Die finaliste vir Skoner Dorp van die Jaar is . . .

18 March 2019 | Gebeure
Ondangwa, Oranjemund, Swakopmund en Walvisbaai is aangewys as die finaliste uit 21 dorpe wat vanjaar vir die Skoner Dorp van die Jaar-kompetisie ingeskryf het.

Die wenner sal in Junie by die Namibië Toerisme Ekspo aangekondig word.

Evaluerings van deelnemende dorpe se afvalbestuur- en herwinningsprogramme was deel van die uitdunproses.

Namibia Media Holdings (NMH) se projek om skoner dorpe te bevorder, sal oor die volgende drie jaar strek. Opvolg-evaluerings sal deurlopend plaasvind. Die doelwit is om die voorkoms van die land se dorpe op 'n volgehoue wyse te bevorder en beginsels soos netheid, herwinning en trots deel van alle belanghebbendes - plaaslike owerhede, besighede en inwoners - se waardes en kultuur te maak.

Skoon dorpe is aantrekliker vir toeriste en met die projek ondersteun NMH die regering se pogings om die land skoon te hou.

“Ons het besluit om by NMH se Skoner Dorp van die Jaar-kompetisie betrokke te raak omdat dit die perfekte platform skep vir veral klein dorpe om te kompeteer en maatstawwe te skep vir goeie omgewingspraktyke, wat ons glo 'n positiewe impak sal hê,” sê mnr. Lazarus Nafidi, hoof van kommunikasie en korporatiewe dienste by die Omgewingsbeleggingsfonds van Namibië (EIF).

Mnr. Digu //Naobeb, uitvoerende hoof van die Namibië Toerismeraad (NTB), sê: “Ons sien uit na 'n reis saam met die vier finalisdorpe, wat nie by die Namibië Toerisme Ekspo sal eindig nie, maar die groter prentjie raaksien om groter hoogtes in die bemarking van ons dorpe by toeriste te bereik.”

“’n Dorpsgemeenskap wat saamwerk om 'n positiewe, gesamentlike doelwit te bereik, verbeter nie net die aantreklikheid van die dorp vir toerisme-ontwikkeling nie, maar bou ook beter verhoudings tussen almal wat betrokke is. Dit help met nasiebou,” sê mnr. Albe Botha, uitvoerende hoof van NMH.

Soortgelyk

 

Etosha Sondagmiddag deur aardbewing geskud

7 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

7 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

8 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

9 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

9 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

20 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

20 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

20 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

20 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...