Dié lande smul aan SA se landbouprodukte

Namibië grootste invoerder van knoffel

05 February 2019 | Landbou
Sarel van der Walt - Suid-Afrika is een van die tien grootste produseerders van wyn, appels en subtropiese vrugte in die wêreld.

Dit is die land wat die naasmeeste sitrusvrugte (vars of gedroog) uitvoer, die sewende grootste uitvoerder van druiwe (ook vars en gedroog), die vierde grootste uitvoerder van appels, die land wat die derde meeste wol uitvoer, die sesde grootste uitvoerder van steenvrugte (soos perskes, appelkose en pruime) en die negende grootste uitvoerder van subtropiese vrugte.

Dié inligting is vervat in die landbou-organisasie Agri SA se oorsig van die Suid-Afrikaanse landbou, wat Donderdag uitgereik is.



Suid-Afrika se boere, wat wêreldwyd hoë aansien geniet, is verantwoordelik vir 10,78% van die land se totale uitvoer. Die landbouproduksie van R106,4 miljard in 2017 was verantwoordelik vir 2,5% van die land se bruto binnelandse produk (BBP).



Luidens die verslag is 22,07% van alle plaaslike landbouprodukte wat uitgevoer is, na Europa, 16,23% na Afrika, 4,83% na Noord-Amerika en 3,76% na Asië.

Nederland en Brittanje – twee voormalige koloniale heersers in Suid-Afrika – is die twee lande waarheen die meeste landbouprodukte uitgevoer word.

Dit lyk asof Mosambiek intussen ook ’n smaak ontwikkel het vir Suid-Afrikaanse plaasprodukte.

In die verslag word aangedui die meeste beeste (21%) is in 2016 in Mpumalanga geslag en 19% in die Vrystaat.

Die Wes-Kaap (31%) het in dié jaar die meeste melk gelewer, gevolg deur die 28% van die Oos-Kaap en die 24% van KwaZulu-Natal.

Die Oos-Kaap (30%), die Noord-Kaap (25%) en die Vrystaat 19% het die meeste skape gelewer en Limpopo (24%), Noordwes (21%) en die Wes-Kaap (11%) die meeste varke.

Noordwes (22%) en Mpumalanga (20%) het die meeste braaihoenders voorsien.

Gauteng is dalk geografies die kleinste provinsie in die land, maar het die meeste eiers (24%) in die land gelewer.

Mpumalanga (30%) en die Vrystaat (28%) het loshande die meeste mielies gelewer. Noordwes, ook ’n bekende mieliestreek, het 15% bygedra.

Die Wes-Kaap (58%) is steeds die koring-koning. Daarna is 16% van die land se koring in die Vrystaat geproduseer en 14% in die Noord-Kaap.

Die Wes-Kaap was ook vir 88% van die land se hawer verantwoordelik.

Die Vrystaat is die voorste produseerder van sonneblomsaad (58%), grondbone (45%) en droë bone (39,5%), terwyl Mpumalanga (41%) die meeste sojabone gelewer het – 3% meer as die Vrystaat.

Laasgenoemde twee provinsies het ook die meeste graansorghum gelewer – Mpumalanga 46% en die Vrystaat 34%.

Nog ’n interessante stuk statistiek is dat Mosambiek met 70 000 ton in 2017 die grootste invoerder van aartappels uit Suid-Afrika was, gevolg deur Namibië met sowat 25 000 ton.

Die Mosambiekers het ook die meeste tamaties (sowat 1 700 ton) ingevoer, die meeste uie (meer as 50 000 ton) én die meeste wortels (meer as 3 500 ton). Angola het net ’n bietjie minder van dié groentesoort ingevoer.

Nederland (1 600 ton) was die grootste invoerder van soetpatats uit Suid-Afrika, terwyl die meeste blaarslaai (sowat 500 ton) en komkommers (850 ton) na Botswana uitgevoer is.

Die meeste knoffel (meer as 250 ton) wat Suid-Afrikaanse bodem verlaat het, is Namibië toe (seker vir veral vleis- en visgeregte!), terwyl Swaziland (eSwatini) die meeste beet (meer as 1 200 ton) na dié koninkryk laat kom het.

Lesotho was die voorste invoerder van kool met meer as 6 000 ton.

Die meeste Suid-Afrikaanse wyn is na Brittanje (1 miljoen ton) uitgevoer, en Duitsland was ’n kortkop agter hom.

Lees die volledige verslag op Agri SA se webwerf by https://www.agrisa.co.za/ – Netwerk24



KASSIE

Droogte: Gauteng die beste daaraan toe

Gauteng – geografies die kleinste provinsie in Suid-Afrika – is die enigste wat tans stabiele landboutoestande ervaar.

So sê Agri SA in ’n verslag oor die stand van die Suid-Afrikaanse landbou wat Donderdag bekend gemaak is.

Luidens die verslag heers matige landboutoestande in Limpopo en Mpumalanga, en is toestande onder normaal in KwaZulu-Natal, die Oos-Kaap en die Wes-Kaap. In die Vrystaat, die Noord-Kaap en Noordwes is dit kritiek.

Die toestande in die Wes-Kaap, Limpopo en KwaZulu-Natal kan later vanjaar versleg.

Gauteng en Mpumalanga sal na verwagting later vanjaar stabiele toestande hê. – Netwerk24

Soortgelyk

 

Sesde vermeende renosterstroper vrygelaat

3 ure gelede | Howe

Die sesde beskuldigde in 'n renosterstroperysaak is vandag borgtog van N$6 000 in die landdroshof op Outjo toegestaan. Mnr. Rukeeveni Nguronda (34) en sy vyf...

Ter plaatse ondersoek na hout-oeste

3 ure gelede | Omgewing

Die parlementêre portefeuljekomitee belas met natuurlike hulpbronne het gister besoek aan drie Chinese houtdepots in die Kavango-Oosstreek by Kapupahidi, Taratara en Kawe afgelê. Dít glo...

Windhoek klop waterteikens

19 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

19 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

19 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

19 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

19 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

19 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

19 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...