Dié mans staan pa vir hul kinders

15 March 2019 | Kuns en vermaak
Tanja Bause - Foto’s van Namibiese pa’s wat vir hul kinders sorg, word tot Sondag by die Okuryangava-sentrum vir gestremdes uitgestal.

Dié uitstalling is moontlik gemaak deur die Sweedse ambassade in Suid-Afrika en Sonke Gender Justice in vennootskap met die plaaslike organisasies White Ribbon Campaign Namibia en LifeLine/ChildLine Namibia.

Die doel van die uitstalling is om pa’s se rolle in hul kinders se lewens uit te beeld en om geslagstereotipes af te breek.

Die uitstalling is getiteld “Namibian Dads”, maar beeld ook moderne Sweedse pa’s uit, wat die stereotipe idee van die afwesige pa vervang met die uitbeelding van ’n meer betrokke, versorgende pa.

Mnr. Sam Afrikaner is een van die pa’s wat deur die uitstalling uitgebeeld word.

“Ek werk vir LifeLine/ChildLine Namibia in die gender-afdeling. Ek het twee van my eie kinders en het drie aangeneem, maar hulle is almal my kinders en ek moet ’n goeie rolmodel vir hulle wees. Ek het in ’n huis grootgeword waar my pa nie ’n goeie rolmodel was nie, en het besluit om dit te verander wanneer ek eendag my eie kinders het,” het hy gesê.

“Ons moet die geslagstereotipes afbreek en as pa’s betrokke raak. Dit vat twee mense om ’n kind te maak, en ook twee om ’n kind groot te maak.

“Wanneer my vrou besig is, kook ek kos, of was die skottelgoed of wasgoed. Dit maak my nie minder van ’n man nie. Ek sien dit nou al in my oudste seun, wat dit ook doen sonder om twee keer te dink. Ons moet as man en vrou mekaar help om gebalanseerde kinders met respek groot te maak.”

Volgens mnr. Lucas Bento, ook in die uitstalling, is dit elke pa se plig om by sy kinders betrokke te wees.

“Ons moet ons seuns veral leer om nie gewelddadig te wees nie – om mense met respek te behandel en hoe om ’n goeie pa te wees.

“Ek is die pa van twee seuns en ’n man, maar ek help met alle huishoudelike take. Ek neem verantwoordelikheid vir vaderskap en hoop ek stuur sodoende gebalanseerde seuns die wêreld in. Namibiese pa’s moet meer betrokke by die opvoeding van hul kinders raak.”

Soortgelyk

 

Noa verduidelik ACC-prosesse

1 uur gelede | Howe

Denver Kisting – Nadat ’n bewering oor ’n goewerneur se beweerde korrupte optrede in die openbare ruimte beland het, was die Teenkorrupsiekommissie (ACC) genoop om...

Psemas stop uitbetalings

1 uur gelede | Ministeries

Henriette Lamprecht – Die administrateur van die staat se mediese fonds (Psemas) het opgehou om eise vir betaling te verwerk. Dít nadat die laaste betaling...

Dis nou maar wors!

1 uur gelede | Gebeure

Lesers wat in aanmerking wil kom vir die N$15 000 se inkopiebewyse in Shoprite Checkers se “Dis braaityd!”-kompetisie, moet gou speel met hul kiekies. Koop...

Kalender 15 Maart

1 uur gelede | Kuns en vermaak

Nou aan die gang» Die Goethe-Institut vertoon vanaand om 19:00 die fliek Rafiki. Dis die storie van Kena en Ziki in hul soeke na iets...

Weer vir 15 Maart 2019

1 uur gelede | Weer

BINNELAND: Gedeeltelik bewolk en baie warm tot bloedig warm met enkele donderbuie in die noordweste.KUS: Gedeeltelik bewolk en matig tot warm met miskolle aanvanklik.GETYE...

Hepatitis E slaan kloue op Walvisbaai in

1 uur gelede | Gesondheid

Otis Finck – Die munisipaliteit van Walvisbaai het inwoners van dié dorp gevra om kalm te bly ná ’n uitbreking van hepatitis E bevestig is...

Dié mans staan pa vir hul kinders

1 uur gelede | Kuns en vermaak

Tanja Bause - Foto’s van Namibiese pa’s wat vir hul kinders sorg, word tot Sondag by die Okuryangava-sentrum vir gestremdes uitgestal. Dié uitstalling is moontlik...

Hou houtgerus oor papierwerk

1 uur gelede | Omgewing

Catherine Sasman - Ingeligte bronne sê die onwettige kap van skaars en beskermde bome duur in die verre noordooste van die land voort ondanks die...

Namibië maak stem dik

1 uur gelede | Kuns en vermaak

Eerskomende Saterdag sal die Windhoek Buitekluboord en Kasino die finale ronde van Voice of Namibia aanbied. Die kompetisie skep 'n platform vir jong, opkomende sangers...