D-dag vir antwoorde oor toerisme se Kora-miljoene

Belastingbetalers dok N$30 miljoen op

30 April 2021 | Howe
Ellanie Smit – 'n Regstryd oor miljoene dollars wat verlore gegaan het weens 'n mislukte musiektoekenningsaand sal uiteindelik volgende week in die hof draai.

Die saak tussen die Namibiese Toerismeraad (NTB) en Mundial Telecom Sarl aangaande die Kora-musiektoekennings, wat al sedert 2016 beplan word, dien van Maandag af in die Windhoekse hoërhof.

Volgens die jongste hofbevel – wat op 12 April uitgereik is ná die voorverhoorverrigtinge – het die partye bevestig die saak is “gereed vir verhoor”, en NTB sal met die verrigtinge begin.

Regter Herman Oosthuizen sal die hofverrigtinge behartig.

NTB het Mundial Telecom Sarl en mnr. Ernest Adjovi, die eienaar van die Kora-handelsmerk, en mnr. Tonata Shiimi in September 2016 vir N$23,5 miljoen – plus 20% rente – gedagvaar. Dit is die bedrag wat hulle betaal het vir 'n “Platinum Toerismepakket” wat hulle nooit ontvang het nie.

Dié pakket moes verseker dat promosie-inhoud oor Namibië tydens die toekenningsgeleentheid oor Afrika uitgesaai word.

Mundial besit die regte om die Kora-toekennings aan te bied, terwyl Adjovi as president van die maatskappy opgetree het en Shiimi die nasionale direkteur van die toekennings was.



VERDAG

Die saak sou in 2019 voor die hof gedien het, maar is uitgestel totdat die NTB se verteenwoordigende prokureur, mnr. Kaijata Kangueehi, se ampstermyn as waarnemende regter geëindig het.

Die saak sou skielik agter geslote deure plaasvind en alle ­dokumentasie rakende die hofsaak is destyds ook van die regstelsel verwyder.

Onder dié dokumente, wat later weer geplaas is, was 'n beëdigde verklaring deur Adjovi wat president Hage Geingob in die middel van die ondertekening van ooreenkomste geplaas het om die toekennings na Namibië te bring.

Adjovi het ook die sluier gelig oor sy vriendskap met Geingob wat glo daartoe gelei het dat die ooreenkomste onderteken is.

Die president het dié aantygings ontken.



SHANGHALA OOK BETROKKE

Intussen het dit aan die lig gekom die voormalige prokureur-generaal, mnr. Sacky Shanghala, was betrokke by die verwydering van voorwaardes in die Kora-ooreenkoms wat sou gekeer het dat die regering N$23 miljoen in die skandaal verloor.

Dokumente het getoon dat Shanghala opskortende voorwaardes uit die ooreenkoms tussen NTB en Mundial verwyder het.

Weens die voorwaardes wat ver­wyder is, was die ooreenkoms ­onderhewig aan die nakoming van dié voorwaardes.

Die Kora-toekennings sou aanvanklik op 13 Desember 2015 plaasvind, maar is uitgestel.

Volgens 'n kontrak wat op 4 Desember 2015 onderteken is, moes die NTB N$23,5 miljoen vóór of op 10 Desember 2015 betaal.

Uit hofstukke blyk dit die eerste ­betaling van N$5 miljoen is op 22 Desember 2015 gemaak en die tweede – van nóg N$5 miljoen – op 23 Desember 2015.

Op 7 Januarie 2016 is 'n verdere N$5 miljoen oorbetaal en N$8,5 miljoen op 17 Februarie 2016.

Die geld is in Mundial se bankrekening in Abidjan in die Ivoorkus betaal.

Die laaste betaling is ongeveer 'n maand voor die toekenningsgeleentheid gemaak, terwyl die beloofde promosiepakket op 20 Januarie 2016 op alle betrokke Afrika-televisiestasies uitgesaai sou word.

[email protected]



FOTO
Die stigter van die Kora-musiektoekennings, mnr. Ernest Adjovi. Foto Argief

Soortgelyk

 

Pastoor verkrag glo tienerseuns

9 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

9 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

9 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

9 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

9 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

9 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

9 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

9 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

9 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...