Distell se 4th Street groei vinnigste in die wêreld
Dié wyn is gemik op die millennium-geslag, wat die mark deesdae die meeste beïnvloed.
Nellie Brand-Jonker - Die Suid-Afrikaanse wyn 4th Street is die vinnigsgroeiende wynhandelsnaam in die wêreld, luidens 'n nuwe verslag.
Netwerk24 het al voorheen berig oor hoe vinnig die handelsnaam se verkope in Suid-Afrika toeneem.
Luidens die verslag van die marknavorser International Wine and Spirit Research (IWSR), neem E&J Gallo se Barefoot-wyne se verkope die tweede vinnigste toe.
Eliska Botha, internasionale bemarkingsbestuurder van Distell, sê dit is 'n besondere prestasie as 'n mens in ag neem dat 4th Street nét in Suid-Afrika en enkele Afrikalande versprei word.
“Toe ons 4th Street bekend gestel het, wou ons tradisies agterlaat en die klem plaas op 'n verbruiker wat wyn nog nie ken nie, maar tog gehalte wil hê.
“Ons het die volgende geslag van wyndrinkers in ons visier gehad, en het toeganklike, heerlike wyne met billike pryse geskep wat jy tog danksy die verpakkings, beslis raaksien,” sê sy in 'n verklaring.
Volgens haar is die wyn gemik op die millennium-geslag wat die mark deesdae die meeste beïnvloed.
Sy sê die handelsnaam toon groot sukses in 'n land soos Suid-Afrika waar bier die mark oorheers.
Die handelsnaam is aanvanklik in 2009 bekend gestel, met nét 'n Naturally Sweet Rosé in bottels van 750 ml en 1,5 liter.
In 2011 het dit uitgebrei, met die rosé as bokswyn en die byvoeging van 'n Naturally Sweet Red en Naturally Sweet White in bottels van
750 ml en in bokswyn. Die verkope het begin toeneem toe bokswyn bekend gestel is.
Dié wyn is een van die redes waarom wynverkope in Suid-Afrika so skerp styg.
Verlede jaar het wynverkope in die eerste ses maande van die jaar in Suid-Afrika met amper 10% gestyg danksy 'n skerp toename in die verkope van bokswyn. Dit is die sterkste styging in meer as 'n dekade. “Wynhandelsname moet besluit hoe hulle verbruikers gaan betrek. Die yslike klomp handelsname op die rakke oorweldig mense wat wyn nog nie ken nie. Die verskillende smaakprofiele en intimiderende wyntaal skrik hulle ook af.
“Ons het dit baie eenvoudiger gemaak om wyn te geniet. Ons het met ons wynaanbod na heel basiese beginsels teruggekeer, met minder soorte om van te kies en toeganklike verpakkingsgroottes, sodat die wyn op alle geleenthede geniet kan word, met gehalte wat verbruikers steeds verras en verheug.” - Netwerk24
Netwerk24 het al voorheen berig oor hoe vinnig die handelsnaam se verkope in Suid-Afrika toeneem.
Luidens die verslag van die marknavorser International Wine and Spirit Research (IWSR), neem E&J Gallo se Barefoot-wyne se verkope die tweede vinnigste toe.
Eliska Botha, internasionale bemarkingsbestuurder van Distell, sê dit is 'n besondere prestasie as 'n mens in ag neem dat 4th Street nét in Suid-Afrika en enkele Afrikalande versprei word.
“Toe ons 4th Street bekend gestel het, wou ons tradisies agterlaat en die klem plaas op 'n verbruiker wat wyn nog nie ken nie, maar tog gehalte wil hê.
“Ons het die volgende geslag van wyndrinkers in ons visier gehad, en het toeganklike, heerlike wyne met billike pryse geskep wat jy tog danksy die verpakkings, beslis raaksien,” sê sy in 'n verklaring.
Volgens haar is die wyn gemik op die millennium-geslag wat die mark deesdae die meeste beïnvloed.
Sy sê die handelsnaam toon groot sukses in 'n land soos Suid-Afrika waar bier die mark oorheers.
Die handelsnaam is aanvanklik in 2009 bekend gestel, met nét 'n Naturally Sweet Rosé in bottels van 750 ml en 1,5 liter.
In 2011 het dit uitgebrei, met die rosé as bokswyn en die byvoeging van 'n Naturally Sweet Red en Naturally Sweet White in bottels van
750 ml en in bokswyn. Die verkope het begin toeneem toe bokswyn bekend gestel is.
Dié wyn is een van die redes waarom wynverkope in Suid-Afrika so skerp styg.
Verlede jaar het wynverkope in die eerste ses maande van die jaar in Suid-Afrika met amper 10% gestyg danksy 'n skerp toename in die verkope van bokswyn. Dit is die sterkste styging in meer as 'n dekade. “Wynhandelsname moet besluit hoe hulle verbruikers gaan betrek. Die yslike klomp handelsname op die rakke oorweldig mense wat wyn nog nie ken nie. Die verskillende smaakprofiele en intimiderende wyntaal skrik hulle ook af.
“Ons het dit baie eenvoudiger gemaak om wyn te geniet. Ons het met ons wynaanbod na heel basiese beginsels teruggekeer, met minder soorte om van te kies en toeganklike verpakkingsgroottes, sodat die wyn op alle geleenthede geniet kan word, met gehalte wat verbruikers steeds verras en verheug.” - Netwerk24
Kommentaar
Republikein
Geen kommentaar is op hierdie artikel gelaat nie