DBV verwyder mishandelde diere

Skenkings gevra

05 February 2019 | Misdaad
Mariselle Stofberg



Die Dierebeskermingsvereniging (DBV) het Vrydag mishandelde en verwaarloosde vee wat uit die sorg van hul eienaar verwyder is, na 'n veilige hawe verskuif.

'n Tussentydse hofbevel, wat verlede Woensdag in die Windhoek-hoërhof toegestaan is, het dit vir die DBV moontlik gemaak om 60 verhongerde beeste en vier mishandelde en verwaarloosde perde uit hul eienaar, mnr. Sinclair Aspara, se besit te neem.

Hierdie diere is op 'n kleinhoewe naby Bodenhausen oos van Windhoek sonder enige toegang tot water en geen skuiling teen die hitte en son aangehou, en moes ook met min tot geen voer oorleef.

Me. Hannah Rhodin, hoofbestuurder van Windhoek se DBV, het aan Republikein bevestig die diere is suksesvol na twee verskillende plekke geneem.

“By die eerste plek is al die diere deur ons veearts, dr. Arnold Olivier, ondersoek. Almal was in 'n kritieke toestand, en die pad na herstel gaan lank wees,” sê Rhodin.

Die tweede plek is waar die vee tydelik aangehou sal word totdat vasgestel kan word of die tussentydse hofbevel permanent van krag sal wees. Dit sal op 14 Februarie beslis word.

Die Namibiese polisie, Windhoek se DBV en DBV Namibië het die diere saam met personeel en die DBV se ­inspekteur na dié twee plekke ver­skuif.

Vir die veiligheid van die diere word die spesifieke plek waar die diere tans aangehou word, nie bekend gemaak nie.

“Die plek waar die diere tans aangehou word, het genoegsame weiding, maar die diere sal aanvullende voeding ook benodig. Hierdie getal diere is bo die normale kapasiteit van die DBV, en daarom wil ons graag 'n beroep op die gemeenskap doen om hierdie diere te help,” sê Rhodin.

Die DBV is dringend op soek na gras/lusern, lusernblokkies, Voermeester 8 mm, Rumen Optimizer, ­Enerfeed, Perde Meusli (10%) en voer­vate. Enige geldelike bydraes sal ook welkom wees.

Die strafsaak van dieremishandeling teen Aspara word steeds ondersoek.

Soortgelyk

 

‘Aarde lag deur haar gebarste gesig’

12 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

12 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...