Damaraland eens met ys bedek

Buitengewone ontdekking

07 February 2019 | Omgewing
Elvira Hattingh - Geoloë het onlangs op onverwagte en baie ongewone landskapformasies naby Twyfelfontein in die Kunenestreek afgekom, wat beteken dié gebied was sowat 300 miljoen jaar gelede deur gletsers bedek.

Die geoloë mnr. Graham Andrews en me. Sarah Brown, van die West Virginia-universiteit, het vulkaniese rotse in Damaraland bestudeer, toe hulle ‘n reeks kenmerkende formasies ontdek, wat nog nêrens aangeteken is nie.

Dié wetenskaplikes het kenmerkende koppies geïdentifiseer, wat slegs deur ysgletsers gevorm word.

Die koppies word gekenmerk deur eienskappe soos ’n steil helling aan die een kant en ‘n gematigde helling aan die ander kant.

Dit word dikwels in groepe gevind met “sterte” wat almal in dieselfde rigting wys – ‘n aanduiding van die rigting waarin die oer-ysgletsers beweeg het.

Die formasies skep gewoonlik ‘n growwe landskap, wat dit maklik maak om te identifiseer.

Dit is algemeen in Noord-Amerika, asook die noordelike dele van Europa, en is tot dusver meestal in Kanada, die noordelike dele van Amerika, Engeland, Ierland, Skotland, Swede, Duitsland, Finland en Groenland gevind.

Dit maak dié ontdekking in Namibië buitengewoon.

Die geoloë het verder van Google Earth en Google Maps gebruik gemaak om die hoogte en lengte van die strukture te meet, en ontdek dit is tussen 0,1 km tot 1,5 km lank.

Hulle het ook groot groewe in hierdie koppies ontdek, wat ‘n aanduiding is dat die ysgletsers vinnig bo-oor die formasies moes geskuif het sodat dit uitgekerf kon word.

Die slotsom is dat ‘n vinnig vloeiende stroom ys, wat in ‘n noordwestelike rigting beweeg het, miljoene jare gelede in die gebied teenwoordig was.

Toe was Namibië nog iewers naby die suidpool geleë.

Dit het glo ‘n oer-ysplaat gedreineer, wat binne die Huabriviervallei in die huidige Kaokoveld geleë was. Die ysstroom kan glo vergelyk word met ysstrome in die hedendaagse Antarktika.

Ysstrome, verduidelik die wetenskaplikes, is kanale wat met ys gevul is en vinniger vloei as die omliggende ysplaat. Dit vorm die hoof-“are” vir die vloei van ys van ‘n ysplaat se kern af na sy buitenste rante.

Dit lyk ook of ‘n stroom ys verantwoordelik is vir soortgelyke formasies in suidelike Brasilië, wat sowat 300 miljoen jaar gelede met Namibië verbind moes gewees het.

Dié navorsing is op 30 Januarie in die wetenskapjoernaal PLOS One onder die titel “First description of subglacial megalineations from the late Paleozoic ice age in southern Africa” gepubliseer.

Soortgelyk

 

Windhoek klop waterteikens

4 ure gelede | Plaaslik

font face="Verdana" >Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me....

Kalahariwoestyn keer terug

4 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

4 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

4 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

4 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

4 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

4 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

4 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

'Elke druppel tel'

4 ure gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...