De Bruyn streef steeds hoër

Tielman van Lill – Met die sewende T20 Wêreldbeker wat oor skaars ses maande in Indië of die Verenigde Arabiese Emirate aangebied gaan word, het die Namibiese Eagles onlangs vriend en vyand met hul vernuf verras.Die Eagles se laaste ordentlike teenstand voor die afgelope besoek van die Ontluikende Suid-Afrikaanse span was verlede jaar Februarie teen die Ierse A-span (die Wolwe) in Suid-Afrika. Maar die spelers het hul roes met harde werk teen die Ugandese Kraanvoëls afgeskud en toe die groen Proteas volstoom gepak.Pierre de Bruyn, hoofafrigter van die Eagles, is ingenome met sy spelers, maar sê nog meer harde werk lê vir hulle voor.“Wat ek met die Suid-Afrikaners se besoek wou gehad het, is hoogs kompeterende en gehalte krieket om die Eagles in elke aspek van die spel vir so lank en hard as moontlik te toets.“Die meerderheid wedstryde se uitslag is eers in die doodsnikke bepaal en dit het gehelp om ons spelers in daai tweestryde te meet en enduit te laat baklei sonder om konsentrasie te verloor of moed op te gee.“Ek is baie trots op die ouens, hoe hulle die druk verwerk en aangehou het deur die druk om terug te kom. Veral die laaste eendagwedstryd was 'n fantastiese toets vir ons spelers se karakter om kop te hou.“Elke speler het die kans gehad om tot die span se sukses by te dra en hulle het dit gedoen. Ruben (Trumpelmann) was deur die hele toer fantasties en Craig (Williams) het gewys hoe 'n gehalte speler hy steeds is.“Ons sal by die Wêreldbeker vir niemand terugstaan nie. Vir 'n span om op dié wyse op 'n uitdaging te reageer, is ongelooflik. Onthou, al daai Suid-Afrikaners wat hier was, kom pas uit 'n hoogs kompeterende seisoen en ons spelers het vir 14 maande geen kompetisie hoër as klubvlak gehad nie. Dit is vir my 'n baie groot pluspunt om ná so 'n lang periode weer die Eagles in aksie te sien en dit maak my baie opgewonde. “Ons sal nog heelwat van hierdie tipe kompetisie voor die Wêreldbeker moet hê en ek dink ons sal net beter word. Die energie, positiewe ingesteldheid, moed en deursettingsvermoë waarvoor die Eagles staan, het hulle gewys.“Ons het die afgelope 14 maande baie hard agter geslote deure gewerk en die resultaat spreek vanself. Daar lê nog baie voorbereiding vir ons voor alvorens ons na die Wêreldbeker kan vertrek. Ons het 'n standard daargestel waarop ons moet verbeter. Daar is geen manier dat ons nou houtgerus kan terugsit nie. Nou is dit skouer aan die wiel.“Ek as afrigter is baie tevrede ná die SA toer en baie opgewonde oor die Eagles se pad vorentoe,” het De Bruyn aan Republikein vertel.Die Eagles-spelers se beste statistiek in die Castle Lite T20-reeks teen die Ontluikende Suid-Afrikaanse span:KOLWERSJJ Smit in drie kolfbeurte: (8 lopies van 4 balle, 1x6), (103* van 45, 3x4, 10x6), (37 van 15 b, 2x4, 3x6). Totaal 148 lopies, kolftempo 231.25 persent.Gerhard Erasmus in drie: (13 van 15 b, 1x4), (38 van 34 b, 3x4, 2x6), (39 van 27 b, 2x4, 2x6). Totaal 90 (118.42%).Zane Green in drie: (18 van 10 b, 4x4), (5 van 5 b 1x4), (63 van 38 b, 6x4, 3x6). Totaal 83 (156.60%).JP Kotze in drie: (20 van 16 b, 3x4, 1x6), (15 van 12 b, 1x6), (28 van 20 b, 2x6). Totaal 63 (131.25%).Craig Williams in een: (56 van 54 b, 5x4, 2x6) (103.70%).BOULERSRuben Trumpelmann in drie wedstryde: 1 (2/22 in 3 boulbeurte), 2 (1/33 in 4), 3 (1/12 in 3). Totaal 4/67 teen gemiddeld 6.70 lopies per boulbeurt.Nicol Loftie-Eaton in drie: (1/19 in 2), (0/6 in 2), (2/8 in 1.2). Totaal 3/33 teen 6.34.Jan Frylinck in twee: (1/35 in 4), (2/11 in 2). Totaal 3/46 teen 7.66.Michael van Lingen in twee: (0/23 in 2), (2/6 in 1). Totaal 2/29 teen 9.66.JJ Smit in drie: (1/28 in 3), (0/36 in 3), (1/39 in 3). Totaal 2/103 teen 11.44.Bernard Scholtz in drie: (0/21 in 4), (0/5 in 1), (0/36 in 3). Totaal 0/62 teen 7.75.Ben Shikongo in 2: (0/20 in 2), (0/30 in 2). Totaal 0/50 teen 12.50.MEESTE LOPIES (T20- ÉN EENDAGREEKS)1 Smit: 247 lopies in ses kolfbeurte (154 balle, treftempo 160.38 %), gemiddeld 41.16 (12x4 + 18x6 = 156).2 Williams: 246 in vier (263 b, 106.91%) 61.5 (14x4 + 13x6 = 134).3 Erasmus: 222 in ses (208 b, 106.73%) 37 (18x4 + 8x6 = 120).4 Green: 154 in ses (152 b, 101.31%) 25.66 (20x4 + 5x6 = 110).5 Kotzé: 87 in vyf (77 b, 112.98%) 17.4 (8x4 + 4x6 = 56).6 Stephen Baard: 82 in drie (99 b, 82.82%) 27.33 (11x4 + 2x6 = 56).7 Loftie-Eaton: 78 in ses (70 b, 111.42%) 13 (6x4 + 4x6 = 48).8 Trumpelmann: 39 in twee (51 b, 76.47%) 19.5 (4x4 + 1x6 = 22).9 Frylinck: 29 in drie (15 b, 193.33%) 9.66 (1x4 + 3x6 = 22).MEESTE PAALTJIES (T20- EN EENDAGREEKS)Loftie-Eaton: 9/136 (27.5 boulbeurte, ekonomie 4.94)Frylinck: 8/207 (33.5 bb, 6.17)Trumpelmann: 7/196 (38 bb, 5.15)Smit: 6/222 (32 bb, 6.93)Scholtz: 3/139 (28 bb, 4.96)FOTO’sJJ Smit vier sy onvergeetlike T20-honderdtal teen die SA toerspan. Foto Batch Loftie-EatonDie Namibiese Eagles se afrigter Pierre de Bruyn, met kaptein Gerhard Erasmus agter hom. Foto Batch Loftie-EatonZane Green erken die applous vir ’n vyftigtal teen die SA toerspan. Foto Batch Loftie-Eaton

De Bruyn streef steeds hoër

Kommentaar

Republikein 2026-06-10

Meld asseblief aan om kommentaar te lewer

De Bruyn streef steeds hoër

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.