Die toekoms van ons kinders

14 January 2019 | Rubrieke
Sanet Pearson - Ek het die vakansie by my ma in Johannesburg gaan kuier.

’n Mens kan baie dinge oor Johannesburg sê. Meestal sal dit nie goed wees nie, maar wat hulle baie goed doen, is herwinning.

Ek kry partykeer die gevoel Namibiërs dink herwinning is op alle lande behalwe Namibië van toepassing. Dalk omdat ons bevolking so klein is?

Die kompleks waar my ma bly, is baie gesteld op herwinning. Daar is vier asblikke vir glas, plastiek, blikkies en papier. Almal in die kompleks maak seker dat hulle herwin anders kan hulle in groot moeilikheid by die beheerliggaam beland.

Ek was een van daardie mense wat gedink het om te herwin, is te veel moeite. Maar in die vakansie het ek vir die eerste keer agtergekom hoeveel items wat jy in ’n winkel koop, is in ’n plastiekhouer of in plastiek toegedraai. Ek was verstom.

Ons eet twee items, dan is daar vir elke item iets plasties wat weggegooi moet word.

Ek het ‘n bietjie gaan oplees. My getroue vriend Google sê dat plastiek wat in die see beland, na windstiltestreke in die oseane gevoer word. In daardie streke bly dit letterlik net ronddryf en het nêrens om heen te gaan nie.

Die bekendste area is die Great Pacific Garbage Patch in die Stille Oseaan. Wikipedia sê dit is omtrent so groot soos Suid-Afrika en bestaan uit 3,5 miljoen ton plastiek. Die area is nie solied nie en bestaan uit visnette, inkopiesakke, tandeborsels en nog vele meer gemors.

Dit is skokkend om te dink dat hierdie ‘eiland’ nêrens heen het om te gaan nie, en die kanse dat die plastiek gaan disintegreer en net verdwyn (en die probleem oplos), is net so skraal.

Sonlig breek die plastiek in kleiner stukkies op totdat dit uiteindelik plastiekmolekules word.

Seevoëls en seesoogdiere eet die plastiekstukkies, met tragiese gevolge.

Om nog sulke vulliseilande te voorkom, is óns verantwoordelikheid., As ons nie nou begin nie, gaan ons kinders rêrig lewe soos hulle in die flieks wys. So tussen die vullis deur.

Dit is dalk vermaaklik om jou in die fliek in te lewe, maar ek dink nie jy gaan dit nog so snaaks vind as jy in regte gemors moet bly nie. Dink ook net aan al die siektes wat daar uitbroei.

Asseblief, dink twee keer voor jy net iets in die vullisdrom gooi. Dink aan die natuur en watse verskil daardie items aan die natuur kan maak as dit herwin word. Dit is ook ons verantwoordelikheid om ons kinders van herwinning te leer.

Dit is ‘n cliché, maar ons het net die een aarde. Pas dit asseblief baie mooi op. Vir ons kinders en hulle nageslagte se onthalwe.

Soortgelyk

 

Weermag trek skouers op

42 minute gelede | Plaaslik

Denver Kisting – Talle Namibiërs is die josie in oor wat sommige as die militarisering van die land se strate bestempel.Maar die Namibiese weermag (NDF)...

Grubesonderhede in die hof onthul

42 minute gelede | Howe

Erwin Leuschner op Swakopmund - Die beskuldigde in die Arandis-moorde sê hy is oorbluf deur die magdom getuienis wat die staat teen hom ingewin het.Tog...

Swapo wen naelskraap op Ondangwa

42 minute gelede | Politiek

Denver Kisting – Net 3 792 van die geregistreerde 15 800 kiesers het Saterdag in die tussenverkiesing op Ondangwa gestem.Dit verteenwoordig ’n skrale 24%-deelname.Die naweek...

Weer vir 17 Junie 2019

42 minute gelede | Weer

BINNELAND: Gedeeltelik bewolk en matig tot warm oor die sentrale dele. Elders sal dit warm tot baie warm wees. KUS: Mooiweer en warm tot baie...

Gebrekkige waterbesparings táp damme

42 minute gelede | Plaaslik

Elvira Hattingh - Die droogloopdatum vir damme wat Windhoek van water voorsien, het nou met tussen twee en drie weke vervroeg. Dít omdat Windhoekers...

Brand vernietig nege huise in Mondesa

42 minute gelede | Ongelukke

Adolf Kaure - Verskeie families is dakloos gelaat nadat 'n brand Vrydagmiddag nege huise by die enkelkwartiere van die Mondesa-woonbuurt op Swakopmund vernietig het. Volgens...

Indonesiërs in Namibië vier Eid Mubarak

42 minute gelede | Lesersfoto's

Die Indonesiese ambassade in Namibië het verlede Dinsdag Eid Mubarak – die einde van die heilige maand van Ramadaan in die Moslemgeloof – ­gevier. Ambassadeur...

Maatskaplike impak van droogte gemeet

42 minute gelede |

Elvira Hattingh - Droogtetoestande in Namibië en Angola is deur die navorsers van die Instituut vir Sosio-Ekologiese Navorsing (ISOE) gebruik om 'n nuwe instrument te...

Visums by lughawe uitgereik

42 minute gelede | Toerisme

Inwoners van lande soos onder meer Suid-Afrika, Duitsland, Frankryk, Italië, Amerika, Hongkong, Australië, Nederland, Angola, Zimbabwe en Zambië wat in Namibië wil kom vakansie hou,...