Die see se mooistes gekroon

Asnee Miller (middel), 'n 18-jarige van Walvisbaai, is as Miss Touchies tydens die visvang-bonanza en raakrugbydag op Hentiesbaai gekroon. Haar eerste prinses is Nelmari Louw (20), van Kaapstad, terwyl Tharine Bergh (18), van Windhoek, as tweede prinses aangewys is. Miss Teen Touchies is Nina-Marie Retief (16) van Grootfontein. Haar eer­ste prinses is Shakira Berges (15), van Walvisbaai, en die tweede prinses is Venia van der Merwe (16), van Kempton Park, Suid-Afrika. Laliq Adams (6), van Windhoek, is as Miss Junior Touchies aangewys. Haar eerste prinses is Danel du Toit (10), ook van Windhoek. Die tweede prinses is Lulu Venables (4) van Hentiesbaai. Foto Leandrea Louw