Desperate pogings in Israel om premier te ontsetel

“Baie hindernisse” lê nog voor

02 June 2021 | Internasionaal
Benjamin Netanyahu, premier van Israel, se teenstanders het Maandag steeds probeer om ’n koalisie te vorm om hom uit die kussings te lig.

Politieke ontleders is egter van mening dat ’n bitter stryd voorlê.

Netanyahu se mededingers is in so ’n mate daartoe verbind om hom te verslaan dat hulle oor ideologiese grense heen wil beweeg om bondgenote te vind.

Yair Lapid, leier van die sentristiese (gematigde) opposisieparty Yesh Atid, het die steun van Naftali Bennett, ’n ultranasionalistiese politikus, gekry vir ’n “verandering” in regering. Ingevolge hierdie ooreenkoms sal Bennett en Lapid om die beurt as premier diens doen. Die ooreenkoms moet teen middernag Woensdag gefinaliseer word.

Netanyahu (71) is die dominante politieke figuur van sy generasie en sy uitdagers het min gemeen, behalwe vir ’n drang om uit sy skaduwee te beweeg.

’n Week van nou af sal die staat van Israel in ’n nuwe era wees. Skielik sal dit stiller wees. Ministers sal gaan werk sonder om aan te hits en te lieg.

Volgens Netanyahu is Bennett en Lapid besig om die “bedrog van die eeu” te pleeg deur teen hom saam te span. Hy hou vol hul plan stel Israel in gevaar.

Lapid se reaksie was ingetoë.

“’n Week van nou af sal die staat van Israel in ’n nuwe era wees. Skielik sal dit stiller wees. Ministers sal gaan werk sonder om aan te hits en te lieg,” het hy in ’n televisie-uitsending gesê.

Hy het egter ook gewaarsku dat daar steeds “baie hindernisse” is voordat ’n regering gevorm kan word.

Daar is ook ander klippe in Netanyahu se pad, waarvan die grootste ’n korrupsieverhoor is. Hy ontken alle aantygings teen hom.

Daar moet egter genoem word dat Netanyahu, leier van die Likud-party, ’n politieke hardebaard is. Hy is in 1996 vir die eerste keer as premier verkies, het in 2009 tot die pos teruggekeer en klou nou al langer as ’n dekade aan die amp.

Indien Bennett en Lapid Woensdag se spertyd misloop, kan die parlement ’n kandidaat kies om ’n nuwe koalisie te vorm. Indien dit in die hek duik, sal Israel ’n vyfde verkiesing hou.

Die twee ideologies uiteenlopende bondgenote het wel raakpunte wat hul beleid betref. Bennett, voormalige minister van verdediging, en Lapid, voormalige finansminister, wil albei in die onderwys en gesondheid belê.

Die nuwe koalisie sal egter beteken dat ’n dooiepunt oor die Israeli-Palestynse konflik bereik sal word, aangesien daar ’n merkbare verskil in beleid tussen die twee is.

Bennett is ten gunste daarvan dat Israel gedeeltes van die Wesoewer annekseer, terwyl sy linksgesinde bondgenote in die koalisie sal argumenteer dat grondgebied aan die Palestyne afgestaan moet word. – Netwerk24/Reuters

Soortgelyk

 

Vier sterftes, 25 nuwe gevalle

8 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

12 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

13 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

13 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

14 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...