Die hart van Namibiese toerisme

Toergidse skitter

28 June 2019 | Toerisme
“Ek is mal daaroor om met mense te werk.

“Ek hou van die natuur, ek is lief vir my land en gek daaroor om in die toerismebedryf te wees wat my toelaat om met my ongelooflike land by mense van oral in die wêreld te kan spog.”

So sê Kenneth Kapitako, die eienaar van Sandwich Adventure Tours cc.

Kenneth is in Katutura in die ­hoofstad gebore en het daar grootgeword. In 2010 het hy na Walvisbaai verhuis en is as ­logistieke bestuurder by die Purity-mangaanmyn aangestel.

“Ek het as 'n vryskuttoergids by Sandwich Adventure Tours begin werk nadat ek by die myn afgedank is. Ek het begin om toeriste Sandvishawe toe te vat sodat ek my familie kon onderhou,” vertel hy.

In 2015 het hy as logistieke bestuurder by die maatskappy gewerk waarna hy 'n permanente pos as toergids en vloot­bestuurder aangebied is.

“Ek het vir vier jaar vir Sandwich Adventure Tours gewerk voordat ek in Desember 2018 die geleentheid gekry het om die besigheid oor te koop - wat ek met beide hande aangegryp het. Die toerismebedryf is een van die snel groeiende sektore in ons land en ek het die potensiaal gesien om die beeld van die besigheid as 'n plaas­like besigheid te verbeter en na die volgende vlak te neem,” het Kenneth gesê.

Kenneth is baie passievol - nie net oor sy land nie, maar ook oor sy gaste.

“Ons is uniek omdat ons altyd daarna streef om elke gas 'n reis te gee wat hulle vir die res van hul lewe sal onthou.”

“Elke dag is vir my 'n belewenis veral wanneer jy 'n toeris na 'n ontsagwekkende plek soos Sandvishawe toe neem. Wanneer hul gesigte ophelder en hul oë begin glinster oor die ongelooflike toneel waar die woestyn se duine en die see mekaar ontmoet . . . dit is die herinneringe wat hulle saam huis toe vat en ek weet ek het dit help maak. Dit is sulke oomblikke wat my hart bly maak en my aanspoor om beter herinneringe te skep,” sê Kenneth.

“Ek self kan Engels, Afrikaans, Herero, Oshiwambo, Damara/Nama, Duits en 'n bietjie Frans praat, maar tog kan die taal 'n bietjie van 'n uitdaging wees.”

Hy doen alles in sy vermoë om die gaste welkom en ontspanne te laat voel en so goed soos moontlik met hulle te ­kommunikeer.

“Die toeriste kan ook baie snaaks wees en daar word baie gelag op die ­uitstappies. Ek onthou van 'n keer het ek 'n toeris van Colombia in die voertuig gehad. Ons het by die soutpanne verbygery en hy het die berge sout sien lê. Hy het begin lag en gesê 'ahaaa . . . dit lyk soos baie kokaïen'.”

Sandwich Adventure Tours bied tans ekovriendelike, fotografiese 4x4-toere na Sandvishawe, die Topnaars en rondom die Walvisbaai-strandmeer aan. Hulle bied ook dolfyn- en robbeboottoere, asook kajakritte op die strandmeer aan. Al die toere kan apart of as een gedoen word en elkeen word met vonkelwyn en vars oesters afgesluit.

“Ek hoop dat meer van ons plaaslike mense by ons toere kom bespreek. Ons is 'n plaaslike besigheid en al ons werkers en toergidse is plaaslike mense. Ons is ook die enigste toermaatskappy wat in swart eienaarskap is wat sedert 2014 toere na Sandvishawe aanbied.”

“Ek wil graag plaaslike mense aanmoedig om saam met ons op 'n toer te gaan sodat hulle ook hul eie wonderlike land kan verken en na plekke toe kan gaan wat hulle nog nie gesien het nie. Ons sal vir hulle ook spesiale herinneringe gee van hul eie land wat hulle 'n leeftyd sal hou,” sê Kenneth.

Sy droom is om die maatskappy so uit te brei dat hulle toere landwyd kan aanbied.

As deel van hul korporatiewe sosiale ­verantwoordelikheid ondersteun ­Sandwich Adventure Tours die JB Brand-skool in die Topnaar-gemeenskap met klere en kos.

Soortgelyk

 

Geen brandstof-tekort in Namibië verwag

16 minute gelede | Energie

Ronelle Rademeyer - Anders as in Suid-Afrika waar ’n tekort aan diesel tans beleef word, is Namibië se brandstofvoorraadvlakke nie onder druk nie.So sê mnr....

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...