Dippenaar-saak: Getuie dreig glo ander

26 November 2018 | Howe
Erwin Leuschner – ’n Getuie in die moordverhoor van mnr. Jandré Dippenaar het Donderdag 'n saak van aanranding deur dreigement by die Swakop-polisiekantoor aangegee, met beweringe van 'n doodsdreigement.

Volgens die koördineerder van misdaadondersoeke in Erongo, adjunkkommissaris Erastus Iikuyu, het ’n sleutelgetuie vir die verdediging glo tydens vroeëre hofverrigtinge ’n getuie van die staat voor die hof in Swakopmund gedreig dat hy sy “nek gaan breek”. Iikuyu het gesê die polisie ondersoek die saak en sal die dossier aan die hof oorhandig sodra dit afgehandel is.

Dippenaar word daarvan beskuldig dat hy in 2014 weens ’n ongeluk op die pad tussen Hentiesbaai en Swakopmund ses mense se dood veroorsaak het.

Die verhoor sal in Julie 2019 voortgesit word. Alle party het op dié datum ooreengekom nadat die drie dae lange kruisverhoor van die meganiese deskundige mnr. Martin Graham Donderdag in die Swakopmund-streekhof afgehandel is.

“Daar is nie genoeg tyd om nog getuies aan te hoor nie en dus moet ons uitstel,” het staatsadvokaat Ethel Ndlovu gesê.

Die verhoor sal vanaf 8 tot 12 Julie, vanaf 12 tot 16 Augustus en vanaf 16 tot 20 September 2019 strek.

Familielede van die ongelukslagoffers, asook mnr. Eberhard Seybold, prokureur van me. Antonia Joschko wat die ongeluk op 29 Desember 2014 oorleef het, was gefrustreerd toe die aankondiging gemaak is.

“Dit lyk nie of ons dié week enige vordering in die saak gemaak het nie. Amper vier jaar is al verby,” het mnr. Petrus Pretorius gesê. Hy is die pa van me. Dinah Pretorius wat in die ongeluk gesterf het.

Seybold het bygevoeg: “Dit is baie frustrerend. So baie tyd is op kruisverhoor bestee en vrae gevra wat nie noodsaaklik is nie. Dit gee die indruk dat die verdediging tyd mors.”

Dippenaar het sedert die aanvang van die verhoor tot dusver net ’n paar woorde in die hof geuiter. “Onskuldig” het hy nege keer gesê en sodoende sy onskuld op alle aanklagte beweer. Aan die einde van die kruisondervraging het sy prokureur, adv. Louis Botes, dié woorde herhaal en gesê dat Antonia Joschko se pa vir die ongeluk aanspreeklik gehou kan word.

"Ons sal in die hof bewys dat die Ford Ranger in die baan van die FJ Cruiser was toe die botsing plaasgevind het," het Botes gesê.

Die meganiese deskundige het eenvoudig geantwoord: "Ek is geen rekonstruksiekenner nie. Ek het geen kommentaar nie."

Gedurende kruisondervraging het Graham nooit van sy weergawe afgewyk nie.

Soortgelyk

 

Afrika-lied kom tuis in Namib

15 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

15 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

15 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

15 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

15 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

15 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

15 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

15 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

15 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...