Diewe besteel kampvegter teen malaria

Merkwaardige man laat hom nie keer

04 January 2017 | Misdaad
Des Erasmus - ‘n Britse filantroop van internasionale aansien het op sy humanitêre sending die grense van vyf lande van Afrika oorgesteek om in die Kersgety op Swakopmund te wees voor die voortsetting van sy selfopgelegde opdrag in die vasteland se stryd teen malaria. Hier gekom, het diewe by die hoekhuis van David Robertson in Bismarckstraat ingebreek en hom van 9 000 euro (sowat N$130 000 ) en fotografiese toerusting van onskatbare waarde beroof.

Merkwaardig van hierdie landheer van Londen is dat hy net die gebruik van sy linkerbeen en linkerarm het nadat hy sy regterbeen en regterarm in ‘n motorfietsongeluk in 1977 verloor het. Met die gebruik van ‘n arm en been wat hom in 1977 as ‘n 18-jarige ontneem is, het hy sy oorlewingstryd gewen. Hy het nou die duisende kilometer van Kameroen tot in Namibië alleen agter die stuurstange van sy Land Rover onderneem.

Dit is vanjaar 40 jaar ná die ongeluk. “Dit was ‘n botsing reg van voor tussen ek op my motorfiets en ‘n aankomende voertuig. Niemand het my ‘n kans op oorlewing gegee nie. Drie maande later was ek terug in ‘n motor,” vertel David in die ruim herewoning uit vergange jare op ‘n straathoek naby die middedorp. Sy vrou, Julia, deel in die gesprek en sê dis waar hulle Kersfees wou deurbring omdat Swakopmund so rustig is.

David (58) voer sy veldtog teen malaria (“Drive against Malaria”) reeds byna 20 jaar. Op sy huidige tog van Kameroen na Namibië, spesifiek Swakopmund, is in van die nagte in ‘n bra ongemaklike veldkajuit van sy Land Rover geslaap en is deur lande beweeg waar burgerlike onrus soos in die Demokratiese Republiek van Kongo (DRC) heers. Sy reisgenoot was ‘n fotograaf van die graafskap Gloucester in Engeland, Ben Tolley.

Tolley was reeds in Caprivi met die voortsetting van sy Afrika-reis toe op Swakopmund met Robertson gesels is. Sy kosbaarste Afrika-materiaal op sy huidige reis was sy foto’s. Dit is alles nou diewebesit.

Teen die einde van Robertson se reis deur Afrika was Julia in België. Toe sy haar op Swakopmund by hom aangesluit het, was hy reeds beroof. Julia sê hulle het reeds na Swakopmund vir die Kersseisoen uitgesien omdat die vakansieoord so vreedsaam in hul ou herehoekhuis sou wees. Dis ‘n plek waar juis sy probeer om die oudhede te bewaar. Toe gebeur so ‘n ding. Die egpaar het die huis op Swakopmund net meer as ‘n jaar gelede gekoop.

‘n Land Rover is altyd sy ryding met die eerste so ‘n Afrika-reis wat in 1988 van Londen, daarna ‘n vaart oor die Middellandse See en toe ‘n tog op land tot in Kaapstad onderneem is.

“Ek bestuur my Land Rover self,” sê David beslis ondanks die verlies van ‘n been en ‘n arm.

Die einde van verlede jaar se reis het op 22 November begin en daar is deur vyf lande, Kameroen, Kongo-Brazzaville, die DRC, Angola en dan Namibië, beweeg.

David se heenreis het op 11 Desember op Swakopmund geëindig.

Die inbraak was die nag van 12 Desember. Die diewe het toegang tot die huis gekry deur die diefwering voor ‘n agterdeur te verwyder. ‘n Moontlikheid is dat die diewe die vakansiehuis van die Britte geruime tyd voor hul koms reeds in hul visier gehad het. ‘n Moontlikheid is selfs dat die diefwering feitlik deurgesaag of -gesny was sodat toegang maklik verkry kon word.

Die geld was in ‘n mobiele kluis wat deel van die toerusting op die Afrika-reis was. Deel van die diewe se buit was twee duur kameras, lense, geheuestokkies en twee hardeskywe met honderde foto’s van die afgelope Afrika-besoek. Volgens David was juis die foto’s van die kosbaarste besit, omdat dit as promosiemateriaal vir die voortsetting van sy stryd teen malaria sou dien.

Onderskrifte

David en Julia Robertson en sy vrou Julia in die tuin van hul ou herehuis op Swakopmund. Dit is die huis waar die internasionale weldoener met sy strtyd teen malarfia van kosbare besit besteel is. Foto Anneli Erasmus

So werk David Robertson in sy stryd teen malaria. Muskietnette word aan inwoners van lande verskaf waar malaria steeds baie lewes eis. Foto verskaf

Soortgelyk

 

Hoop in 'n bondeltjie liefde

5 ure gelede | Omgewing

Hope, die bobbejaan wat in 2016 in die nuus was nadat sy in Windhoek erg mishandel is, het ma geword. Ná sy gered is, het...

Raad ondersoek psigiater

5 ure gelede | Howe

Henriette Lamprecht Die Raad vir Gesondheidsbe­roepe in Namibië (HPCNA) ondersoek verskeie klagtes van onprofessionele gedrag teen 'n psigiater aan die kus.Die psigiater word onder meer...

Hanse-Himarwa gister in hoërhof

5 ure gelede | Howe

Denver Kisting Me. Katrina Hanse-Himarwa, die minister van onderwys, kuns en kultuur, het gisteroggend vlugtig in die Windhoek-hoërhof op aanklag van korrupsie verskyn.Tydens die verskyning...

Okanatje vir Hope

5 ure gelede | Omgewing

Tanja Bause – Hope, die bobbejaan wat in Julie 2016 beseer en mishandel in Windhoek gevind is, het volkome herstel en is vandag ’n trotse...

Groot kommer oor nooddienste in Erongo

5 ure gelede | Regering

Des Erasmus - Ernstige kommer bestaan oor die beskikbaarheid en gehalte van munisipale nooddienste in die Erongo-binneland ná ‘n geknelde vrou se ure van ontbering...

Weer, Vrydag 20 April 2018

5 ure gelede | Weer

BINNELAND: Mooi weer en warm, maar baie warm in die Noorde.KUS: Gedeeltelik bewolk en matig met miskolle in die oggend.GETYE BY WALVISBAAI: H 06:10...

Kalender 20 April

5 ure gelede | Kuns en vermaak

Nou aan die gang» Die Nasionale Teater van Namibië (NTN) bied verskeie poppekaskonserte aan. The Dilemma of Manie Ant is vanaand en môre op...

Bewoners van rivierbedding verskuif

5 ure gelede |

Maria EisebDie Windhoekse munisipaliteit gaan inwoners van die informele nedersetting waar 'n ma en haar seuntjie hul lewens as gevolg van 'n kitsvloed verloor het,...

Indiensnemingstelsel hersien

5 ure gelede | Ministeries

Ellanie Smit'n Skamele 20% van die 15 569 werksoekers, wat deur middel van die Namibië Geïntegreerde Indiensneminginligtingstelsel (NIEIS) tydens die 2017-'18-boekjaar geregistreer, het werk gekry.Die...