Dienda bekommerd oor NSFAF
Die finansiële verknorsing waarin die NSFAF hom bevind, het die PDM genoop om ingryping van die president te vra.
Kommer oor die toedrag van sake by die Finansiële Hulpfonds vir Namibiese Studente (NSFAF) is deur me. Elma Dienda, parlementslid van die Popular Democratic Movement (PDM), uitgespreek.
Sy sê sedert die totstandkoming van die fonds is miljoene dollar deur korrupsie, wanpraktyke, wanadministrasie en wanbesteding vermors. Miljarde dollar wat aan studente geleen is, is nie terugbetaal nie.
“Daar is toenemende kommer oor die bestuur en die verlies van geld wat gebruik kon word om die opvoeding van duisende studente te finansier en ‘n beter toekoms vir hulle te verseker.
“Die entiteit se uitvoerende hoof en die direksielede is deur werknemers onder hul toesig uitgesonder vir onbevoegdheid en korrupsie. Dit is van die redes vir die mislukking van die instansie en is verantwoordelik vir die afgradering en moontlike sluiting van die fonds,” sê Dienda.
Sy sê die NSFAF sal die derde staatsinstansie ná die SME Bank en die Padkontrakteursmaatskappy (RCC) wees wat sy deure weens administratiewe mislukking moet sluit.
“Wat in ons land gebeur, is onverstaanbaar. Wat die president en die regering daaraan doen, is selfs meer kommerwekkend. Ná die sluiting van die openbare entiteite is min gedoen om die praktyke te onthul wat tot die sluiting gelei het. Dit word bloot gesluit of afgegradeer sonder dat enige iemand vir hul mislukkings aanspreeklik gehou word. Dit is tot nadeel van die werknemers en die Namibiese publiek,” het sy bygevoeg.
Dienda sê die PDM het deurlopend ‘n beroep op die president en die regering gedoen om tussenbeide te tree en die skuldiges te ondervra. Tog wil dit voorkom asof die tendens om staatsondernemings te sluit, voortduur en geld verlore raak, sonder enige verantwoordelikheid of aanspreeklikheid.
“Die PDM is van mening dat onderrig ‘n baie belangrike bate vir die land is en dit die jeug sal help om die land op te hef uit die finansiële krisis waarin dit verkeer.
“Dit is noodsaaklik dat ondersoek ingestel word na die optrede en die skuldige individue aanspreeklik gehou word vir onbevoegde en korrupte praktyke om te verseker dat daar nie 'n herhaling in enige staatsondernemings voorkom nie.
“Ons doen ‘n beroep op die president om sy preke oor korrupsie in geloofwaardige dade om te sit en die gemors reg te stel wat die direksie van die NSFAF meegebring het. Bevoegde individue moet aangestel word om die leiding by die NSFAF oor te neem ten einde te verseker dat studente wat tans by verskillende instansies ingeskryf is, verseker is dat hul onderrigkoste vir hierdie boekjaar en komende jare gedek is,” sê Dienda.
Sy sê sedert die totstandkoming van die fonds is miljoene dollar deur korrupsie, wanpraktyke, wanadministrasie en wanbesteding vermors. Miljarde dollar wat aan studente geleen is, is nie terugbetaal nie.
“Daar is toenemende kommer oor die bestuur en die verlies van geld wat gebruik kon word om die opvoeding van duisende studente te finansier en ‘n beter toekoms vir hulle te verseker.
“Die entiteit se uitvoerende hoof en die direksielede is deur werknemers onder hul toesig uitgesonder vir onbevoegdheid en korrupsie. Dit is van die redes vir die mislukking van die instansie en is verantwoordelik vir die afgradering en moontlike sluiting van die fonds,” sê Dienda.
Sy sê die NSFAF sal die derde staatsinstansie ná die SME Bank en die Padkontrakteursmaatskappy (RCC) wees wat sy deure weens administratiewe mislukking moet sluit.
“Wat in ons land gebeur, is onverstaanbaar. Wat die president en die regering daaraan doen, is selfs meer kommerwekkend. Ná die sluiting van die openbare entiteite is min gedoen om die praktyke te onthul wat tot die sluiting gelei het. Dit word bloot gesluit of afgegradeer sonder dat enige iemand vir hul mislukkings aanspreeklik gehou word. Dit is tot nadeel van die werknemers en die Namibiese publiek,” het sy bygevoeg.
Dienda sê die PDM het deurlopend ‘n beroep op die president en die regering gedoen om tussenbeide te tree en die skuldiges te ondervra. Tog wil dit voorkom asof die tendens om staatsondernemings te sluit, voortduur en geld verlore raak, sonder enige verantwoordelikheid of aanspreeklikheid.
“Die PDM is van mening dat onderrig ‘n baie belangrike bate vir die land is en dit die jeug sal help om die land op te hef uit die finansiële krisis waarin dit verkeer.
“Dit is noodsaaklik dat ondersoek ingestel word na die optrede en die skuldige individue aanspreeklik gehou word vir onbevoegde en korrupte praktyke om te verseker dat daar nie 'n herhaling in enige staatsondernemings voorkom nie.
“Ons doen ‘n beroep op die president om sy preke oor korrupsie in geloofwaardige dade om te sit en die gemors reg te stel wat die direksie van die NSFAF meegebring het. Bevoegde individue moet aangestel word om die leiding by die NSFAF oor te neem ten einde te verseker dat studente wat tans by verskillende instansies ingeskryf is, verseker is dat hul onderrigkoste vir hierdie boekjaar en komende jare gedek is,” sê Dienda.
Kommentaar
Republikein
Geen kommentaar is op hierdie artikel gelaat nie