CoW-drama kry tweede asem

Tugklagtes teen Kahimise, ander

25 June 2019 | Regering
Denver Kisting – Sodra sy tugverhoor afgehandel is, kan die stadsraad besluit of strafregtelike klagte ook teen mnr. Robert Kahimise, Windhoek se uitvoerende hoof, gelê word.

So sê me. Agatha Iyambo, voorsitter van die stadsraad se bestuurskomitee, by navraag.

Hoewel haar geheue haar deurgaans in die steek gelaat het, kon sy onthou dissiplinêre klagte is verlede week op Kahimise en vier ander mense beteken.

Wat die aard van die klagtes is en op wie almal dit beteken is, kon sy volgens haar nie onthou nie.

Sy kon eweneens nie onthou of ’n datum vir die vyftal se tugverhoor al vasgestel is nie.

Republikein het gister verneem die vier ander is CoW se regshoof, mnr. Ben Ngairorue, die bestuurder van parke, mnr. Waka Kazombiaze, Kahimise se sekretaresse en sy motorbestuurder.

Op ’n vraag of die stappe te doen het met die beweerde ongeoorloofde studiereis wat Kahimise na Parys, Frankryk, onderneem het, het Iyambo gesê: “Dis nie die enigste ding nie.”

Sy het bevestig geeneen van die vyf mense is in hierdie stadium geskors nie.

Kahimise en sy prokureur, mnr. Patrick Kauta, het gister soos die graf geswyg oor die jongste drama in die voortslepende sage.

Republikein het vroeër berig CoW is van mening die klagtes teen Kahimise is só ernstig dat hy afgedank kan word.

Omdat Kahimise in ’n vertrouensposisie is en as uitvoerende hoof die plig het om te verseker die raad se besluite, aanvaarde beleid en strategieë word in werking gestel en uitgeoefen, is die ernstige wangedrag wat CoW glo hy begaan het “soveel ernstiger”, lui vroeëre hofstukke.

“Die wangedrag, waaraan aan ons glo (Kahimise) skuldig is, sluit oneerlikheid in en ’n verontagsaming van die bepalings van die raad – die einste besluite en beleid wat hy ’n plig het om te beskerm en in werking te stel.”

CoW meen Kahimise is skuldig aan die wanbesteding van openbare geld en ongemagtigde verskwisting “in dié ekonomies moeilike tye”.

Die raad hou vol hy het nie magtiging gehad om bykans N$150 000 se studiehulp vir nagraadse studie in Parys, Frankryk, te ontvang nie.

Die wyse waarop Kahimise die burgemeester, mnr. Muesee Kazapua, gekry het om die lening goed te keur, was verkeerd en Kahimise het dit geweet, voer CoW aan.

Me. Tekla Uwanga, die eertydse adjunkburgemeester, sê CoW het rede om te glo Kahimise het die raad gekry om vir hom ’n Toyota Corolla vir sy persoonlike gebruik aan te skaf.

Hy het glo ’n CoW-werknemer ingespan as persoonlike voertuigbestuurder. “Hy maak gebruik van die voertuig en ’n bestuurder vir sy persoonlike behoeftes.”

Sy sê hulle het hiervan uitgevind toe Kahimise glo die wiele aan die rol gesit het om die Corolla met ’n Fortuner te laat vervang.

“Dit moet teen die agtergrond gesien word dat, in sy eie weergawe, hy vier voertuie vir sy eie gebruik het.”

Soortgelyk

 

Laat koppe rol - Jooste, SPYL

8 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

8 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

8 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

8 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

8 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

8 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

8 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

8 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

8 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...