Dié boere verdien nou meer uit YouTube as boerdery

So word dit gedoen

30 July 2019 | Landbou
Die tye is beslis besig om te verander: Boere kan meer geld uit die maak van video's oor boerdery op YouTube verdien as deur te boer.

Een só 'n boer is Zack Johnson, 'n Amerikaner wat met mielies en ­soja­bone boer en bekendheid op YouTube verwerf het onder die gebrui­kersnaam MN ­Millennial Farmer.

Johnson, van die Amerikaanse deelstaat Minnesota, sê hy verdien reeds vyf keer meer uit die maak van video's as wat die opbrengs van sy familieplaas oor die laaste jaar was.

Dié 34-jarige boer het drie jaar gelede begin video's maak waarin hy ander boere probeer bystaan deur veral te fokus op die tegnologie wat hulle kan gebruik.

Hy en sy vrou, Becky, het nou al sowat 300 000 intekenare op hul ­YouTube-kanaal. Daar is al meer as 50 miljoen keer na hul video's gekyk.

Dit is enersyds 'n aan­duiding van hoe moeilik dit is om steeds 'n bestaan uit boerdery te maak, maar ook hoe verbruikers se belangstelling in hoe kos geproduseer word, toegeneem het.

“Ja, ons gebruik geneties gemodifiseerde organismes, plaagdoders en besproeiingstelsels – maar hier is die ware rede oor waarom ons dit gebruik,” sê Johnson in 'n onderhoud.

Hy meen hy bring 'n balans tot die gesprek oor moderne boerderypraktyke wat gewoonlik deurloop onder kritiek.

Die Johnsons is geen­sins al boerderygesin wat 'n groeiende teenwoordigheid aanlyn het nie.

Onder afgeleë boerderygemeenskappe in Amerika is YouTube verre­weg die gewildste sosialemediaplatform.

In 2018 het die Pew-­navorsingsentrum bevind dat 59% van boere in dié gebiede dit gebruik.

Keith Good, sosiale­­me­dia­bestuurder by Farm­doc, 'n projek wat data oor bedreigings vir boere insamel, is dit eens dat al hoe meer boere video's maak en deel.

“Boerderyorganisasies en kommoditeitsgroepe moedig produsente aan om deel te neem aan die gesprek op sosiale media,” sê hy.

Suzanne Cook, beter bekend as WT Farm Girl, het byna 40 000 inteke­nare wat haar ervarings as eerstegenerasieboer aan­­lyn volg.

Cook (37), hoop dat meer vroue by boerdery betrokke sal raak. Baie van haar volgelinge leer nog oor die boerdery, nes sy. Net 10% van haar kykers is egter vroue, sê sy.

“As 'n vrou is dit baie moeiliker, want mans neem jou net nie ernstig op nie,” sê sy in 'n telefoniese onderhoud.

“YouTube het my baie gehelp, want my intekenare is ondersteunend.”

Josh Draper het nou meer as 220 000 intekenare nadat hy gewys het hoe hy as eerste­generasieboer 'n vervalle tabakplaas in 'n volwaardige beesplaas omskep het. Hy het besluit om te begin video's maak omdat “baie mense weer terugkeer na boerdery”.

Hy het 'n kamera aangeskaf en 'n video gemaak waarin hy sy grassnyer se lem slyp. Vandaar het sy gewildheid net toe­geneem.

Jach en Becky Johnson se video's is dikwels net die twee van hulle wat oor 'n bepaalde onderwerp gesels en só inligting aan hul kykers oordra.

– Bloomberg, bygewerk deur Netwerk24

Soortgelyk

 

Boete van N$100 000 vir ivoorsmokkelaar

11 ure gelede | Misdaad

'n Mosambiekse ivoorsmokkelaar, Bangorogile Motsokwe, is verlede Woensdag tot 'n boete van N$100 000 of tronkstraf van vier jaar gevonnis. Hy is skuldig bevind aan...

Britte se stem vandag is maak of breek vir...

13 ure gelede | Internasionaal

Die algemene verkiesing vandag in Brittanje baan die weg vir Brexit om deurgevoer te word. Dít is as Boris Johnson, premier en leier van die...

Shack Dwellers, NHAG to build houses at Rupara

1 dag gelede | Infrastruktuur

RUNDU – The Shack Dwellers Federation of Namibia and the Namibia Housing Action Group (NHAG) are going to construct 32 houses at Rupara settlement in...

Ministerie skors dokter ná skokkende bevalling

1 dag gelede | Plaaslik

Henriette Lamprecht Die dokter wat aan diens was tydens 'n normale bevalling in die Windhoek Sentrale ­Hospitaal toe 'n babadogtertjie onthoof is, is met onmiddellike...

Water-erosie dalk oorsaak van grondskeur

1 dag gelede | Plaaslik

Elvira HattinghDie skeur in die grond van sowat 20 km lank wat oos van Waterberg ná goeie reënneerslae verskyn het, is waarskynlik deur water-erosie veroorsaak....

Weer vir 12 Desember 2019

1 dag gelede | Weer

BINNELAND: Mooi weer en baie warm in die Suide. Elders sal dit gedeeltelik bewolk en baie warm tot bloedig warm wees.KUS: Gedeeltelik bewolk en...

Vyf damme nie meer dolleeg

1 dag gelede | Omgewing

Elvira Hattingh Vyf damme wat dolleeg was, het ná goeie neerslae verlede week water gekry. Dit beteken altesaam is daar nou 2,654 miljoen kubieke meter...

STEMFEITE: NOORDE EN NOORD-OOSTE

1 dag gelede | Politiek

Die infografiek wys in hoeveel van sy tradisionele vestings die regerende party 80%, 90% of meer van alle stemme verower het.

Moratorium op uitvoer van hout opgehef

1 dag gelede | Omgewing

Ronelle Rademeyer - Nagenoeg 100 000 stukke hout van bome wat wettig op plase in die twee Kavangostreke en Zambezi afgekap en opgesaag is, mag...