Deursigtigheid en aanspreeklikheid bring vertroue, sê Hage

Hoogtepunte gelys

07 December 2017 | Regering
Estelle de Bruyn

Tydens die afsluiting van vanjaar se kabinetsittings het pres. Hage Geingob opnuut op die belangrikheid van deursigtigheid en aanspreeklikheid gewys wat volgens hom saam tot vertroue lei.

Hy het kabinetslede aangeraai om gebruik te maak van ‘n welverdiende ruskans, maar ook die tyd te gebruik om hulle voor te berei vir volgende jaar. Kabinetslede is ook gemaan om op koers te bly wat die implementering van die ontwikkelingsagenda betref.

“Met die opening van die eerste kabinetsitting van 2017 het ek gesê ons het die verantwoordelikheid om nie ons mense te faal nie,” het Geingob gesê. Die kabinet moet verwagtinge nakom en die etos van harde werk omhels,” het hy gesê.

Die afgelope jaar is 21 beraadslagende kabinetsittings en 21 besluitnemingsvergaderings gehou waartydens 240 kabinetsbesluite geneem is.

Geingob het ‘n beroep op alle ministeries gedoen om kabinetbesluite te implementeer. “Ons vermoë om in eensgesindheid saam te werk, aangedrewe deur ‘n gemeenskaplike doelwit om die Namibiese Huis te ontwikkel, het bygedra tot die welslae wat ons in kabinetsittings behaal het,” het hy gesê.

Hy het ook gewys op verskillende sake waarmee die kabinet vanjaar gemoeid was.

HOOGTEPUNTE

Van die hoogtepunte was die aanvaarding van ‘n nasionale beleid op mededingendheid, die wet op openbare aanskaffing wat geïmplementeer is, klem is op entrepeneurskap en die ontwikkeling van ondernemings gelê en ‘n nasionale beleid vir prospektering en mynbou in beskermde gebiede is aanvaar.

‘n Inisiatief om agterstallige belasting te verhaal, is van stapel gestuur.

‘n Strategiese hersieningsverslag om zero-hongersnood te verseker, is aanvaar en die nasionale raad vir voedselveiligheid en voedingswaarde het herleef.

‘n Strategiese raamwerk vir vroeë kinderontwikkeling, ‘n beleid vir die kunste, kultuur en erfenis, ‘n hersiene nasionale beleid vir mens-dier-konflik en ‘n hersiene taalbeleid vir Namibiese skole is aanvaar.

“Het Namibië net ‘n Duitse kulturele erfenis? Waar is die ander, tale en kulture,” wou Geingob weet. Hy sê die internasionale gemeenskap moet Namibië krediet gee vir dit wat vir natuurbewaring in die land gedoen word. Die groot aantal olifante is ‘n getuigskrif hiervoor.

Die groot salarisrekening van die staat bly ‘n kopseer.

“Help ons asseblief om die salarisrekening te verklein. Ons moet ook kyk na waar geld gemors word. Kontrakte moet hersien word. As jy geld ontvang het voor die werk gedoen word, moet jy tog sekerlik die werk doen,” het hy gesê.

Hy het ook kapsie gemaak teen opgeblaasde pryse en het gesê ‘n einde moet aan korrupsie gemaak word.

“Hulle het hul bes probeer om te sê Hage is korrup. Ek is gewaarsku om nie my bates bekend te maak nie, want - het my kollegas gewaarsku - daar sou baie daaroor gepraat word. Tog het ek dit gedoen."

Vyf streekshospitale is as opleidingshospitale geakkrediteer.

‘n Beleid vir die gebruik van sosiale media, ‘n kommunikasieplan vir die regering en ‘n hersiene beleid vir inligtingtegnologie vir die staatsdiens is aanvaar, en aandele is in Mobile Communications Limited gekoop.

Namibië se konsepbeleid op internasionale betrekkinge en samewerking is vanjaar goedgekeur en verskeie verslae is ontvang van internasionale organisasies waaraan Namibië behoort.

Soortgelyk

 

Tweejarige bebloed in bosse ná verkragting

13 ure gelede | Misdaad

Denver Kisting - Toe die polisie en familie­lede gisteroggend op die erg beseerde dogtertjie (2) buite Outjo afkom, het sy ver­skriklik gebloei.Die vorige dag het...

Swakopmund se boeke duister

13 ure gelede | Regering

Denver Kisting - Die Swakopmund-munisipaliteit se bedryfsverlies het in een jaar met N$1,6 miljoen gestyg.Dít verteenwoordig 'n toename van nagenoeg 130%.Dié beroerde toedrag van sake...

'Ons sal lughawe se beeld, integriteit red'

13 ure gelede | Vervoer

Ronelle Rademeyer - Die nuwe voorsitter van die Namibië Lughawensmaatskappy (NAC) se direksie, dr. Leake Hangala, is vasbeslote om “die beeld en integriteit” van die...

Weer vir 18 Oktober 2018

13 ure gelede | Weer

BINNELAND: Gedeeltelik bewolk en baie warm in die Zambezi met enkele buie. Elders sal dit sonnig en baie tot bloedig warm wees. ...

Orka-walvisse in Lüderitz

13 ure gelede | Omgewing

Tanja Bause - Die kusdorp Lüderitz is Dinsdag deur twee orka- of moordwalvisse begroet. Volgens die Facbook-blad “Lüderitz Marine Research” is die twee walvisse aanvanklik...

‘Slimmer’ Namibië ná 2020

13 ure gelede | Tegnologie

Elvira Hattingh - 5G sal na verwagting ná 2020 in Namibië bekend gestel word, mits kerninfrastruktuur soos optiese vesel (FTTx) of hoëkapasiteit-radiotransmissieskakels aangebring kan...

Twee bly agter tralies ná Aussenkehr-moord

13 ure gelede | Misdaad

'n Man en vrou het Dinsdag in die Karasburg-landdroshof verskyn in verband met die moord op 'n 32-jarige vrou, me. Patricia Madyumo, wie se halfnaakte...

Vyf Namibiërs vas in Suid-Afrika

13 ure gelede | Misdaad

Francoise Steynberg - Vyf Namibiërs wat glo mense wat goedere op OLX geadverteer het, ontvoer en afgepers het, is verlede Donderdag in Vereeniging in Suid-Afrika...

Goud-ogie help ander oorleef

13 ure gelede | Omgewing

Elvira Hattingh - Skaars 'n jaar nadat Nami­biese wetenskaplikes 'n studie oor goud-ogies begin het, kon hulle reeds enkele splinter­nuwe spesies ontdek. “Ons weet dat...