Cran wil wetgewing aanpas

Belanghebbendes kan steeds insette gee

08 January 2019 | Plaaslik
Elvira Hattingh - Die Regulerende Owerheid vir Kommunikasie van Namibië (Cran) wil veranderinge aan die wet op “tipe goedkeuring” maak, sodat onder meer 'n lys opgestel kan word van toerusting wat van die proses vrygeskeld is.

Die wet moet ook verander word sodat goedkeuring per toestel eerder as per persoon gegee word.

In 'n kennisgewing in die Staatskoerant van 21 Desember nooi Cran belanghebbendes om insette oor die voorgestelde veranderinge aan die wet voor of op 25 Januarie te maak, waarna 'n verhoor op 30 Januarie om 14:30 in verband hiermee sal plaasvind.

Dit volg nadat 'n wet ingestel is waarvolgens Cran vanaf 1 November 2016 eers “tipe goedkeuring” moet gee voordat enige telekommunikasietoestelle plaaslik ingevoer kan word.

Daar word byvoorbeeld eers getoets of die produkte van goeie gehalte en veilig is, die korrekte frekwensies gebruik, met internasionale standaarde ooreenkom en toepaslik vir plaaslike netwerke is, voordat 'n goedkeuringsertifikaat uitgereik word.

Cran sê met die veranderinge beoog dit om die uitdagings uit die weg te ruim wat betref die toepassing van die wet op tweedehandse motors met kortafstandtoestelle.

Die doel is ook dat wanneer iemand reeds goedkeuring vir die invoer van 'n sekere toestel gekry het, enige een daardie spesifieke model en handelsnaam kan invoer.

Dit beteken sodra 'n spesifieke toestel op Cran se databasis van goedgekeurde toestelle is, hoef elke individuele invoerder nie van vooraf vir tipe goedkeuring aansoek te doen nie.

Dienooreenkomstig sal subregulasies een, twee en vier van regulasie tien geskrap word omdat 'n sertifikaat vir tipe goedkeuring nie langer die intellektuele eiendom van die aansoeker alleen is nie.

Boonop sal daar met behulp van die nuwe wetgewing 'n lys opgestel word van toestelle wat nie tipe goedkeuring hoef te kry voordat dit ingevoer word nie.

TARIEWE
Verder word die tariewe vir tipe goedkeuring aangepas volgens die die Namibië Statistiekagentskap (NSA) se verbruikersindeks.

Hiervolgens sal dit byvoorbeeld N$1 150 kos om aansoek te doen vir 'n gemeenskapsradio-uitsender, aansoeke vir datatoerusting soos byvoorbeeld 'n modem sal N$518 kos en vir netwerktoerusting, wat byvoorbeeld insluit 'n mikrogolfsender, sal dit N$3 450 kos.

Sedert dié wet 'n rapsie meer as twee jaar in werking gestel is, het sakelui en invoerders van telekommunikasie herhaaldelik kapsie daarteen gemaak en geëis dat wedersydse erkenningsooreenkomste met ander regulerende owerhede soos byvoorbeeld Suid-Afrika se Icasa opgestel moet word.

Van hul klagtes was onder meer dat aansoeke vir die vereiste tipe goedkeuring vir sekere telekommunikasietoestelle glo te lank geneem het, besendings dikwels “onnodig en uit onkunde” deur doeanes op die grens teruggehou is, en die sertifikasie verhoed dat nuwe tegnologie tydig of soms glad nie aan die Namibiese mark bekend gestel kan word nie.

Soortgelyk

 

Staat vra hof om minister skuldig te bevind

1 uur gelede | Howe

Adjunk-aanklaer-generaal Ed Marondedze het vroeër vandag vir regter Christie Liebenberg gevra om vir me. Katrina Hanse-Himarwa skuldig te bevind aan korrupsie.Dít kom nadat die staat...

Brian Finch privaat gegroet

4 ure gelede | Kuns en vermaak

Die musieklegende Brian Finch, wat vroeër vandeesweek sy stryd teen kanker verloor het, gaan tydens ’n private seremonie ter ruste gelê word. Volgens ’n plaaslike...

NSFAF beperk finansiering

5 ure gelede | Onderwys

Die Finansiële Hulpfonds vir Namibiese Studente (NSFAF) sal eerskomende Vrydag ’n lys van 2 925 nuwe begunstigdes beskikbaar stel. Die byna 3 000 gelukkiges word...

Eis van miljoene ná miskraam

16 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

16 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

16 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

16 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

16 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

16 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...