Derde sê nee vir Psemas

Administrateur bevestig stadige uitbetaling

26 April 2019 | Gesondheid
Henriette Lamprecht - Standaardtariewe wat vir private verskaffers van gesondheidsdienste onvolhoubaar is, verskaffers wat meer as twee maande en langer vir betaling moet wag en die ministerie van finansies se “afskuwelike diens” hou “dreigende, ernstige gevolge” vir pasiënte van die staat se mediese fonds (Psemas) in.

Volgens ‘n opname deur die Namibiese Private Praktisynsforum (NPPF) gaan ‘n derde van respondente nie meer Psemas-pasiënte behandel nie.

Dié wat by Psemas ingekontrakteer is, gaan hul blootstelling aan die mediese fonds en sy pasiënte boonop al meer verminder.

“Psemas-pasiënte gaan toenemend tweedehandse pasiënte word soos diensverskaffers al hoe meer verkies om private pasiënte eerste te behandel in ‘n poging om hul praktyke volhoubaar te hou,” sê mnr. Eben de Klerk van ISG Risk Services, wat die opname namens die NPPF gedoen het.

Selfs al word lidmaatskaptariewe verdubbel, sal die belastingbetaler steeds minstens twee derdes van staatsamptenare se mediese uitgawes dek, sê hy.

Volgens hom is Psemas nie volhoubaar wat koste betref nie.

“‘n Konvensionele mediese fonds kan slegs eise uitbetaal tot op die totale bedrag van bydraes wat ontvang is, terwyl Psemas-bydraes slegs tot 18% dek van die eise wat betaal is. Die res van die eise (82% van die totale eise) word direk uit belastinginkomste verhaal.”

Die NPPF-opname is onder 1 017 private verskaffers gedoen, waarvan 361 die opname voltooi het.

Hiervan het 80% kontrakte met Psemas gehad en het 88% gevoel die huidige tariewe (die Vereniging vir Namibiese Mediese Fondse, Namaf, se 2014-standaardtariewe) is onvoldoende om ‘n private praktyk te onderhou.

Byna 30% van die respondente het aangedui hulle gaan nie aanstaande jaar as Psemas-verskaffers registreer nie.

Twee derdes bestempel die 60 dae-betaaltydperk as “uiters onregverdig”, terwyl die helfte sê Psemas betaal selde indien ooit in die ooreengekome 60 dae-tydperk.

Verskaffers het tot dusver nog geen bevestiging van die hernuwing van hul kontrakte ontvang nie, hoewel Psemas-kontrakte op 30 April verstryk.

Gerugte doen die ronde dat die huidige kontrakte tot Junie verleng kan word, of selfs tot aanstaande jaar, met geen amptelike kommunikasie van Psemas hieroor nie.

“Dit lei tot groot frustrasie van dié private diensverskaffers wat steeds gewillig is om Psemas-pasiënte te behandel.”

Navrae aan die administrateur, Methealth, bevestig die bottelnek met uitbetalings word veroorsaak omdat Psemas betalings dikwels nie betyds aan Methealth beskikbaar maak nie.

“Omdat Psemas betalings vertraag, moet verskaffers dikwels van kredietgeriewe gebruik maak waarop hulle rente en administratiewe koste betaal. Dit stel verskaffers aan beduidende finansiële en vooortdurende druk bloot.”

Tans betaal Psemas N$281,39 per standaardkonsultasie by ‘n dokter. Suid-Afrika se mediese fonds vir staatsamptenare (GEMS) betaal volgens De Klerk 32% meer as Psemas teen R370,90 per konsultasie.

Volgens ‘n 2014-kostestudie deur Healthman (Pty) Ltd., wat by jaarlikse inflasie in Namibië aangepas is en veel laer as mediese inflasie is, verdien ‘n staatsdokter sowat 40% meer (die ekwivalent van R395,20) as wat ‘n private verskaffer op die huidige Psemas-tarief verdien, sê De Klerk.

“Private mediese fondse wat Namaf se 2019-standaardtarief volg, betaal 46% meer as Psemas, teen N$411,20 per konsultasie.”

Volgens die Healthman-kostestudie, wat aangepas is by jaarlikse inflasie, behoort ‘n dokter in die private sektor ten minste N$587,69 per konsultasie te verdien om volhoubaar te wees.

“Dit is 109% meer as wat Psemas tans betaal, en in 2014 was die verskil 50%.”

[email protected]

Soortgelyk

 

Hof: Minister skuldig aan korrupsie

13 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

13 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

13 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

13 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

13 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

13 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

13 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

13 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

13 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...