Die boek van gelukkige eindes

16 August 2019 | Kuns en vermaak
Die voorblad van hierdie roman aktiveer die bekende kruik wat ’n mens op voorgraadse sielkunde-handboeke sien: Dit is sowel twee gesigte as ’n kruik waarna jy kyk.

Loots se jongste boek handel oor verhoudings en eindes. Chris se lewe word bedreig deur ’n vrou met wie hy ’n ligte aanraking gehad het. Sy pers hom af en ons word voorgestel aan verskillende karakters en ons weet wat die sielkundige van hulle dink.

Twee ekse, een straight en een gay, laat die poppe dans. Kentridge se poppespel is ook hier en vrae word gevra oor of ’n mens nog op ’n nuwe manier oor intieme sake kan skryf?

Die internet se impak op intimiteit en joernalistiek kom eweneens aan bod.

Die roman analiseer die impak van menslike verhoudings en die ironie dat kortstondige aanrakings of dwase keuses jou lewe vir altyd kan bepaal. Is daar ooit closure?

Erica Jong se Fear of Flying (1973) speel ook in die agtergrond af met die soeke na die “zipless fuck” en ’n bespotting van psigoanalise en die raad wat sielkundiges vir pasiënte gee, terwyl hul eie lewens buite beheer is.

Die dekor-verwysings gee dalk blyke van ’n leë bestaan. Die kunsverwysings is dalk ’n versugting na ’n beter bestaan waar jy kan ontkom van dwase besluite?

Frank Kermode, die gesiene Britse teoretikus, se The Sense of an Ending (1967) het by my opgekom by die lees van die roman, asook Susan Sontag se insigryke essay “At the Same Time: The Novelist and Moral Reasoning” opgeneem in At the Same Time (2007).

Sy beweer dat ’n roman grense skep en dat alles te make het met hierdie grense. Die einde, vir haar, is ’n punt van magiese kwaliteite en samehang. Uiteindelik sien ons hoe uiteenlopende sake saamhang . . .

Geluk hang af van waar ’n storie eindig, waarsku Orson Welles in ’n motto. Hier eindig dit nooit nie . . . of dalk?

Die intertekstuele verwysings na Woody Allen, die Coen-broers se Burn After Reading en Hitchcock gee eweneens sleutels vir verdere ondersoek.

Die karakters praat outentiek (shrink, edge, cottage, girl . . .) en Kaapstad word goed beskryf.

Die hoofstuk-indelings gee blyke van ’n ouktoriale vertelinstansie (’n soort poppemeester) wat die gegewe vertel en manipuleer. Dis juis hierdie dimensie van dieper meta-kommentaar wat die roman volgens hierdie leser sterker sou maak.

Afhangende van hoe jý na die voorblad kyk, sal die roman met jou praat.

Joan Hambidge beklee die Hofmeyr-leerstoel aan die Universiteit van Kaapstad. - Netwerk24

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...