken nie? Rekords en oeroue dagboeke vertel van mense wat mal geword het en mense wat hul lewe by hulle laat verbygaan het, omdat hulle lui was. Mense wat skielik opgehou het om dinge te doen wat hulle altyd met passie gedoen het en iewers weg van die mensdom gaan wegkruip het. Daardie tyd was hulle mal genoem, maar vandag is hulle depressief. Ons verstaan nou dit is 'n voorkombare en gewoonlik behandelbare toestand. Waarom sou ons as mensdom onsself in die verlede laat vaskyk? Waarom sou ons toelaat dat mense wat 'n voorkombare en behandelbare siekte het as besetenes moes lewe? As daar een ding is wat die mensdom doen, is dit om vooruit te gaan. Ons het geen ander keuse nie, dit is in ons natuur. Ons wil altyd groter en beter en ouliker wees, maar ek wonder of ons dalk té groot en té goed geraak het dat ons ons eie ondergang gaan bewerkstellig. Die flikker van selfone is so goed dat dit nou vir ons sleg is. Die gevroem van masjinerie het ons byna onfeilbaar gemaak, maar nou verniel ons ons aarde met stowwe wat uit daardie einste masjiene afgeskei word. Het ons te goed geraak?

Dit wat ons kies om nie raak te sien nie

Kommentaar

Republikein 2026-06-10

Meld asseblief aan om kommentaar te lewer

Dit wat ons kies om nie raak te sien nie

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.