Die dans van die reën

10 January 2017 | Landbou
Dr. Kobus Laubscher



In groot gebiede van die land is transformasie aan die orde van die dag– dor en droë veld en lande is tot die groen van belofte omskep.

Dié verandering getuig van geduld en dankbaarheid, in pas met Eugéne Marais se bekende Dans van die Reën. By die herlees, word die bestaan van 'n onstuitbare revolusie telkens bevestig, met genoeg tydige reën sal die landbou voorloop in die regtrek van die ekonomie.

Boere se verbintenis tot die omsetting van reën, grond en diere tot verbruikbare voedsel, is en was nooit gemik op verlaagde kosinflasie nie. Dit wat land in die waardekettings van plaashek tot bord, is egter die beste verduideliking van ekonomiese vermenigvuldigers.

Die vooruitsigte van verbeterde landbou-omstandighede lei nie net tot ekonomiese optimisme nie, maar ekonome is bereid om te voorspel dat kosinflasie kan verlang­saam, landbou dalk weer 'n netto indiensnemer kan word en veral die platteland bevoordeel kan word deur die stimulasie van vraag.

Hoewel dit nog nie gereën het op al die plekke binne die voedsel­waardeketting nie, is die belofte van verhoogde aanbod teen laer pryse dalk 'n begin.

Huishoudelike voedselonsekerheid kan, as dit van die boere afhang, as sodanig verminder. Dieselfde ekonome is egter ook eerlik in hul siening dat goeie ekonomiese vooruitsigte op plaasvlak ná die reën, getemper kan word namate nader aan die verbruiker se beursie beweeg word.

Stygende werkloosheid, administratiewe inflasie as gevolg van sistemiese ondoeltreffendheid en té lae bestedingsvermoë van die fiskus om die groeisaadjies aan die gang te hou, is maar enkele voorbeelde van hoe die suster se dans ritme in die nuwe jaar kan verloor.

Die energie vir dié dans moet herlaaibaar wees en daaraan kan met vrug gewerk word.

2017 se begin met politieke leiers se verklaring van voorneme kan as retoriek afgemaak word, maar met die aanloop na 'n leierskapsverandering teen die einde van die jaar, moet sterk dwarswinde verwag word.

Die landbou se hantering daarvan sal die werklike waarde van die reën met die nuwe jaar bepaal. Dat 'n storm op pad kan wees, is sigbaar, maar om onderdak te gaan skuil omdat dit dalk kan hael, is kontra-produktief.

Boere behoort te bly doen waarmee hulle die beste is, naamlik lei met die omvorming van basiese hulpbronne na verbruikbare, bekostigbare kos op die tafel.

As daar nie genoeg waardering is vir dié verbintenis binne die grense van die land nie, word dan die betroubaarste voorsiener vir verbruikers in lande wat die nodige waardering sal toon.

In die gees van Marais se bekende gedig, behoort 2017 geniet te word en William Wordsworth se woorde van “To begin, begin” van krag te bly.

Voorspoed!

Soortgelyk

 

Bejaarde Hollander sterf op Daan Viljoen-wandelpad

6 ure gelede | Polisie

Die lyk van 'n 70-jarige Hollandse burger is Saterdagoggend op 'n wandelpad in die Daan Viljoen-wildtuin buite Windhoek gevind.Die polisie sê in sy misdaadverslag die...

Twee begrafnisgangers sterf in ongeluk in Kunene

7 ure gelede | Ongelukke

Twee mense is dood en nege ander beseer toe die bakkie waarin hulle Saterdagmiddag vanaf die begrafnis van die Kunene-goewerneur, me. Angelika Muharukua, op pad...

Cenored sny sowat 200 verbruikers se elektrisiteit

8 ure gelede | Energie

Augetto Graig - Die elektrisiteitsverskaffer vir Namibië se Sentrale Noorde, Cenored, het begin om verbruikers se kragtoevoer af te sny wat nie kontrakte vir die...

Briedenhann - Suider-Afrika se teler van die jaar

2 dae gelede | Landbou

Die bekende Namibiese Bonsmara-teler van Hartebeestloop, Joggie Briedenhann, is tydens die Aldam Stockman-skool aangewys as die Landbouweekblad/Breedplan Suider-Afrikaanse Stoetteler van die Jaar 2017. Foto Facebook.

Chinees van dieremishandeling aangekla

2 dae gelede | Misdaad

Francoise Steynberg - 'n Klag van dieremishandeling is deur die Dierebeskermingsvereniging (DBV) van Windhoek teen die eienaar van 'n Chinese konstruksiemaatskappy, Orient Dragon Construction (ODC),...

'Moenie in Kavango visvang'

2 dae gelede | Omgewing

Francoise Steynberg - Weens die uitbreking van miltsiekte in die Bwabwata Nasionale Park word die publiek gewaarsku om nie in die Kavangorivier vis te vang,...

Emotional intelligence = higher salary?

2 dae gelede | Onderwys

While IQ remains a very strong predictor of career success, research suggests that people with high emotional intelligence (EI) are more likely to have higher...

Nou aan die gang

2 dae gelede | Kuns en vermaak

» Namkid, in samewerking met die FNCC, bied met trots die Sosiale Splash-veldtog aan. Hierdie veldtog fokus daarop om Namibiërs te verenig en om saam...

Analysing the finance industry

2 dae gelede | Onderwys

Shona NgavaAgapitus Ipinge is an Investment Banking Analyst from Standard Bank, as a prerequisite is to make sure that he talks to company executives and...