Craven wen opwindende Cycle Challenge

11 February 2019 | Sport
Andrew Poolman - In ’n opwindende einde het Dan Craven gister ’n formidabele groep ryers uitgestof om die 34ste Nedbank Cycle Challenge padfietsresies oor 100 kilometer in te palm.

Craven (36) het die driemalige Suid-Afrikaanse padresieskampioen Nolan Hoffman, wat as ’n bitter sterk naelryer bekend is, met die vroeë tydsberekening van sy eindpoging verras om uiteindelik met ’n gemaklike een sekonde oor die eindstreep te seil (2:26:19).

Die internasionale aanslag op die Cycle Challenge het ook die gedugte bergfietskoning Konny Looser van Switserland, ’n driemalige solowenner van die Nedbank Desert Dash, ingesluit.

Hoewel Looser vooraf ’n onbekende faktor op die padfiets was, het hy vyfde klaargemaak met net Craven, Hoffman, die 18-jarige Alex Miller en Xavier Papo (vierde) voor hom.

Looser (vyfde) het oor die eindstreep gesnel voor gedugte jaers soos Ingram Cuff, die nasionale junior kampioen Dieter Koen, Fiffy Kashululu, Kai Pritzen, Jacques Celliers, Drikus Coetzee, Alwyn Steenkamp (2018 nasionale o.23-kampioen), Ruan van Staden en André de Klerk, wat almal enduit in die voorste groep gery het.

“Sedert die 2003 Tour de Windhoek het ek nog nie so ’n groot, sterk groep aan die voorpunt van ’n padresies in Namibië gesien waarin soveel aanvallende ryers is nie,” het Craven agterna gesê.

“Nolan en Konny se teenwoordigheid wys dit beteken iets om hier te wees. Dis wonderlik vir Namibiese fietsry.

Toe Craven gevra is in watter stadium hy besef het die resies is daar om te wen, het hy geantwoord: “Eintlik reeds laas naweek, toe ek in die nasionale kampioenskap tweede gekom het (teen Alex Miller).

“Dis jammer dat dit die tweede jaar is dat dié oorwinning moet vergoed vir die vorige naweek, maar die Cycle Challenge is die resies waarin jy teen al jou beste vriende ry.”

Craven sê hy was aangenaam verras dat hy genoeg krag in sy bene oor gehad het om Hoffman met so ’n lang eindpoging te klop.

Hoffman het agterna gesê hy het sy oog op Miller gehad nadat die jongman die vorige naweek vir Craven in die nasionale padresieskampioenskap met sy eindpoging verras het. Volgens hom was dit een van Miller se laat aanvalle wat die angel uit sy bene gehaal het.

Hoffman sê ’n tweede plek dien altyd as motivering vir wat volgende kom.

“Ek wou nog altyd dié byeenkoms kom doen en dit was opwindend om sowat ’n duisend ryers in die verskillende afstande te sien. Fietsry in Namibië beweeg vorentoe en ek sal gewis weer hier kom ry,” het die 2018-wenner van die Tour de Windhoek gesê.

• In die vroueresies oor 100 km het Vera Adrian haar koms uit ’n yskoue Europa laat geld om haar titel te behou – hoewel Michelle Vorster haar hard gedruk het en net sentimeters agter haar voorwiel klaargemaak het.

Adrian het agterna die meeste van die media vir onderhoude ontglip. Sy en Looser, haar verloofde, het nadat sy haar asem teruggekry het weer op die fietse geklim vir ’n verdere oefensessie – met inagneming dat vanjaar die beslissende Olimpiese kwalifisering vir Japan 2020 voorlê.

Michelle Vorster het agterna gesê sy het eers laas week ’n ongesteldheid afgeskud. “Ek en Vera het vroeg van die res weggebreek en het soos gewoonlik saam gewerk, maar naelresies is meer haar sterk punt, terwyl ek in klimdele beter vaar. Dus moet ek op die meeste roetes al my kaarte reg speel as ek haar wil uitoorlê.”

• Nedbank Cycle Challenge, onlangse wenners
Mans
2013, 1 Costa Seibeb, 2 Heinrich Köhne
2014, 1 Costa Seibeb, 2 Lotto Petrus
2015, 1 Costa Seibeb, 2 Martin Freyer
2016, 1 Till Drobisch, 2 Costa Seibeb
2017, 1 Till Drobisch, 2 Drikus Coetzee
2018, 1 Dan Craven, 2 Drikus Coetzee
2019, 1 Dan Craven, 2 Nolan Hoffman (RSA)

Vroue
2013, 1 Chelna Neethling, 2 Irene Steyn
2014, 1 Irene Steyn, 2 Michelle Vorster
2015, 1 Michelle Vorster, 2 Irene Steyn
2016, 1 Genevieve Weber, 2 Irene Steyn
2017, 1 Michelle Vorster, 2 Michelle Döman
2018, 1 Vera Adrian, 2 Michelle Vorster
2019, 1 Vera Adrian, 2 Michelle Vorster

Soortgelyk

 

Wilde perde: Jongste vul reeds aangeval

2 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

2 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

2 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

2 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

2 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

2 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

2 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

2 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

2 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...