Digitale kunsuitstalling ’n belewenis

29 September 2020 | Kuns en vermaak
Oscar Muyambo is ’n grafiese ontwerper, digitale kunstenaar, skrywer, musikant en skepper van Oscar’s Designs, ’n aanlyn platform wat op die been gebring is om plaaslike kuns en kunstenaars te bemagtig.

Hy het in Julie vanjaar met Republikein gesels oor sy digitale kuns en sy opleidingsprogram vir diegene wat hul vaardighede in grafiese ontwerp en webbladontwikkeling wil slyp.

Muyambo skep sy kuns eers digitaal en laat druk dit dan op doek. Hy sê die grootste uitdaging van digitale kuns is om die werk so realisties as moontlik te laat lyk – “die teenoorgestelde van die meeste kunstegnieke”.

“Die skoonheid van digitale kuns is dat daar nie perke is nie en jy kan dit op verskillende media druk, van doeke tot aandenkings.

“Die ander voordeel is dit is minder morsig en jy kan voortdurend foute uitstryk.”

Sy werk word tans by Olivia’s Kitchen uitgestal.

“Ek is altyd opgewonde om my werk by haar plek uit te stal. Presies ’n jaar gelede het ek my eerste uitstalling daar gehou en ek is baie bly ons het steeds ’n sterk band,” sê hy.

Talle kunsuitstallings moes vir die duur van die noodtoestand uitgestel word, of minstens aanlyn plaasvind.

Terwyl aanpassing en innovering nodig in dié moeilike tyd is, bly dit maar net ’n unieke ervaring om ’n kunswerk voor jou te sien en van nader te beskou. Muyambo sê hy is baie verlig om weer sy werk uit te stal.

“Om ’n kunswerk op ’n rekenaarskerm te sien, is net nie dieselfde nie. Om dit fisiek te aanskou, is ’n ander belewenis en die energie is net spesiaal,” sê hy verder.

“Kom geniet die ongelooflike atmosfeer, heerlike kos en ondersteun ons plaaslike kunsbedryf,” voeg hy by.

Die kunswerke (op A0-grootte doeke) is teen N$4 000 elk te koop. Die uitstalling duur tot einde Oktober.

Kontak 081 860 1182, of besoek www.oscarsartnamibia.com vir meer inligting.

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...