Desember is hier

03 December 2019 | Rubrieke
Dit is weer Desember.

‘Kê Desember,’ sê van die mense. Ander noem dit Vakansietyd, Kersseisoen of Die Groot Dae. Namibië in Desember is ’n ervaring.

Hier is 'n paar wenke, uit eie ervaring, vir diegene wat in die tyd weggaan én die wat tuisbly.

Ry vroeg: Beplan en reël enige reise vroegtydig voor jy dit aanpak. Maak seker van alles, soos die roete, afstande en die tye wat 'n groot verskil kan maak. Maak seker die tasse is stewig ingepak, die voertuig gediens, sy bande in orde, die water en olie gemeet, en die lisensie op datum. Staan vroeg op en vertrek sodra die son opkom. Vir die langpad stel ek voor dat jy genoeg kos inpak vir gereelde pieknieks. Geniet dit en die natuurskoon van ons land daar waar jy aansit by die bekende tafels en stoeltjies langs die pad. Stop gereeld en rek die bene. Hou by die spoedbeperkings en moenie dat enige iets of iemand jou druk om te jaag nie.

Tref maatreëls: Neem stappe om die veiligheid van jou huis en eiendom in jou afwesigheid te verseker. Vra die tuisbly-bure om ’n ogie te hou. Lig die stadspolisie in en vra vriende om nou en dan ’n draai daar te maak. Tref voorsorg vir diere wat moet tuisbly. Sluit toe en sit af. Moenie vakansie- en reisplanne op sosiale media aankondig nie. As vriende moet weet, bel hulle. Foto’s van alle die wonderlike vakansiedinge sal steeds volgende maand ‘likes’ ontvang. Leef in die Nou en geniet waar jy is.

Hou kop: Feesvier en lekker tye laat 'n mens soms sinneloos en onverantwoordelik optree. Moenie. Iemand bel baie vinnig die polisie. Onthou: Die meeste van ons kan nie bekostig om ’n regter in te roep en die hof op ’n Sondag oop te sluit nie. Oortreders in dié land word tradisioneel oor vakansietye langer laat sit. Die verkiesing is nou verby en die gewoel daartydens is oor. (Dit word vervang deur die waansin van Desember.)

Geniet die verlatenheid: Vir dié wat nie weggaan nie, is die einde van die jaar ’n besonderse tyd van vrede. Die strate raak leeg. Die winkels maak toe. Amptenare gaan weg en kantore sluit. Vat dit stadig. Sit 'n bietjie langer. Moet nooit haastig braai nie, wees geduldig. Eet stadig. Soen met mening. Gee stywe drukkies. Luister tot die einde. Lag tot jou maag nie meer kan nie. Glimlag heeldag lank.

Vanjaar was lánk. Daar was moeilike tye. Daar was drama. Daar was teleurstellings. Daar was hartseer. Jy is daardeur. Jy verdien ’n blaaskans. Geniet dit.

Merry Christmas en voorspoed vir die nuwe jaar.

Soortgelyk

 

69 nuwe gevalle stoot bevestigde gevalle op tot 1...

9 ure gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

1 dag gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

2 dae gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

2 dae gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

2 dae gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

2 dae gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

2 dae gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

2 dae gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....