Die randbere skarrel
Die vooruitsig vir die rand was selde beter as nou.
Met een uitsondering dui indekse almal in die regte rigting vir die rand om sy kraglopie – waarin hy 30 ander geldeenhede die afgelope 12 maande die loef afgesteek het – voort te sit.
Risiko’s – van onbestendigheid tot die koste van versekering teen wanbetaling van skuld – is besig om af te neem, ontleders is die minste beeragtig in hul vooruitskattings in 18 maande en invloei van beleggings in staatseffekte is aan die toeneem.
Die mediaan-vooruitskatting van ontleders wat aan ’n opname deur Bloomberg deelgeneem het, is dat die rand teen die einde van die tweede kwartaal op R13,70 sal verhandel.
Terwyl dié voorspelling soos beerpraatjies mag klink - die rand het dan Vrydag al so laag as R12,74 vir ’n Amerikaanse dollar geruil – was die verwagte mediaan ’n jaar gelede R15,83.
Die laaste keer dat valutaontleders gereken het die rand gaan onder R14 teenoor die dollar draai, was in Oktober 2015.
Ook die stuk of 31 ekonome wat aan Sake se Ekonoom van die Jaar deelneem het, was einde Februarie meer optimisties en verwag ’n gemiddelde wisselkoers van R13,56 per dollar in die laaste kwartaal van die jaar teenoor die laaste voorspelling verlede jaar van R14,26 per dollar.
Onbestendigheid
Die rand se gerealiseerde onbestendigheid teenoor die dollar het tot die laagste vlakke sedert Desember 2015 gedaal. Onbestendigheid by implikasie, gegrond op pryse van opsiekontrakte om rand te koop en te verkoop, is ook op die laagste vlakke in 15 maande. Dit maak die rand minder van ’n risiko vir handelaars wat dollars leen om geldeenhede wat groot opbrengste bied te koop (dit staan bekend as drahandel).
Die opbrengste in die dollar-rand-drahandel was vanjaar 9,25%, die beste onder 31 geldeenhede wat Bloomberg dophou.
Buitelandse beleggings
Buitelandse beleggers het hul aptyt vir Suid-Afrikaanse effekte herwin ná ’n uitvloei van geld wat in Desember deur die verhoging van Amerikaanse rentekoerse op loop gesit is.
Buitelanders het die afgelope maand daagliks gemiddeld R405 miljoen se skuldeffekte gekoop, teen ’n pas wat verlede September laas ervaar is.
Met Janet Yellen, voorsitter van die Amerikaanse Federale Reserweraad, se versekering dat aggressiewe renteverhogings nie op die kaarte is nie, behoort die opbrengs op Suid-Afrikaanse effekte – die hoogste onder lande wat op beleggingsvlak gegradeer is – buitelandse belegging te lok wat op sy beurt weer die rand sal ondersteun.
Versekering teen wanbetaling
Met politieke onstuimigheid aan die bedaar en die onmiddellike gevaar van ’n kredietafgradering afgeweer, het die koste om Suid-Afrika se skuld teen moontlike wanbetaling te verseker tot die laagste vlakke in 15 maande, laer as ander ontluikende lande, gedaal. Dit toon beleggers kommer hulle minder oor risiko’s.
Beer-agterdeur
Een indeks toon egter dat terwyl handelaars hoop vir die beste, hulle hul regmaak vir die ergste. Die premie op opsies om rand te verkoop teenoor opsies om te koop, het met ’n persentasiepunt gestyg, ’n verskil wat naas Turkye se lira die grootste onder die 31 gemete geldeenhede is. Dit toon meer handelaars verskans hulle teen afnames in randruilwaarde as dié wat hulle teen ’n versterking van die geldeenheid verskans. – Netwerk24/Bloomberg
Met een uitsondering dui indekse almal in die regte rigting vir die rand om sy kraglopie – waarin hy 30 ander geldeenhede die afgelope 12 maande die loef afgesteek het – voort te sit.
Risiko’s – van onbestendigheid tot die koste van versekering teen wanbetaling van skuld – is besig om af te neem, ontleders is die minste beeragtig in hul vooruitskattings in 18 maande en invloei van beleggings in staatseffekte is aan die toeneem.
Die mediaan-vooruitskatting van ontleders wat aan ’n opname deur Bloomberg deelgeneem het, is dat die rand teen die einde van die tweede kwartaal op R13,70 sal verhandel.
Terwyl dié voorspelling soos beerpraatjies mag klink - die rand het dan Vrydag al so laag as R12,74 vir ’n Amerikaanse dollar geruil – was die verwagte mediaan ’n jaar gelede R15,83.
Die laaste keer dat valutaontleders gereken het die rand gaan onder R14 teenoor die dollar draai, was in Oktober 2015.
Ook die stuk of 31 ekonome wat aan Sake se Ekonoom van die Jaar deelneem het, was einde Februarie meer optimisties en verwag ’n gemiddelde wisselkoers van R13,56 per dollar in die laaste kwartaal van die jaar teenoor die laaste voorspelling verlede jaar van R14,26 per dollar.
Onbestendigheid
Die rand se gerealiseerde onbestendigheid teenoor die dollar het tot die laagste vlakke sedert Desember 2015 gedaal. Onbestendigheid by implikasie, gegrond op pryse van opsiekontrakte om rand te koop en te verkoop, is ook op die laagste vlakke in 15 maande. Dit maak die rand minder van ’n risiko vir handelaars wat dollars leen om geldeenhede wat groot opbrengste bied te koop (dit staan bekend as drahandel).
Die opbrengste in die dollar-rand-drahandel was vanjaar 9,25%, die beste onder 31 geldeenhede wat Bloomberg dophou.
Buitelandse beleggings
Buitelandse beleggers het hul aptyt vir Suid-Afrikaanse effekte herwin ná ’n uitvloei van geld wat in Desember deur die verhoging van Amerikaanse rentekoerse op loop gesit is.
Buitelanders het die afgelope maand daagliks gemiddeld R405 miljoen se skuldeffekte gekoop, teen ’n pas wat verlede September laas ervaar is.
Met Janet Yellen, voorsitter van die Amerikaanse Federale Reserweraad, se versekering dat aggressiewe renteverhogings nie op die kaarte is nie, behoort die opbrengs op Suid-Afrikaanse effekte – die hoogste onder lande wat op beleggingsvlak gegradeer is – buitelandse belegging te lok wat op sy beurt weer die rand sal ondersteun.
Versekering teen wanbetaling
Met politieke onstuimigheid aan die bedaar en die onmiddellike gevaar van ’n kredietafgradering afgeweer, het die koste om Suid-Afrika se skuld teen moontlike wanbetaling te verseker tot die laagste vlakke in 15 maande, laer as ander ontluikende lande, gedaal. Dit toon beleggers kommer hulle minder oor risiko’s.
Beer-agterdeur
Een indeks toon egter dat terwyl handelaars hoop vir die beste, hulle hul regmaak vir die ergste. Die premie op opsies om rand te verkoop teenoor opsies om te koop, het met ’n persentasiepunt gestyg, ’n verskil wat naas Turkye se lira die grootste onder die 31 gemete geldeenhede is. Dit toon meer handelaars verskans hulle teen afnames in randruilwaarde as dié wat hulle teen ’n versterking van die geldeenheid verskans. – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie