Cyril in die binnebaan
Benoemings uit Zuma-gesinde takke vir die presidentspos sloer.
’n Krisis dreig vyf weke voor die Suid-Afrikaanse regerende party se leiersberaad omdat van die grootste Zuma-gesinde ANC-takke sukkel om hul kandidaat, dr. Nkosazana Dlamini-Zuma, wettig vir die presidentspos te benoem.
Ontleders het Saterdag gewaarsku dat die probleme in die NDZ-kamp die benoemingsproses vir die nuwe partyleiers, wat Woensdag voltooi moet wees, kan laat ontspoor te midde van sterk aanduidings dat adj.pres. Cyril Ramaphosa voorloop.
Gwede Mantashe, ANC-sekretaris-generaal, het gister gesê net 60% van die takvergaderings is klaar.
Twee uit vyf takke moet dus voor Woensdag hul benoemings doen. Sekeres sal tot Sondag 19 November grasie kry, het Mantashe in Irene buite Pretoria gesê waar die ANC ’n spesiale vergadering van die nasionale uitvoerende komitee (NUK) hou.
Volgens Mantashe het drie provinsies reeds 90%, 76% en 71% van hul benoemingsvergaderings gehou.
Dit is waarskynlik die kleiner provinsies wat Ramaphosa steun.
Die provinsie met die laagste benoemingsyfer – 29% – is vermoedelik Noordwes, waar slegs 24% van takke teen verlede week hul vergaderings gehou het, het China Dodovu, oud-adjunkvoorsitter in dié provinsie, gesê.
Die grootste takke in Mpumalanga, die Vrystaat en Noordwes, waarvan sommige meer as 1 000 lede het, sukkel glo om 50% van ingeskrewe lede bymekaar te kry vir die benoemingsvergadering ten einde ’n kworum te kry.
Dít kan wees omdat baie pro-Zuma-takke met die oog op die Desember-verkiesing massas lede gewerf het wat nie werklik by takaktiwiteite betrokke is nie.
Hoe meer lede, hoe meer afgevaardigdes kan ’n tak na die Desember-beraad stuur.
KLAGTES OOR MANIPULASIE
Tientalle klagtes oor manipulasie van benoemingsvergaderings en pogings tot kiesbedrog is reeds aangemeld by Mantashe se kantoor.
Mantashe, wat die kandidatuur van Ramaphosa steun, speel ’n sentrale rol in die administrasie van die Desember-verkiesing. Talle lede van die NUK is ontplooi om die klagtes te hanteer, het Mantashe gesê.
Die krisis in die benoemingsproses was die naweek hoog op die agenda by die NUK-vergadering. Van die probleme sluit in:
- In KZN is tussen 30 en 80 klagtes oor benoemings ingedien ná die eerste twee ronde takvergaderings.- Die tak van dr. Zweli Mkhize in Pietermaritzburg het ’n geskil aangeteken nadat hy en sy vrou se name van die ledelys verwyder is. Mkhize, die ANC se tesourier-generaal, ding ook om die partyleierskap mee.- Dodovu bevraagteken die getal Vrystaatse afgevaardigdes, wat gestyg het van 234 in 2012 tot 409 vanjaar.- In Noordwes het die getalle eweneens van 324 tot 538 opgeskiet.
“Ek salueer egter die NUK en die kantoor van die sekretaris-generaal vir die waterdigte riglyne wat dit moeilik gaan maak om die party se verkiesingsproses te manipuleer.”
Takke moet byvoorbeeld data byhou van hul benoemings en die name na ’n nasionale kieskommissie bestaande uit veterane stuur.
Die benoemingsproses, wat lederegisters insluit, sal ook nog geverifieer word, het Mantashe gesê.
Die konferensie, wat beplan word vir 16 tot 20 Desember in Gauteng, sal net voortgaan indien minstens 70% van afgevaardigdes teenwoordig is.
Theo Venter, politieke ontleder aan die Noordwes-Universiteit, het gesê daar is groot teenstrydighede tussen die getal munisipale wyke in ’n provinsie soos Mpumalanga en die hoeveelheid ANC-takke.
Mpumalanga het in 2016 minder munisipale wyke as in 2011 gehad.
“Maar hul verteenwoordiging na die konferensie het byna verdubbel.
“Mpumalanga (736 afgevaardigdes) behoort ingevolge sy bevolkingsgrootte tussen Limpopo (643) en Noordwes (538) te wees.”
Melanie Verwoerd, politieke ontleder en oud-ANC-LP, sê as die premiersliga-provinsies nie hul vergaderings teen die spertyd kan afhandel nie, sal dit Ramaphosa se kanse dramaties verbeter.
Dit kan egter ook lei tot ’n uitgestelde of ontwrigte konferensie.
“As dit voortgaan ondanks die afwesigheid van dié takke, en Ramaphosa wen, sal dit lei tot verdere onenigheid in die party en moontlik regstappe.”
Ramaphosa word sterk gesteun in Limpopo, die Oos-, Wes- en Noord-Kaap, en Gauteng.
KwaZulu-Natal is tans Dlamini-Zuma se sterkste provinsie. - Netwerk24
Ontleders het Saterdag gewaarsku dat die probleme in die NDZ-kamp die benoemingsproses vir die nuwe partyleiers, wat Woensdag voltooi moet wees, kan laat ontspoor te midde van sterk aanduidings dat adj.pres. Cyril Ramaphosa voorloop.
Gwede Mantashe, ANC-sekretaris-generaal, het gister gesê net 60% van die takvergaderings is klaar.
Twee uit vyf takke moet dus voor Woensdag hul benoemings doen. Sekeres sal tot Sondag 19 November grasie kry, het Mantashe in Irene buite Pretoria gesê waar die ANC ’n spesiale vergadering van die nasionale uitvoerende komitee (NUK) hou.
Volgens Mantashe het drie provinsies reeds 90%, 76% en 71% van hul benoemingsvergaderings gehou.
Dit is waarskynlik die kleiner provinsies wat Ramaphosa steun.
Die provinsie met die laagste benoemingsyfer – 29% – is vermoedelik Noordwes, waar slegs 24% van takke teen verlede week hul vergaderings gehou het, het China Dodovu, oud-adjunkvoorsitter in dié provinsie, gesê.
Die grootste takke in Mpumalanga, die Vrystaat en Noordwes, waarvan sommige meer as 1 000 lede het, sukkel glo om 50% van ingeskrewe lede bymekaar te kry vir die benoemingsvergadering ten einde ’n kworum te kry.
Dít kan wees omdat baie pro-Zuma-takke met die oog op die Desember-verkiesing massas lede gewerf het wat nie werklik by takaktiwiteite betrokke is nie.
Hoe meer lede, hoe meer afgevaardigdes kan ’n tak na die Desember-beraad stuur.
KLAGTES OOR MANIPULASIE
Tientalle klagtes oor manipulasie van benoemingsvergaderings en pogings tot kiesbedrog is reeds aangemeld by Mantashe se kantoor.
Mantashe, wat die kandidatuur van Ramaphosa steun, speel ’n sentrale rol in die administrasie van die Desember-verkiesing. Talle lede van die NUK is ontplooi om die klagtes te hanteer, het Mantashe gesê.
Die krisis in die benoemingsproses was die naweek hoog op die agenda by die NUK-vergadering. Van die probleme sluit in:
- In KZN is tussen 30 en 80 klagtes oor benoemings ingedien ná die eerste twee ronde takvergaderings.- Die tak van dr. Zweli Mkhize in Pietermaritzburg het ’n geskil aangeteken nadat hy en sy vrou se name van die ledelys verwyder is. Mkhize, die ANC se tesourier-generaal, ding ook om die partyleierskap mee.- Dodovu bevraagteken die getal Vrystaatse afgevaardigdes, wat gestyg het van 234 in 2012 tot 409 vanjaar.- In Noordwes het die getalle eweneens van 324 tot 538 opgeskiet.
“Ek salueer egter die NUK en die kantoor van die sekretaris-generaal vir die waterdigte riglyne wat dit moeilik gaan maak om die party se verkiesingsproses te manipuleer.”
Takke moet byvoorbeeld data byhou van hul benoemings en die name na ’n nasionale kieskommissie bestaande uit veterane stuur.
Die benoemingsproses, wat lederegisters insluit, sal ook nog geverifieer word, het Mantashe gesê.
Die konferensie, wat beplan word vir 16 tot 20 Desember in Gauteng, sal net voortgaan indien minstens 70% van afgevaardigdes teenwoordig is.
Theo Venter, politieke ontleder aan die Noordwes-Universiteit, het gesê daar is groot teenstrydighede tussen die getal munisipale wyke in ’n provinsie soos Mpumalanga en die hoeveelheid ANC-takke.
Mpumalanga het in 2016 minder munisipale wyke as in 2011 gehad.
“Maar hul verteenwoordiging na die konferensie het byna verdubbel.
“Mpumalanga (736 afgevaardigdes) behoort ingevolge sy bevolkingsgrootte tussen Limpopo (643) en Noordwes (538) te wees.”
Melanie Verwoerd, politieke ontleder en oud-ANC-LP, sê as die premiersliga-provinsies nie hul vergaderings teen die spertyd kan afhandel nie, sal dit Ramaphosa se kanse dramaties verbeter.
Dit kan egter ook lei tot ’n uitgestelde of ontwrigte konferensie.
“As dit voortgaan ondanks die afwesigheid van dié takke, en Ramaphosa wen, sal dit lei tot verdere onenigheid in die party en moontlik regstappe.”
Ramaphosa word sterk gesteun in Limpopo, die Oos-, Wes- en Noord-Kaap, en Gauteng.
KwaZulu-Natal is tans Dlamini-Zuma se sterkste provinsie. - Netwerk24
Kommentaar
Republikein
Geen kommentaar is op hierdie artikel gelaat nie